Missale Romanum 2002 continu 803

Die 8 augusti

S. Dominici, presbyteri

Memoria

Ant. ad introitum Cf. Qo 15,5 In médio Ecclésiae apéruit os eius, et implévit eum Dóminus spíritu sapiéntiae et intelléctus: stolam glóriae índuit eum.

Collecta Adiuvet Ecclésiam tuam, Dómine, beátus Domínicus méritis et doctrínis, atque pro nobis efficiátur piíssimus intervéntor, qui tuae veritátis éxstitit praedicátor exímius. Per Dóminum.

Super oblata Preces, quas tibi, Dómine, offérimus, intercedénte beáto Domínico, cleménter inténde, et, huius sacrifícii virtúte poténti, propugnatóres fídei grátiae tuae protectióne confírma. Per Christum.

Ant. ad communionem Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensúram.

Post communionem Caeléstis, Dómine, virtútem sacraménti, quo in beáti commemoratióne Domínici pasti sumus, percípiat Ecclésia tua plenae devotiónis afféctu, et cuius praedicatióne flóruit, eius intercessióne iuvétur. Per Christum.


804 & 4 X

Pagina 804.


Die 9 augusti

S. Teresiæ Benedictæ a Cruce, virginis et

martyris

De Communi martyrum: pro virgine martyre (p. 924 ), vel de Communi virginum: pro una virgine (p. 947 ).

Collecta Deus patrum nostrórum, qui beátam Terésiam Benedíctam mártyrem ad cognitiónem Fílii tui crucifíxi eiúsque imitatiónem usque ad mortem perduxísti, ipsa intercedénte, concéde, ut omnes hómines Christum Salvatórem agnóscant et per eum ad perpétuam tui visiónem advéniant. Qui tecum.

Die 10 augusti

S. LAURENTII, DIACONI ET MARTYRIS

Festum

Ant. ad introitum Hic est beátus Lauréntius, qui pro ope Ecclésiae semetípsum trádidit: proptérea méruit martyrii passiónem, ut laetus ascénderet ad Dóminum Iesum Christum.

Dicitur Gloria in excélsis.

Collecta Deus, cuius caritátis ardóre beátus Lauréntius servítio cláruit fidélis et martyrio gloriósus, fac nos amáre quod amávit, et ópere exercére quod dócuit. Per Dóminum.

Super oblata Súscipe propítius, Dómine, múnera in beáti Lauréntii celebritáte laetánter obláta, et ad nostrae salútis auxílium proveníre concéde. Per Christum.


805 & 4 X

Pagina 805.

Ant. ad communionem Cf. Jn 12,26 Qui mihi minístrat, me sequátur; et ubi sum ego, illic et miníster meus erit, dicit Dóminus.

Post communionem Sacro múnere satiáti, súpplices te, Dómine, deprecámur, ut, quod in festivitáte beáti Lauréntii débitae servitútis praestámus obséquium, salvatiónis tuae sentiámus augméntum. Per Christum.


Die 11 augusti

S. Claræ, virginis

Memoria

De Communi virginum (p. 946 ), vel de Communi sanctorum: pro moniali (p. 960 ).

Collecta Deus, qui beátam Claram ad paupertátis amórem misericórditer adduxísti, eius nobis intercessióne concéde, ut, in paupertáte spíritus Christum sequéntes, ad tui contemplatiónem in caelésti regno perveníre mereámur. Per Dóminum.

Die 12 augusti

S. Ioannæ Franciscæ de Chantal, religiosæ

De Communi sanctorum: pro religiosis (p. 961 ).

Collecta Deus, qui beátam Ioánnam Francíscam per várias vitae sémitas praecláris méritis illustrásti, ipsíus nobis intercessióne concéde, ut, in vocatióne nostra fidéliter ambulántes, lucis exémpla iúgiter ostendámus. Per Dóminum.

806 & 4 X

Pagina 806.


Die 13 augusti

Ss. Pontiani, papæ, et Hippolyti,

presbyteri, martyrum

De Communi martyrum: pro pluribus martyribus (p. 909 ), vel de Communi pastorum (p. 927 ).

Collecta Patiéntia pretiósa iustórum tuae nobis, Dómine, quaesumus, afféctum dilectiónis accúmulet, et in córdibus nostris sacrae fídei semper exérceat firmitátem. Per Dóminum.

Die 14 augusti

S. Maximiliani Mariæ Kolbe, presbyteri et

martyris

Memoria

Ant. ad introitum Mt 25,34 Mt 40 Veníte, benedícti Patris mei, dicit Dóminus. Amen dico vobis: quámdiu fecístis uni de his frátribus meis mínimis, mihi fecístis.

Collecta Deus, qui sanctum Maximiliánum Maríam, presbyterum et mártyrem, amóre Vírginis Immaculátae succénsum, animárum zelo et próximi dilectióne replevísti, concéde propítius, ut, eo intercedénte, pro tua glória in servítio hóminum strénue laborántes, usque ad mortem Fílio tuo conformári valeámus. Qui tecum.

Super oblata Múnera nostra tibi, Dómine, exhibémus, supplíciter exorántes, ut sancti Maximiliáni Maríae exémplo, vitam nostram tibi discámus offérre. Per Christum.


807 & 4 X

Pagina 807.

Ant. ad communionem Cf. Jn 15,13 Maiórem caritátem nemo habet, ut ánimam suam ponat quis pro amícis suis, dicit Dóminus.

Post communionem Quaesumus, Dómine, ut refécti Córpore et Sánguine Fílii tui, eo caritátis igne accendámur, quem ex hoc convívio sanctus Maximiliánus María accépit. Per Christum.


Die 15 augusti

IN ASSUMPTIONE BEATAE MARIAE VIRGINIS

Sollemnitas

Ad Missam in Vigilia

Haec Missa dicitur vespere diei 14 augusti, sive ante sive post I Vesperas sollemnitatis.

Ant. ad introitum Gloriósa dicta sunt de te, María, quae hódie exaltáta es super choros Angelórum, et in aetérnum cum Christo triúmphas.

Dicitur Gloria in excélsis.

Collecta Deus, qui beátam Vírginem Maríam, eius humilitátem respíciens, ad hanc grátiam evexísti, ut Unigénitus tuus ex ipsa secúndum carnem nascerétur, et hodiérna die superexcellénti glória coronásti, eius nobis précibus concéde, ut, redemptiónis tuae mystério salváti, a te exaltári mereámur. Per Dóminum.

DiciturCredo

808 & 4 X

Pagina 808.


Super oblata Súscipe, quaesumus, Dómine, sacrifícium placatiónis et laudis, quod in sanctae Dei Genetrícis Assumptióne celebrámus, ut ad véniam nos obtinéndam perdúcat, et in perpétua gratiárum constítuat actióne. Per Christum.

Praefatio propria, ut in Missa sequenti, pp. 810 -812 .

Ant. ad communionem Cf. Lc 11,27 Beáta víscera Maríae Vírginis, quae portavérunt aetérni Patris Fílium.

Post communionem Mensae caeléstis partícipes effécti, implorámus cleméntiam tuam, Dómine Deus noster, ut, qui Assumptiónem Dei Genetrícis cólimus, a cunctis malis imminéntibus liberémur. Per Christum.

Adhiberi potest formula benedictionis sollemnis, pp. 612 -613 .

Ad Missam in die

Ant. ad introitum Cf. Signum magnum appáruit in caelo: múlier amícta sole, et luna sub pédibus eius, et in cápite eius coróna stellárum duódecim.

Vel: Gaudeámus omnes in Dómino, diem festum celebrántes sub honóre Maríae Vírginis, de cuius Assumptióne gaudent Angeli, et colláudant Fílium Dei.

Dicitur Gloria in excélsis.

809 & 4 X

Pagina 809.

810 & 4 X

Pagina 810.


Collecta Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad caeléstem glóriam assumpsísti, concéde, quaesumus, ut, ad supérna semper inténti, ipsíus glóriae mereámur esse consórtes. Per Dóminum.

DiciturCredo

Super oblata Ascéndat ad te, Dómine, nostrae devotiónis oblátio, et, beatíssima Vírgine María in caelum assúmpta intercedénte, corda nostra, caritátis igne succénsa, ad te iúgiter aspírent. Per Christum.

Praefatio: De gloria Mariae Assumptae. Tonus sollemnis


811 & 4 X

Pagina 811.

Sanctus, Sanctus, Sanctus Dóminus Deus Sábaoth...

Texus sine cantu: V. Dóminus vobíscum. R. Et cum spíritu tuo. V. Sursum corda. R. Habémus ad Dóminum. V. Grátias agámus Dómino Deo nostro. R. Dignum et iustum est.

812 & 4 X

Pagina 812.

Vere dignum et iustum est, aequum et salutáre, nos tibi semper et ubíque grátias ágere: Dómine, sancte Pater, omnípotens aetérne Deus: per Christum Dóminum nostrum. Quóniam Virgo Deípara hódie in caelos assúmpta est, Ecclésiae tuae consummándae inítium et imágo, ac pópulo peregrinánti certae spei et solácii documéntum; corruptiónem enim sepúlcri eam vidére mérito noluísti, quae Fílium tuum, vitae omnis auctórem, ineffabíliter de se génuit incarnátum. Et ídeo, choris angélicis sociáti, te laudámus, in gáudio confiténtes: Sanctus, Sanctus, Sanctus Dóminus Deus Sábaoth...

Ant. ad communionem Lc 1,48-49 Beátam me dicent omnes generatiónes, quia fecit mihi magna qui potens est.

Post communionem Sumptis, Dómine, salutáribus sacraméntis, da, quaesumus, ut, intercessióne beátae Maríae Vírginis in caelum assúmptae, ad resurrectiónis glóriam perducámur. Per Christum.

Adhiberi potest formula benedictionis sollemnis, pp. 612 -613 .


Die 16 augusti

S. Stephani Hungariæ

De Communi sanctorum: pro uno sancto (p. 956 ).

Collecta Concéde, quaesumus, Ecclésiae tuae, omnípotens Deus, ut beátum Stéphanum, quem regnántem in terris propagatórem hábuit, propugnatórem habére mereátur gloriósum in caelis. Per Dóminum.

813 & 4 X

Pagina 813.


Die 19 augusti

S. Ioannis Eudes, presbyteri

De Communi pastorum: pro uno pastore (p. 933 ), vel de Communi sanctorum: pro religiosis (p. 961 ).

Collecta Deus, qui beátum Ioánnem presbyterum ad annuntiándum investigábiles Christi divítias mirabíliter elegísti, da nobis, eius exémplis et mónitis, ut, in tua sciéntia crescéntes, secúndum Evangélii lumen fidéliter conversémur. Per Dóminum.

Die 20 augusti

S. Bernardi, abbatis et Ecclesiæ doctoris

Memoria

Ant. ad introitum Replévit beátum Bernárdum Dóminus spíritu intellegéntiae, et ipse fluénta doctrínae ministrávit pópulo Dei.

Collecta Deus, qui beátum Bernárdum abbátem, zelo domus tuae succénsum, in Ecclésia tua lucére simul et ardére fecísti, eius nobis intercessióne concéde, ut, eódem spíritu fervéntes, tamquam fílii lucis iúgiter ambulémus. Per Dóminum.

Super oblata Maiestáti tuae, Dómine, unitátis et pacis offérimus sacraméntum, sancti Bernárdi abbátis memóriam recoléntes, qui, verbo et ópere praeclárus, Ecclésiae tuae órdinis concórdiam strénue procurávit. Per Christum.


814 & 4 X

Pagina 814.

Ant. ad communionem Jn 15,9 Sicut diléxit me Pater, et ego diléxi vos, dicit Dóminus; manéte in dilectióne mea.

Post communionem Cibus, quem súmpsimus, Dómine, in celebratióne beáti Bernárdi, suum in nobis operétur efféctum, ut, eius exémplis roboráti et mónitis erudíti, Verbi tui incarnáti rapiámur amóre. Qui vivit et regnat in saecula saeculórum.

Die 21 augusti

S. Pii X, papæ

Memoria

De Communi pastorum: pro papa (p. 927 ).

Collecta Deus, qui, ad tuéndam cathólicam fidem et univérsa in Christo instauránda, beátum Pium papam caelésti sapiéntia et apostólica fortitúdine replevísti, concéde propítius, ut, eius institúta et exémpla sectántes, praemia consequámur aetérna. Per Dóminum.

Super oblata Oblatiónibus nostris, Dómine, benígne suscéptis, da, quaesumus, ut haec divína mystéria, beáti Pii papae mónita secúti, sincéris tractémus obséquiis, et fidéli mente sumámus. Per Christum.

Post communionem Memóriam beáti Pii papae celebrántes, quaesumus, Dómine Deus noster, ut, virtúte mensae caeléstis, constántes efficiámur in fide, et in tua simus caritáte concórdes. Per Christum.


815 & 4 X

Pagina 815.


Die 22 augusti

Beatæ Mariæ Virginis Reginæ

Memoria

Ant. ad introitum Cf. Ps 44,10 Astitit Regína a dextris tuis in vestítu deauráto, circúmdata varietáte.

Collecta Deus, qui Fílii tui Genetrícem nostram constituísti Matrem atque Regínam, concéde propítius, ut, ipsíus intercessióne suffúlti, tuórum in regno caelésti consequámur glóriam filiórum. Per Dóminum.

Super oblata Memóriam recoléntes beátae Vírginis Maríae, tibi, Dómine, múnera nostra offérimus, deprecántes, ut eius nobis succúrrat humánitas, qui tibi oblatiónem seípsum in cruce óbtulit immaculátam. Qui vivit et regnat in saecula saeculórum.

Praefatio I de beata Maria Virgine (Et te in festivitáte), p. 547 , vel II, p. 548 .

Ant. ad communionem Cf. Lc 1,45 Beáta es, quae credidísti, quóniam perficiéntur ea, quae dicta sunt tibi a Dómino.

Post communionem Sumptis, Dómine, sacraméntis caeléstibus, te súpplices deprecámur, ut, qui beátae Vírginis Maríae memóriam venerándo recólimus, aetérni convívii mereámur esse partícipes. Per Christum.


816 & 4 X

Pagina 816.


Die 23 augusti

S. Rosæ de Lima, virginis

De Communi virginum: pro una virgine (p. 947 ).

Collecta Deus, qui beátam Rosam, tuo amóre succénsam, mundum relínquere et tibi soli in austeritáte paeniténtiae vacáre fecísti, da nobis, eius intercessióne, ut, vias vitae sectántes in terris, torrénte deliciárum tuárum perfruámur in caelis. Per Dóminum.

Die 24 augusti

S. BARTHOLOMAEI, APOSTOLI

Festum

Ant. ad introitum Cf. Ps 95,2-3 Annuntiáte de die in diem salutáre Dei, annuntiáte inter gentes glóriam eius.

Dicitur Gloria in excélsis.

Collecta Róbora in nobis, Dómine, fidem, qua Fílio tuo beátus Bartholomaeus apóstolus sincéro ánimo adhaesit, et praesta, ut, ipso deprecánte, Ecclésia tua cunctis géntibus salútis fiat sacraméntum. Per Dóminum.

Super oblata Beáti apóstoli Bartholomaei festivitátem, Dómine, recenséntes, quaesumus, ut eius intercessióne tua capiámus auxília, in cuius honórem tibi laudis hóstias immolámus. Per Christum.

Praefatio de Apostolis, pp. 549 - 550 .


817 & 4 X

Pagina 817.

Ant. ad communionem Lc 22,29-30 Ego dispóno vobis, sicut dispósuit mihi Pater meus, regnum, ut edátis et bibátis super mensam meam in regno meo, dicit Dóminus.

Post communionem Súmpsimus, Dómine, pignus salútis aetérnae, festivitátem beáti Bartholomaei apóstoli celebrántes, quod sit nobis, quaesumus, vitae praeséntis auxílium páriter et futúrae. Per Christum.

Adhiberi potest formula benedictionis sollemnis, pp. 613 -614 .


Die 25 augusti

S. Ludovici

De Communi sanctorum: pro uno sancto (p. 956 ).

Collecta Deus, qui beátum Ludovícum e terréni regíminis cura ad caeléstis regni glóriam transtulísti, eius, quaesumus, intercessióne concéde, ut, per múnera temporália quae gérimus, regnum tuum quaerámus aetérnum. Per Dóminum.

S. Iosephi de Calasanz, presbyteri

De Communi sanctorum: pro educatoribus (p. 965 ), vel de Communi pastorum: pro uno pastore (p. 933 ).

Collecta Deus, qui beátum Ioséphum presbyterum tanta caritáte et patiéntia decorásti, ut púeris erudiéndis omníque virtúte exornándis constánter incúmberet, concéde, quaesumus, ut, quem sapiéntiae praeceptórem cólimus, veritátis cooperatórem iúgiter imitémur. Per Dóminum.

818 & 4 X

Pagina 818.


Die 27 augusti

S. Monicæ

Memoria

De Communi sanctarum: pro sanctis mulieribus (p. 966 ).

Collecta Deus, maeréntium consolátor, qui beátae Mónicae pias lácrimas in conversióne fílii sui Augustíni misericórditer suscepísti, da nobis, utriúsque intervéntu, peccáta nostra deploráre, et grátiae tuae indulgéntiam inveníre. Per Dóminum.

Die 28 augusti

S. Augustini, episcopi et Ecclesiæ

doctoris

Memoria

Ant. ad introitum Cf. Qo 15,5 In médio Ecclésiae apéruit os eius, et implévit eum Dóminus spíritu sapiéntiae et intelléctus, stolam glóriae índuit eum.

Collecta Innova, quaesumus, Dómine, in Ecclésia tua spíritum, quo beátum Augustínum epíscopum imbuísti, ut, eódem nos repléti, te solum verae fontem sapiéntiae sitiámus, et supérni amóris quaerámus auctórem. Per Dóminum.

Super oblata Salútis nostrae memoriále celebrántes, cleméntiam tuam, Dómine, supplíciter exorámus, ut hoc sacraméntum pietátis fiat nobis signum unitátis et vínculum caritátis. Per Christum.


819 & 4 X

Pagina 819.

Ant. ad communionem Mt 23,10 Mt 8 Dicit Dóminus: Magíster vester unus est, Christus. Omnes autem vos fratres estis.

Post communionem Sanctíficet nos, quaesumus, Dómine, mensae Christi participátio, ut, eius membra effécti, simus quod accépimus. Per Christum.


Die 29 augusti

In Passione S. Ioannis Baptistæ

Memoria

Ant. ad introitum Cf. Ps 118,46-47 Loquébar, Dómine, de testimóniis tuis in conspéctu regum, et non confundébar, et meditábar in mandátis tuis, quae diléxi nimis.

Collecta Deus, qui beátum Ioánnem Baptístam et nascéntis et moriéntis Fílii tui Praecursórem esse voluísti, concéde, ut, sicut ille veritátis et iustítiae martyr occúbuit, ita et nos pro tuae confessióne doctrínae strénue certémus. Per Dóminum.

Super oblata Da nobis, Dómine, per haec múnera quae tibi offérimus, illam tuárum rectitúdinem semitárum, quam beátus Ioánnes, vox in desérto clamántis, edócuit, et, fuso sánguine, magna virtúte signávit. Per Christum.


820 & 4 X

Pagina 820.

821 & 4 X

Pagina 821.

Praefatio: De missione Praecursoris.

V. Dóminus vobíscum. R. Et cum spíritu tuo. V. Sursum corda. R. Habémus ad Dóminum. V. Grátias agámus Dómino Deo nostro. R. Dignum et iustum est. Vere dignum et iustum est, aequum et salutáre, nos tibi semper et ubíque grátias ágere: Dómine, sancte Pater, omnípotens aetérne Deus: per Christum Dóminum nostrum. In cuius Praecursóre beáto Ioánne tuam magnificéntiam collaudámus, quem inter natos mulíerum honóre praecípuo consecrásti. Qui cum nascéndo multa gáudia praestitísset, et nondum éditus exsultásset ad humánae salútis advéntum, ipse solus ómnium prophetárum Agnum redemptiónis osténdit. Sed et sanctificándis étiam aquae fluéntis ipsum baptísmatis lavit auctórem, et méruit fuso sánguine suprémum illi testimónium exhibére. Et ídeo, cum caelórum Virtútibus, in terris te iúgiter praedicámus, maiestáti tuae sine fine clamántes: Sanctus, Sanctus, Sanctus Dóminus Deus Sábaoth...

Ant. ad communionem Jn 3,27 Jn 30 Respóndit Ioánnes: Illum opórtet créscere, me autem mínui.

Post communionem Concéde nobis, Dómine, beáti Ioánnis Baptístae natále recenséntibus, ut et salutária sacraménta quae súmpsimus significáta venerémur, et in nobis pótius édita gaudeámus. Per Christum.


822 & 4 X

Pagina 822.

&&SEPTEMBER


Die 3 septembris

S. Gregorii Magni, papæ et Ecclesiæ

doctoris

Memoria

Ant. ad introitum Beátus Gregórius, in cáthedra Petri sublimátus, semper spéciem Dómini quaerébat, atque in sollemnitáte illíus amóris habitábat.

Collecta Deus, qui pópulis tuis indulgéntia cónsulis et amóre domináris, da spíritum sapiéntiae, intercedénte beáto Gregório papa, quibus dedísti régimen disciplínae, ut de proféctu sanctárum óvium fiant gáudia aetérna pastórum. Per Dóminum.

Super oblata Annue nobis, quaesumus, Dómine, ut, in celebratióne beáti Gregórii, haec nobis prosit oblátio, quam immolándo totíus mundi tribuísti relaxári delícta. Per Christum.

Ant. ad communionem Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensuram.

823 & 4 X

Pagina 823.


Post communionem Quos Christo réficis pane vivo, eósdem édoce, Dómine, Christo magístro, ut in festivitáte beáti Gregórii tuam discant veritátem, et eam in caritáte operéntur. Per Christum.


Die 8 septembris

IN NATIVITATE BEATAE MARIAE VIRGINIS

Festum

Ant. ad introitum Cum iucunditáte Nativitátem beátae Maríae Vírginis celebrémus, ex qua ortus est sol iustítiae, Christus Deus noster.

Dicitur Gloria in excélsis.

Collecta Fámulis tuis, quaesumus, Dómine, caeléstis grátiae munus impertíre, ut, quibus beátae Vírginis partus éxstitit salútis exórdium, Nativitátis eius festívitas pacis tríbuat increméntum. Per Dóminum.

Super oblata Nativitátem beátae Vírginis Maríae cum gáudio recoléntes, tibi, Dómine, múnera nostra deférimus, et súpplices deprecámur, ut Fílii tui nobis succúrrat humánitas, qui ex eádem Vírgine carnem dignátus est suscípere. Qui vivit et regnat in saecula saeculórum.

Praefatio I de beata Maria Virgine (Et te in Nativitáte), p. 547 , vel II, p. 548 .

824 & 4 X

Pagina 824.

Ant. ad communionem Is 7,14; Mt 1,21 Ecce Virgo páriet Fílium, qui salvum fáciet pópulum suum a peccátis eórum.

Post communionem Exsúltet Ecclésia tua, Dómine, quam sacris mystériis refecísti, de beátae Maríae Vírginis Nativitáte congáudens, quae univérso mundo spes fuit et auróra salútis. Per Christum.

Adhiberi potest formula benedictionis sollemnis, pp. 612 -613 .


Die 9 septembris

S. Petri Claver, presbyteri

De Communi pastorum: pro uno pastore (p. 933 ) vel de Communi sanctorum: pro iis qui opera misericordiae exercuerunt (p. 963 ).

Collecta Deus, qui beátum Petrum servórum servum effecísti eúmque mira in eis iuvándis caritáte et patiéntia roborásti, eius nobis intercessióne concéde, ut, quae Iesu Christi sunt, quaeréntes, próximos ópere et veritáte diligámus. Per Dóminum.

Die 12 septembris

Sanctissimi Nominis Mariæ

Ant. ad introitum Cf. Benedícta es tu, Virgo María, a Dómino Deo excélso prae ómnibus muliéribus super terram; quia nomen tuum ita magnificávit, ut non recédat laus tua de ore hóminum.

825 & 4 X

Pagina 825.


Collecta Concéde, quaesumus, omnípotens Deus, ut cunctis gloriósum beátae Maríae Vírginis nomen celebrántibus misericórdiae tuae benefícia ipsa procúret. Per Dominum.

Super oblata Intercéssio, quaesumus, Dómine, beátae Maríae semper Vírginis múnera nostra comméndet, nosque in eius nóminis veneratióne tuae maiestáti reddat accéptos. Per Christum.

Ant. ad communionem Cf. Lc 1,48 Beátam me dicent omnes generatiónes, quia ancíllam húmilem respéxit Deus.

Post communionem Benedictiónis tuae, Dómine, intercedénte Dei Genetríce María, grátiam consequámur, ut, cuius venerándum nomen celebrámus, eius in ómnibus necessitátibus auxílium percipiámus. Per Christum.


Die 13 septembris

S. Ioannis Chrysostomi, episcopi et

Ecclesiae doctoris

Memoria

Ant. ad introitum Cf. Da 12,3 Qui docti fúerint, fulgébunt quasi splendor firmaménti, et qui ad iustítiam erúdiunt multos, quasi stellae in perpétuas aeternitátes.

826 & 4 X

Pagina 826.


Collecta Deus, in te sperántium fortitúdo, qui beátum Ioánnem Chrysóstomum epíscopum mira eloquéntia et tribulatiónis experiménto claréscere voluísti, da nobis, quaesumus, ut, eius doctrínis erudíti, invíctae patiéntiae roborémur exémplo. Per Dóminum.

Super oblata Sacrifícium tibi pláceat, Deus, in commemoratióne beáti Ioánnis Chrysóstomi libénter exhíbitum, quo monénte, nos étiam totos tibi réddimus collaudántes. Per Christum.

Ant. ad communionem Cf. 1Co 1,23-24 Nos praedicámus Christum crucifíxum, Christum, Dei virtútem et Dei sapiéntiam.

Post communionem Concéde, miséricors Deus, ut mystéria, quae pro beáti Ioánnis Chrysóstomi commemoratióne súmpsimus, nos in tua caritáte confírment, et tuae fidéles confessóres veritátis effíciant. Per Christum.


Die 14 septembris

IN EXALTATIONE SANCTAE CRUCIS

Festum

Ant. ad introitum Cf. Ga 6,14 Nos autem gloriári opórtet in cruce Dómini nostri Iesu Christi, in quo est salus, vita et resurréctio nostra, per quem salváti et liberáti sumus.

827 & 4 X

Pagina 827.


Dicitur Gloria in excélsis.

Collecta Deus, qui Unigénitum tuum crucem subíre voluísti, ut salvum fáceret genus humánum, praesta, quaesumus, ut, cuius mystérium in terra cognóvimus, eius redemptiónis praemia in caelo cónsequi mereámur. Per Dóminum.

Quando hoc festum incidit in dominicam, diciturCredo

Super oblata Haec oblátio, Dómine, quaesumus, ab ómnibus nos purget offénsis, quae in ara crucis totíus mundi tulit offénsam. Per Christum.

Praefatio: De victoria crucis gloriosae. Tonus sollemnis

828 & 4 X

Pagina 828.

Sanctus, Sanctus, Sanctus Dóminus Deus Sábaoth...

829 & 4 X

Pagina 829.

Textus sine cantu: V. Dóminus vobíscum. R. Et cum spíritu tuo. V. Sursum corda. R. Habémus ad Dóminum. V. Grátias agámus Dómino Deo nostro. R. Dignum et iustum est. Vere dignum et iustum est, aequum et salutáre, nos tibi semper et ubíque grátias ágere: Dómine, sancte Pater, omnípotens, aetérne Deus: Qui salútem humáni géneris in ligno crucis constituísti, ut unde mors oriebátur, inde vita resúrgeret; et, qui in ligno vincébat, in ligno quoque vincerétur: per Christum Dóminum nostrum. Per quem maiestátem tuam laudant Angeli, adórant Dominatiónes, tremunt Potestátes. Caeli caelorúmque Virtútes, ac beáta Séraphim, sócia exsultatióne concélebrant. Cum quibus et nostras voces ut admítti iúbeas, deprecámur, súpplici confessióne dicéntes: Sanctus, Sanctus, Sanctus Dóminus Deus Sábaoth...

Adhiberi potest etiam Praefatio I de Passione Domini, p. 528 .

Ant. ad communionem Jn 12,32 Ego si exaltátus fúero a terra, omnes traham ad meípsum, dicit Dóminus.

Post communionem Refectióne tua sancta enutríti, Dómine Iesu Christe, súpplices deprecámur, ut, quos per lignum crucis vivíficae redemísti, ad resurrectiónis glóriam perdúcas. Qui vivis et regnas in saecula saeculórum.

830 & 4 X

Pagina 830.


Die 15 septembris

Beatæ Mariæ Virginis Perdolentis

Memoria

Ant. ad introitum Cf. Lc 2,34-35 Dixit Símeon ad Maríam: Ecce, pósitus est hic in ruínam et in resurrectiónem multórum in Israel, et in signum cui contradicétur; et tuam ipsíus ánimam pertransíbit gládius.

Collecta Deus, qui Fílio tuo in cruce exaltáto compatiéntem Matrem astáre voluísti, da Ecclésiae tuae, ut, Christi passiónis cum ipsa consors effécta, eiúsdem resurrectiónis párticeps esse mereátur. Qui tecum.

Super oblata Súscipe, miséricors Deus, ad tui nóminis laudem preces hostiásque in veneratióne beátae Maríae Vírginis exhíbitas, quam, stantem iuxta crucem Iesu, cleménter nobis Matrem piíssimam providísti. Per Christum.

Praefatio I de beata Maria Virgine (Et te in festivitáte), p. 547 , vel II, p. 548 .

Ant. ad communionem Cf. 1P 4,13 Communicántes Christi passiónibus, gaudéte, ut et in revelatióne glóriae eius gaudeátis exsultántes.

Post communionem Sumptis, Dómine, sacraméntis redemptiónis aetérnae, súpplices deprecámur, ut, compassiónem beátae Maríae Vírginis recoléntes, ea in nobis pro Ecclésia adimpleámus, quae desunt Christi passiónum. Qui vivit et regnat in saecula saeculórum.

831 & 4 X

Pagina 831.


Die 16 septembris

Ss. Cornelii, papæ, et Cypriani,

episcopi, martyrum

Memoria

De Communi martyrum: pro pluribus martyribus (p. 909 ), vel de Communi pastorum: pro episcopis (p. 927 ).

Collecta Deus, qui pópulo tuo beátos Cornélium et Cypriánum sédulos pastóres et invíctos mártyres praestitísti, concéde ut, eórum intercessióne, fide et constántia roborémur, et pro Ecclésiae unitáte óperam tribuámus impénse. Per Dóminum.

Super oblata Súscipe, quaesumus, Dómine, múnera pópuli tui pro mártyrum tuórum passiónibus dicáta sanctórum, et quae beátis Cornélio et Cypriáno in persecutióne fortitúdinem ministrárunt, nobis quoque praebeant inter advérsa constántiam. Per Christum.


Post communionem Per haec mystéria quae súmpsimus, Dómine, súpplices exorámus, ut, beatórum mártyrum Cornélii et Cypriáni exémplo, spíritus tui fortitúdine confirmáti, evangélicae veritáti possímus testimónium perhibére. Per Christum.


832 & 4 X

Pagina 832.


Die 17 septembris

S. Roberti Bellarmino, episcopi et

Ecclesiae doctoris

De Communi pastorum: pro episcopo (p. 929 ), vel de Communi doctorum Ecclesiae (p. 943 ).

Collecta Deus, qui ad tuae fidem Ecclésiae vindicándam beátum Robértum epíscopum mira eruditióne et virtúte decorásti, eius intercessióne concéde, ut pópulus tuus eiúsdem fídei semper integritáte laetétur. Per Dóminum.

Die 19 septembris

S. Ianuarii, episcopi et martyris

De Communi martyrum: pro uno martyre (p. 915 ), vel de Communi pastorum: pro episcopo (p. 929 ).

Collecta Deus, qui nos concédis beáti Ianuárii mártyris memóriam venerári, da nobis in aetérna beatitúdine de eius societáte gaudére. Per Dóminum.

Die 20 septembris

Ss. Andreæ Kim Tae-gôn, presbyteri,

et Pauli Chông Ha-sang, et sociorum,

martyrum

Memoria

Martyres in Corea

Ant. ad introitum Sanguis sanctórum mártyrum pro Christo effúsus est in terris; ídeo adépti sunt praemia sempitérna.

833 & 4 X

Pagina 833.


Collecta Deus, qui fílios adoptiónis in toto orbe terrárum multiplicáre dignátus es, et sánguinem beatórum mártyrum Andréae et sociórum ubérrimum semen christianórum effecísti, concéde, ut eórum muniámur auxílio et iúgiter proficiámus exémplo. Per Dóminum.

Super oblata Obláta pópuli tui réspice propítius, omnípotens Deus, et beatórum mártyrum intercessióne concéde, nos ipsos sacrifícium tibi acceptábile in totíus éffici mundi salútem. Per Christum.

Ant. ad communionem Mt 10,32 Omnis qui confitébitur me coram homínibus, confitébor et ego eum coram Patre meo, qui est in caelis, dicit Dóminus.

Post communionem Fórtium esca enutríti, in celebratióne beatórum mártyrum, te, Dómine, supplíciter exorámus, ut, Christo fidéliter inhaeréntes, in Ecclésia ad salútem ómnium operémur. Per Christum.


834 & 4 X

Pagina 834.


Die 21 septembris

S. MATTHAEI, APOSTOLI ET EVANGELISTAE

Festum

Ant. ad introitum Mt 28,19-20 Eúntes, docéte omnes gentes, baptizántes eos, et docéntes eos serváre ómnia quaecúmque mandávi vobis, dicit Dóminus.

Dicitur Gloria in excélsis.

Collecta Deus, qui ineffábili misericórdia beátum Matthaeum ex publicáno Apóstolum es dignátus elígere, da nobis, eius exémplo et intercessióne suffúltis, ut, te sequéntes, tibi fírmiter adhaerére mereámur. Per Dóminum.

Super oblata Memóriam beáti Matthaei recenséntes, preces et hóstias tibi, Dómine, deférimus, supplíciter exorántes, ut Ecclésiam tuam benígnus aspícias, cuius fidem Apostolórum praedicatiónibus nutrivísti. Per Christum.

Praefatio de Apostolis, pp. 549 - 550 .

Ant. ad communionem Mt 9,13 Non veni vocáre iustos, sed peccatóres, dicit Dóminus.

Post communionem Salutáris gáudii partícipes, Dómine, quo laetus Salvatórem in domo sua convívam beátus Matthaeus excépit, da, ut cibo semper reficiámur illíus, qui non iustos sed peccatóres vocáre venit ad salútem. Qui vivit et regnat in saecula saeculórum. Adhiberi potest formula benedictionis sollemnis, pp. 613 -614 .


835 & 4 X

Pagina 835.


Die 26 septembris

Ss. Cosmæ et Damiani, martyrum

De Communi martyrum: pro pluribus martyribus (p. 909 ).

Collecta Magníficet te, Dómine, sanctórum tuórum Cosmae et Damiáni veneránda memória, quia et illis glóriam sempitérnam, et opem nobis ineffábili providéntia contulísti. Per Dóminum.

Super oblata In tuórum, Dómine, pretiósa morte iustórum, sacrifícium illud offérimus, de quo martyrium sumpsit omne princípium. Per Christum.


Post communionem Consérva in nobis, Dómine, munus tuum, et quod, te donánte, pro commemoratióne beatórum mártyrum Cosmae et Damiáni percépimus, salútem nobis praestet et pacem. Per Christum.


Die 27 septembris

S. Vincentii de Paul, presbyteri

Memoria

Ant. ad introitum Cf. Lc 4,18 Spíritus Dómini super me: propter quod unxit me, evangelizáre paupéribus misit me, sanáre contrítos corde.

836 & 4 X

Pagina 836.


Collecta Deus, qui ad salútem páuperum et cleri institutiónem beátum Vincéntium presbyterum virtútibus apostólicis imbuísti, praesta, quaesumus, ut, eódem spíritu fervéntes, et amémus quod amávit, et quod dócuit operémur. Per Dóminum.

Super oblata Deus, qui beáto Vincéntio divína celebránti mystéria tribuísti quod tractábat imitári, concéde, ut, huius sacrifícii virtúte, ipsi quoque in oblatiónem tibi acceptábilem transeámus. Per Christum.

Ant. ad communionem Cf. Ps 106,8-9 Confiteántur Dómino misericórdiae eius, et mirabília eius fíliis hóminum: quia satiávit ánimam inánem, et ánimam esuriéntem satiávit bonis.

Post communionem Caeléstibus, Dómine, refécti sacraméntis, súpplices deprecámur, ut ad imitándum Fílium tuum paupéribus evangelizántem, sicut exémplis beáti Vincéntii provocámur, ita et patrocíniis adiuvémur. Per Christum.


Die 28 septembris

S. Venceslai, martyris

De Communi martyrum: pro uno martyre (p. 915 ).

Collecta Deus, qui beátum mártyrem Vencesláum caelésti regno terrénum postpónere docuísti, eius précibus concéde, ut, nosmetípsos abnegántes, tibi toto corde adhaerére valeámus. Per Dóminum.

837 & 4 X

Pagina 837.

Ss. Laurentii Ruiz et sociorum, martyrum

Martyres in Insulis Philippinis

De Communi martyrum: pro pluribus martyribus (p. 909 ).

Collecta Beatórum mártyrum tuórum Lauréntii et sociórum, quaesumus, Dómine Deus, patiéntiam in servítio tui et próximi nobis concéde, quia in regno tuo sunt beáti, qui persecutiónem patiúntur propter iustítiam. Per Dóminum.

Die 29 septembris

SS. MICHAELIS, GABRIELIS ET RAPHAELIS,

ARCHANGELORUM

Festum

Ant. ad introitum Cf. Ps 102,20 Benedícite Dóminum, omnes Angeli eius, poténtes virtúte, qui fácitis verbum eius, ad audiéndam vocem sermónum eius.

Dicitur Gloria in excélsis.

Collecta Deus, qui miro órdine Angelórum ministéria hominúmque dispénsas, concéde propítius, ut, a quibus tibi ministrántibus in caelo semper assístitur, ab his in terra vita nostra muniátur. Per Dóminum.

Super oblata Hóstias tibi, Dómine, laudis offérimus, supplíciter deprecántes, ut eásdem, angélico ministério in conspéctum tuae maiestátis delátas, et placátus accípias, et ad salútem nostram proveníre concédas. Per Christum.



Missale Romanum 2002 continu 803