Missale 1962 223


IN OCTAVA NATIVITATIS DOMINI

I classis

Statio ad S. Mariam trans Tiberim

Ant. ad Introitum Is 9,6
226 Puer natus est nobis, et filius datus est nobis: cuius imperium super numerum eius: et vocabitur nomen eius, magni consilii Angelus.
Ps 97,1 Cantate Domino canticum novum: quia mirabilia fecit.

V. Glória Patri.

Oratio
227 Deus, qui salutis aeternae, beatae Maríae virginitate fecunda, humano generi praemia praestitísti: tribue, quaesumus ; ut ipsam pro nobis intercedere sentiamus, per quam merúimus auctorem vitae suscipere, Dóminum nostrum Iesum Christum, Fílium tuum: Qui tecum vivit et regnat in unitate.

Léctio Epistolae beáti Pauli Apostoli ad Titum.
Tt 2,11-15
228 Carissime: Apparuit gratia Dei Salvatoris nostri omnibus hominibus erudiens nos, ut abnegantes impietatem et saeculária desideria, sobrie, et iuste, et pie vivamus in hoc saeculo, exspectantes beatam spem, et adventum glóriae magni Dei et Salvatoris nostri Iesu Christi: qui dedit semetipsum pro nobis: ut nos redimeret ab omni iniquitate, et mundaret sibi populum acceptabilem, sectatorem bonorum operum. Haec loquere, et exhortare: in Christo Iesu Domino nostro.

Graduale
Ps 97,3-4 Ps 97,2
229
Viderunt omnes fines terrae salutare Dei nostri: iubilate Deo, omnis terra.
V. Notum fecit Dóminus salutare suum: ante conspectum gentium revelavit iustitiam suam.

230 Allelúia, allelúia.
V.
He 1,1-2 Multifarie olim Deus loquens patribus ín prophetis, novissime diebus istis locútus est nobis in Filio. Allelúia.

+ Sequentia sancti Evangelii secúndum Lucam. Lc 2,21
231 In illo témpore: Postquam consummati sunt dies octo, ut circumcideretur puer: vocatum est nomen eius Iesus, quod vocatum est ab Angelo priusquam in útero conciperetur.

Credo.

232 Ant. ad Offertorium    Ps 88,12 Ps 88,15

Tui sunt caeli, et tua est terra: orbem terrarum, et plenitudinem eius tu fundasti: iustitia et iudicium praeparatio sedis tuae.

Secreta
233 Munéribus nostris, quaesumus, Dómine, precibúsque susceptis: et caeléstibus nos munda mysteriis, et clementer exaudi. Per Dóminum nostrum Iesum Christum.

Praefatio et Communicantes de Nativitate.

Ant. ad Communionem
Ps 97,3
234 Viderunt omnes fines terrae salutare Dei nostri.

Postcommunio
235 Haec nos communio, Domine, purget a crimine: et, intercedente beata Virgine Dei Genetrice María, caelestis remédii faciat esse consortes. Per eundem Dóminum nostrum Iesum Christum, Fílium tuum: Qui tecum vivit et regnat in unitate.

§ De dominica, si occurrat a die 2 ad diem 5 ianuarii, nihil fit; eius locum tenet festum Ssmi Nominis Iesu, cum omnibus iuribus et privilegiis dominicae.

Diebus ferialibus a 2 ad 5 ianuarii Missa dicitur ut die 1 ianuarii, cum Glória et praefatione de Nativitate, sine Credo et Communicantes proprio.

DOMINICA a die 2 ad diem 5 ianuarii occurrenti, vel, si haec defecerit, die 2 ianuarii



SS.MI NOMINIS IESU

II classis

Ant. ad Introitum Phil. 2, 10-11
236 In nomine Iesu omne genu flectátur, caelestium, terrestrium, et infernorum: et omnis lingua confiteátur, quia Dóminus Iesus Christus in glória est Dei Patris. Ps. 8, 2 Domine, Dóminus noster, quam admirabile est nomen tuum in universa terra! V. Glória Patri.

Oratio
237 Deus, qui unigenitum Fílium tuum constituisti humáni generis Salvatorem, et Iesum vocari iussisti: concede propitius; ut, cuius sanctum nomen veneramur in terris, eius quoque aspectu perfruamur in caelis. Per eundem Dóminum.

Léctio Actuum Apostolorum. Act. 4, 8-12
238 In diebus illis: Petrus, repletus Spiritu Sancto, dixit: Principes populi et seniores, audite: Si nos hodie diiudicamur in benefacto hominis infirmi, in quo iste salvus factus est, notum sit omnibus vobis, et omni plebi Israel: quia in nomine Dómini nostri Iesu Christi Nazareni, quem vos crucifixistis, quem Deus suscitavit a mortuis, in hoc iste astat coram vobis sanus. Hic est lapis, qui reprobatus est a vobis aedificántibus : qui factus est in caput anguli: et non est in alio aliquo salus. Nec enim aliud nomen est sub caelo datum hominibus, in quo oporteat nos salvos fieri.

239 Graduale Ps. 105, 47

Salvos fac nos, Domine Deus noster, et congrega nos de nationibus: ut confiteamur nomini sancto tuo, et gloriemur in glória tua. V. Isai. 63,16 Tu, Domine, pater noster, et redemptor noster: a saeculo nomen tuum.

240 Allelúia, allelúia. V. Ps. 144, 21 Laudem Dómini loquetur os meum, et benedicat omnis caro nomen sanctum eius. Allelúia.

^ In Missis votivis post Septuagesimam, omissis Allelúia et versu sequenti, dicitur

241 Tractus       Ps. 79, 20 et Cant. 2, 14

Domine Deus virtutum, converte nos: et ostende fáciem tuam, et salvi erimus: sonet vox tua in auribus meis. Vox enim tua dulcis, et facies tua decora nimis. V. Cant. 1, 2 Oleum effusum nomen tuum, Iesu: ídeo adulescentulae dilexerunt te.

^ Tempore autem paschali omittitur graduale, et eius loco dicitur :
242 Allelúia, allelúia. V. Ps. 144, 21 Laudem Dómini loquetur os meum, et benedicat omnis caro nomen sanctum eius. Allelúia. V. Ibid., 1 Exaltabo te, Deus meus Rex: et benedicam nomini sancto tuo, Iesu, in saeculum, et in saeculum saeculi. Allelúia.

Sequentia sancti Evangelii secúndum Lucam. Luc. 2, 21
243 In illo témpore: Postquam consummati sunt dies octo, ut circumcideretur puer: vocatum est nomen eius Iesus, quod vocatum est ab Angelo priusquam in útero conciperetur. Credo.

§ In Missis votivis post Septuagesimam, in fine sequentis antiphonae Allelúia omittitur.

Ant. ad Offertorium      Ps. 85, 12 et 5 244

Confitebor tibi, Domine Deus meus, in toto corde meo, et glorificabo nomen tuum in aetérnum: quoniam tu, Domine, suavis et mitis es: et multae misericordiae omnibus invocantibus te, allelúia.

Secreta

Benedictio tua, clementíssime Deus, 245 qua omnis viget creatura, sanctificet, quaesumus, hoc sacrificium nostrum, quod ad gloriam nominis Filii tui, Dómini nostri Iesu Christi, offerimus tibi: ut maiestati tuae placere possit ad laudem, et nobis proficere ad salutem. Per eundem Dóminum nostrum Iesum Christum, Fílium tuum : Qui tecum vivit et regnat in unitate.

Praefatio de Nativitate, ratione temporis.

^ In Missis votivis post Septuagesimam, in fine sequentis antiphonae Allelúia omittitur.

Ant. ad Communionem     Ps. 85, 9-10 246

Omnes gentes quascumque fecisti, venient, et adorabunt coram te, Domine, et glorificabunt nomen tuum: quoniam magnus es tu, et faciens mirabilia: tu es Deus solus, allelúia.

36

Comm. S. Telesphori Papae et Martyris

Postcommunio

Omnípotens aeterne Deus, qui creasti et redemisti nos, respice propitius vota nostra: et sacrificium salutaris hostiae, quod in honorem nominis Filii tui, Dómini nostri Iesu Christi, maiestati tuae obtulimus, plácido et benigno vultu suscipere dignéris; ut gratia tua nobis infusa, sub glorioso nomine Iesu, aetérnae praedestinationis titulo gaudeamus nomina nostra scripta esse in caelis. Per eundem Dóminum.

Die 5 ianuarii

S. Telesphori Papae et Mart.

Commemoratio

Missa Si diligis me, de Communi unius aut plurium Summorum Pontificum [i].

Oratio Ci

Gregem tuum, Pastor aetérne, placatus intende: et per beatum Telésphorum,   Mártyrem   tuum atque

Summum Pontificem, perpetua protectione custodi; quem totius Ecclésiae praestitísti esse pastorem. Per Dóminum nostrum.

Secreta Ci 249

Oblatis muneribus, quaesumus, Domine, Ecclesiam tuam benignus illumina: ut et gregis tui proficiat ubique successus, et grati fiant nomini tuo, te gubernante, pastores. Per Dóminum nostrum Iesum Christum, Fílium tuum: Qui tecum vivit et regnat in unitate.

Postcommunio Ci 250

Refectione sancta enutrítam gubérna, quaesumus, Domine, tuam placatus Ecclesiam: ut, potenti moderatione directa, et incrementa libertatis accipiat et in religionis integritate persístat. Per Dóminum nostrum Iesum Christum, Fílium tuum: Qui tecum vivit et regnat in unitate.

BETHLEHEM

IERUSALEM

ET AMBULABUNT GENTES IN LUMINE TUO ALLELUIA eoTi

TEMPUS EPIPHANIAE

Die 6 ianuarii

IN EPIPHANIA DOMINI

I classis Statio ad S. Petrum

251 Antiphona ad Introitum

Mal. 3, i ; i Par. 29, 12

cce advenit dominator Dóminus: et regnum in manu eius, et potestas, et imperium. Ps. 71, 1 Deus, iudicium tuum Regi da: et iustitiam tuam Filio Regis. V. Glória Patri.

Oratio

Deus, qui hodierna die Unigenitum tuum gentibus stella duce revelasti: concede propitius; ut, qui iam te ex fide cognovimus, usque ad contemplandam speciem tuae celsitudinis perducamur. Per eundem Dóminum.

Léctio Isaiae Prophetae. Isai. 60, 1-6

Surge, illuminare, Ierusalem: quia venit lumen tuum, et glória Dómini super te orta est. Quia ecce ténebrae operient terram, et caligo populos: super te autem orietur Dóminus, et glória eius in te videbitur. Et ambulabunt gentes in lumine tuo, et reges in splendore ortus tui. Leva in circuitu oculos tuos et vide: omnes isti congregati sunt, venerunt tibi: filii tui de longe venient, et fíliae tuae de latere surgent. Tunc videbis et afflues, mirabitur et dilatabitur cor tuum, quando conversa fuerit ad te multitudo maris, fortitudo gentium venerit tibi. Inundatio camelorum 253

38

In Epiphania Domini

operiet te, dromedarii Madian et Epha: omnes de Saba venient, aurum et thus deferentes, et laudem Domino annuntiantes.

254 Graduale Ibid., 6 et i

Omnes de Saba venient, aurum et thus deferentes, et laudem Domino annuntiantes. V. Surge, et illuminare, Ierusalem: quia glória Dómini super te orta est.

255 Allelúia, allelúia. V. Matth. 2, 2 Vídimus stellam eius in Oriente, et venimus cum muneribus adorare Dóminum. Allelúia.

+ Sequentia sancti Evangelii secúndum Matthaeum.        Mt. 2,1-12
256 Cum natus esset Iesus in Bethlehem Iuda in diebus Herodis regis, ecce Magi ab Oriente venerunt Ierosólymam, dicentes: Ubi est qui natus est rex Iudaeórum ? Vídimus enim stellam eius in Oriente, et venimus adorare eum. Audiens autem Herodes rex, turbatus est, et omnis Ierosolyma cum illo. Et congregans omnes principes sacerdotum et scribas populi, sciscitabatur ab eis, ubi Christus nasceretur. At illi dixerunt ei: In Bethlehem Iudae: sic enim scriptum est per Prophetam: Et tu Bethlehem terra Iuda, nequaquam minima es in principibus Iuda: ex te enim éxiet dux, qui regat populum meum Israel. Tunc Herodes, clam vocatis Magis, diligenter didicit ab eis tempus stellae, quae apparuit eis: et mittens illos in Bethlehem, dixit: Ite, et interrogate diligenter de puero: et cum inveneritis, renuntiate mihi, ut et ego veniens adorem eum. Qui cum audissent regem, abierunt. Et ecce stella, quam viderant in Oriente, antecedebat eos, usque dum veniens, staret supra, ubi erat puer. Videntes autem stellam, gavisi sunt gaudio magno valde. Et intrantes domum, invenerunt puerum cum María matre eius, (hic genuflectitur) et procidentes adoraverunt eum. Et apertis thesauris suis, obtulerunt ei munera, aurum, thus et myrrham. Et responso accepto in somnis, ne redirent ad Herodem, per aliam viam reversi sunt in regionem suam. Credo.

Ant. ad Offertorium       Ps. 71, 10-11 25

Reges Tharsis et ínsulae munera offerent: reges Arabum et Saba dona adducent: et adorabunt eum omnes reges terrae, omnes gentes servient ei.

Secreta

Ecclésiae tuae, quaesumus, Domine, 25! dona propitius intuere: quibus non iam aurum, thus et myrrha profertur; sed quod eisdem muneribus declaratur, immolatur et sumitur, Iesus Christus Filius tuus, Dóminus noster: Qui tecum vivit et regnat in unitate.

Praefatio de Epiphania Domini, quae dicitur tamquam propria in Missis de festo Epiphaniae et de Commemoratione Baptismatis D. N. Iesu Christi, et tamquam de Tempore diebus a 7 ad 13 ianuarii, in Missis quae praefatione propria carent.

Communicantes vero proprium de Epiphania Domini dicitur tantum in ipso die festo Epiphaniae.

259 Ant. ad Communionem Mt 2,2
Vídimus stellam eius in Oriente, et venimus cum muneribus adorare Dóminum.

Postcommunio
260 Praesta, quaesumus, omnípotens Deus : ut, quae solemni celebramus officio, purificátae mentis intellegentia consequamur. Per Dóminum.

§ De dominica I post Epiphaniam suo die nihil fit, sed eius locum tenet festum Sanctae Familiae Iesu, Mariae, Ioseph, cum omnibus iuribus et privilegiis dominicae.

Diebus ferialibus a 7 ad 12 ianuarii ante dominicam I post Epiphaniam occurrentibus, dicitur Missa de festo Epiphaniae; post eandem dominicam vero Missa de eadem dominica In excelso throno,
ut infra 40 cum Glória et praefatione de Epiphania, sine Credo et Communicantes proprio.

Dominica I post Epiphaniam


SANCTAE FAMILIAE IESU, MARIAE, IOSEPH

II classis

Antiphona ad Introitum Prov. 23, 24 et 25
261 Exsúltat gaudio pater Iusti, gáudeat Pater tuus et Mater tua, et exsultet quae genuit te. Ps. 83, 2-3 Quam dilecta tabernacula tua, Domine virtutum ! concupiscit, et deficit anima mea in atria Dómini. V. Glória Patri.

Oratio
262 Dómine Iesu Christe, qui, Maríae et Ioseph subditus, domesticam vitam ineffabilibus virtutibus consecrásti: fac nos, utriusque auxilio, Familiae sanctae tuae exemplis instrui ; et consortium consequi sempiternum: Qui vivis et regnas cum Deo Patre in unitate.

Et non fit commemoratio dominicae.

Léctio Epistolae beáti Pauli Apostoli ad Colossenses. Col. 3, 12-17
263 Fratres: Induite vos sicut electi Dei, sancti et dilecti, viscera misericordiae, benignitatem, humilitatem, modestiam, patientiam: supportantes invicem, et donantes vobismetipsis si quis adversus aliquem habet querelam: sicut et Dóminus donavit vobis, ita et vos. Super ómnia autem haec, caritatem habete, quod est vinculum perfectionis: et pax Christi exsultet in cordibus vestris, in qua et vocati estis in uno corpore: et grati estote. Verbum Christi habitet in vobis abundanter, in omni sapientia, docentes, et commonentes vosmetipsos, psalmis, hymnis, et canticis spiritualibus, in gratia cantantes in cordibus vestris Deo. Omne, quodcumque facitis in verbo, aut in opere, ómnia in nomine Dómini Iesu Christi, gratias agentes Deo et Patri per ipsum.


Graduale Ps. 26, 4
264 Unam pétii a Domino, hanc requiram, ut inhabitem in domo Dómini omnibus diebus vitae meae. V. Ps. 83, 5 Beáti, qui habitant in domo tua, Domine: in saecula saeculorum laudabunt te.

265 Allelúia, allelúia. V. Isai. 45, 15 Vere tu es Rex absconditus, Deus Israel Salvator. Allelúia.

§ In Missis votivis post Septuagesimam, omissis Allelúia et versu sequenti, dicitur

Tractus Hebr. 10, 5
266 Hostiam et oblationem noluisti, corpus autem aptasti mihi. V. Ps. 39, 7-8 Holocaustum et pro peccato non postulasti: tunc dixi: Ecce venio. V. Hebr. 10, 7 In capite libri scriptum est de me: Ut faciam, Deus, voluntatem tuam.

^ Tempore autem paschali omittitur graduale, et eius loco dicitur :

Allelúia, allelúia. V. Prov. 8, 34 M Beatus homo qui audit me, et qui vigilat ad fores meas cotidie, et observat ad postes óstii mei. Allelúia. V. Col. 3, 3 Vita nostra est abscondita cum Christo in Deo. Allelúia.

+ Sequentia sancti Evangelii secúndum Lucam. Luc. 2, 42-52
268 Cum factus esset Iesus annorum duodecim, ascendentibus illis Ierosólymam secúndum consuetudinem diei festi, consummatisque diebus, cum redirent, remansit puer Iesus in Ierusalem, et non cognoverunt parentes eius. Existimantes autem illum esse in comitatu, venerunt iter diei, et requirebant eum inter cognatos et notos. Et non invenientes, regressi sunt in Ierusalem, requirentes eum. Et factum est, post triduum invenerunt illum in templo sedentem in medio doctorum, audientem illos, et interrogantem eos. Stupebant autem omnes, qui eum audiebant, super prudentia, et responsis eius. Et videntes admirati sunt. Et dixit mater eius ad illum: Fili, quid fecisti nobis sic? ecce pater tuus, et ego dolentes quaerebamus te. Et ait ad illos: Quid est quod me quaerebatis ? nesciebatis quia in his, quae Patris mei sunt, oportet me esse? Et ipsi non intellexerunt verbum, quod locútus est ad eos. Et descendit cum eis, et venit Nazareth: et erat subditus illis. Et mater eius conservabat ómnia verba haec in corde suo. Et Iesus proficiebat sapientia, et aetáte, et gratia apud Deum et homines. Credo.

269 Ant. ad Offertorium Luc. 2, 22

Tulerunt Iesum parentes eius in Ierusalem, ut sisterent eum Domino.

Secreta

270 T)lacatióms hostiam offerimus tibi, JL Domine, suppliciter deprecantes: ut, per intercessionem Deiparae Virginis cum beáto Ioseph, familias nostras in pace et gratia tua firmiter constituas.

Per eundem Dóminum nostrum Iesum Christum, Fílium tuum: Qui tecum vivit et regnat in unitate.

Et non fit commemoratio dominicae.

Praefatio de Epiphania, ratione temporis.

Ant. ad Communionem      Luc. 2, 51
271 Descendit Iesus cum eis, et venit Nazareth, et erat subditus illis.

Postcommunio
272 Quos caeléstibus réficis sacramentis, fac, Domine Iesu, sanctae Familiae tuae exempla iugiter imitari: ut, in hora mortis nostrae, occurrente gloriosa Virgine Matre tua cum beáto Ioseph; per te in aeterna tabernacula recipi mereamur: Qui vivis et regnas cum Deo Patre in unitate.

Et non fit commemoratio dominicae.
§ Si festum S. Familiae occurrerit die 13 ianuarii, Missa dicitur de festo S. Familiae, sine commemoratione Baptismatis D.N.I.C., et sine commemoratione dominicae.


MISSA DOMINICAE PRIMAE post Epiphaniam

§ Haec Missa dicenda est diebus ferialibus huius hebdomadae.

Antiphona ad Introitum
273 In excelso throno vidi sedere virum, quem adorat multitudo Angelorum, psallentes in unum: ecce cuius imperii nomen est in aetérnum. Ps. 99, 1 Iubilate Deo, omnis terra: servite Domino in laetítia. V. Glória Patri.

^ Dicitur Glória in excelsis, si Missa dominicae celebratur in feriis temporis Epiphaniae, non vero, si post diem 13 ianuarii adhibetur.

Oratio
274 Vota, quaesumus, Domine, supplicántis populi caelesti pietate prosequere: ut et, quae agenda sunt, videant, et ad implenda, quae viderint, convaléscant. Per Dóminum.

Léctio Epistolae beáti Pauli Apostoli ad Romanos. Rom. 12, 1-5
275 Fratres: Obsecro vos per misericordiam Dei, ut exhibeatis corpora vestra hostiam viventem, sanctam, Deo placentem, rationabile obsequium vestrum. Et nolite conformari huic saeculo, sed reformamini in novitate sensus vestri: ut probetis, quae sit volúntas Dei bona, et beneplacens, et perfecta. Dico enim per gratiam, quae data est mihi, omnibus qui sunt inter vos: Non plus sapere, quam oportet sapere, sed sapere ad sobrietatem: et unicuique sicut Deus divisit mensuram fidei. Sicut enim in uno corpore multa membra habemus, ómnia autem membra non eundem actum habent: ita multi unum corpus sumus in Christo, singuli autem alter alterius membra: in Christo Iesu Domino nostro.

276 Graduale Ps. 71, 18 et 3

Benedíctus Dóminus Deus Israel, qui facit mirabilia magna solus a saeculo. V. Suscipiant montes pacem populo tuo, et colles iustitiam.

277 Allelúia, allelúia. V. Ps. 99, 1 Iubilate Deo, omnis terra: servite Domino in laetítia. Allelúia.

+ Sequentia sancti Evangelii secúndum Lucam. Luc. 2, 42-52
278 Cum factus esset Iesus annorum duodecim, ascendentibus illis Ierosólymam secúndum consuetudinem diei festi, consummatisque diebus, cum redirent, remansit puer Iesus in Ierusalem, et non cognoverunt parentes eius. Existimantes autem illum esse in comitatu, venerunt iter diei, et requirebant eum inter cognatos et notos. Et non invenientes, regressi sunt in Ierusalem, requirentes eum. Et factum est, post triduum invenerunt illum in templo sedentem in medio doctorum, audientem illos, et interrogantem eos. Stupebant autem omnes, qui eum audiebant, super prudentia et responsis eius. Et videntes admirati sunt. Et dixit mater eius ad illum: Fili, quid fecisti nobis sic? ecce pater tuus et ego dolentes quaerebamus te. Et ait ad illos: Quid est quod me quaerebátis ? nesciebatis quia in his, quae Patris mei sunt, oportet me esse? Et ipsi non intellexerunt verbum, quod locútus est ad eos. Et descendit cum eis, et venit Nazareth: et erat subditus illis. Et mater eius conservabat ómnia verba haec in corde suo. Et Iesus proficiebat sapientia, et aetáte, et gratia apud Deum et homines. Non dicitur Credo.

Ant. ad Offertorium        Ps. 99, 1 et 2 279

Iubilate Deo, omnis terra, servite Domino in laetítia: intrate in conspectu eius in exsultatione: quia Dóminus ipse est Deus.

Secreta

Oblatum tibi, Domine, sacrificium 280 vivificet nos semper et múniat. Per Dóminum nostrum Iesum Christum, Fílium tuum: Qui tecum vivit et regnat in unitate.

Praefatio de Epiphania, si Missa dominicae adhibetur tempore Epiphaniae; si post 13 ianuarii, praefatio communis.

42

In Commemoratione Baptismatis D. N. I. C.

Antiphona ad Communionem

281 Luc. 2, 48 et 49 Fili, quid fecisti nobis sic? ego et pater tuus dolentes quaerebamus te. Et quid est, quod me quaerebatis? nesciebatis, quia in his, quae Patris mei sunt, oportet me esse?

Postcommunio
282 Súpplices te rogamus, omnípotens O Deus: ut, quos tuis réficis sacramentis, tibi etiam placitis moribus dignánter deservíre concedas. Per Dóminum nostrum.

Die 11 ianuarii

S. Hygini Papae et Mart.

Commemoratio

Missa Si diligis me, de Communi unius aut plurium Summorum Pontificum [1].

Oratio C1
283 Gregem tuum, Pastor aetérne, placátus intende: et per beatum Hygínum, Mártyrem tuum atque Summum Pontificem, perpetua protectione custodi; quem totius Ecclésiae praestitisti esse pastorem. Per Dóminum nostrum Iesum Christum.

Secreta Ci
284 Oblátis muneribus, quaesumus, Dómine, Ecclesiam tuam benignus illumina: ut et gregis tui proficiat ubique successus, et grati fiant nomini tuo, te gubernante, pastores. Per Dóminum nostrum.

Postcommunio C1
285 Refectióne sancta enutrítam gubérna, quaesumus, Domine, tuam placatus Ecclesiam: ut, potenti moderatione directa, et incrementa libertatis accipiat et in religionis integritate per-sístat. Per Dóminum.

Die 13 ianuarii IN COMMEMORATIONE BAPTISMATIS D. N. I. C.

II classis

T Si occurrat eodem die dominica I post Epiphaniam, fit de S. Familia Iesu, Mariae, Ioseph, sine commemoratione nec Baptismatis Domini, nec dominicae.

Antiphona ad Introitum Mal. 3, 1 ; 1 Par. 29, 12 286

Ecce advenit dominator Dóminus: et regnum in manu eius, et potestas, et imperium. Ps. 71, 1 Deus, iudicium tuum Regi da: et iustitiam tuam Filio Regis. V. Glória Patri.

Oratio
287 Deus, cuius Unigenitus in substántia nostrae carnis apparuit: praesta, quaesumus; ut per eum, quem similem nobis foris agnovimus, intus reformári mereamur: Qui tecum vivit et regnat in unitate.

Léctio Isaíae Prophetae. Isai. 60, 1-6 288
288 Surge, illuminare, Ierusalem: quia venit lumen tuum, et glória Dómini super te orta est. Quia ecce ténebrae operient terram, et caligo populos: super te autem orietur Dóminus, et glória eius in te videbitur. Et ambulabunt gentes in lumine tuo, et reges in splendore ortus tui. Leva in circuitu oculos tuos et vide: omnes isti congregati sunt, venerunt tibi: filii tui de longe venient, et filiae tuae de latere surgent. Tunc videbis et afflues, mirabitur et dilatabitur cor tuum, quando conversa fuerit ad te multitudo maris, fortitudo gentium venerit tibi. Inundatio camelorum operiet te, dromedarii Madian et Epha: omnes de Saba venient, aurum et thus deferentes, et laudem Domino annuntiantes.

289 Graduale Ibid., 6 et i

Omnes de Saba venient, aurum et thus deferentes, et laudem Domino annuntiantes. V. Surge, et illuminare, Ierusalem: quia glória Dómini super te orta est.

290 Allelúia, allelúia. V. Matth. 2, 2 Vídimus stellam eius in Oriente, et venimus cum muneribus adorare Dóminum. Allelúia.

+ Sequentia sancti Evangelii secúndum Ioannem. Io. i, 29-34
291 In illo témpore: Vidit Ioannes Iesum venientem ad se, et ait: Ecce Agnus Dei, ecce qui tollit peccatum mundi. Hic est, de quo dixi: Post me venit vir, qui ante me factus est: quia prior me erat. Et ego nesciebam eum, sed ut manifestetur in Israel, propterea veni ego in aqua baptizans. Et testimonium perhibuit Ioannes, dicens: Quia vidi Spiritum descendentem quasi columbam de caelo, et mansit super eum. Et ego nesciebam eum: sed qui misit me baptizare in aqua, ille mihi dixit: Super quem videris Spiritum descendentem, et manentem super eum, hic est, qui baptizat in Spiritu Sancto. Et ego vidi: et testimonium perhibui, quia hic est Filius Dei. Credo.

Ant. ad Offertorium       Ps. 71, 10-11 292

Reges Tharsis et ínsulae munera offerent: reges Arabum et Saba dona adducent: et adorabunt eum omnes reges terrae, omnes gentes servient ei. Secreta

Hostias tibi, Domine, pro nati Filii 293 tui apparitione deferimus, suppliciter exorántes: ut, sicut ipse nostrorum auctor est munerum, ita sit ipse misericors et susceptor, Iesus Christus Dóminus noster: Qui tecum vivit et regnat in unitate.

Ant. ad Communionem Mt. 2, 2 294

Vídimus stellam eius in Oriente, et venimus cum muneribus adorare Dóminum.

Postcommunio

Caelesti lumine, quaesumus, Domine, 295 semper et ubique nos praeveni: ut mysterium, cuius nos partícipes esse voluisti, et puro cernámus intuitu, et digno percipiamus affectu. Per Dóminum.


TEMPUS PER ANNUM ANTE SEPTUAGESIMAM

DOMINICA SECUNDA post Epiphaniam

II classis

^ Si haec dominica II, vel alia post Epiphaniam, superveniente dominica in Septuagesima, impediatur, nec sit ei locus post Pentecosten, iuxta rubricas, omittitur.

Ant. ad Introitum Ps. 65, 4
296 Omnis terra adoret te, Deus, et psallat tibi: psalmum discat nomini tuo, Altissime. Ps. ibid. 1-2 Iubilate Deo, omnis terra, psalmum dicite nomini eius: date gloriam laudi eius. V. Glória Patri.

f Dicitur Glória in excelsis in omnibus dominicis ante Septuagesimam; non dicitur autem in diebus ferialibus per annum, quando adhibetur Missa dominicae praecedentis.

Oratio
297 Omnípotens sempitérne Deus, qui caelestia simul et terrena moderáris: supplicationes populi tui clementer exaudi; et pacem tuam nostris concede temporibus. Per Dóminum nostrum Iesum Christum, Fílium tuum: Qui tecum vivit et regnat in unitate.

Léctio Epistolae beáti Pauli Apostoli ad Romanos. Rom. 12, 6-16
298 Fratres: Habentes donationes secúndum gratiam, quae data est nobis, differentes: sive prophetiam secúndum rationem fidei, sive ministerium in ministrando: sive qui docet in doctrina, qui exhortatur in exhortando, qui tribuit in simplicitate, qui praeest in sollicitudine, qui miseretur in hilaritate. Dilectio sine simulatione. Odientes malum, adhaeréntes bono: Caritate fraternitatis invicem diligentes: Honore invicem praeveniéntes: Sollicitudine non pigri: Spiritu ferventes: Domino servientes: Spe gaudentes: In tribulatione patientes: Orationi instantes: Necessitatibus sanctorum communicantes: Hospitalitatem sectantes. Benedícite persequentibus vos: benedícite, et nolite maledicere. Gaudere cum gaudentibus, flere cum flentibus: Idipsum invicem sentientes: Non alta sapientes, sed humilibus consentientes.

299 Graduale Ps. 106, 20-21

Misit Dóminus verbum suum, et sanavit eos: et eripuit eos de interitu eórum. V. Confiteantur Domino misericordiae eius: et mirabilia eius filiis hominum.

300 Allelúia, allelúia. V. Ps. 148, 2 Laudate Dóminum, omnes Angeli eius: laudate eum, omnes virtutes eius. Allelúia.

§ Sic dicitur Allelúia cum suo versu, post graduale, in omnibus dominicis post Epiphaniam, etiam si Missa dominicae infra hebdomadam adhibetur.

Sequentia sancti Evangelii secúndum Ioannem. Io. 2, 1-11
301 In illo témpore: Nuptiae factae sunt in Cana Galilaeae: et erat mater Iesu ibi. Vocatus est autem et Iesus, et discipuli eius ad nuptias. Et deficiente vino, dicit mater Iesu ad eum: Vinum non habent. Et dicit ei Iesus: Quid mihi et tibi est, mulier? nondum venit hora mea. Dicit mater eius ministris: Quodcumque dixerit vobis, facite. Erant autem ibi lapideae hydriae sex positae secúndum purificationem Iudaeórum, capientes singulae metretas binas vel ternas. Dicit eis Iesus: Implete hydrias aqua. Et impleverunt eas usque ad summum. Et dicit eis Iesus: Haurite nunc, et ferte architriclino. Et tulerunt. Ut autem gustavit architriclinus aquam vinum factam, et non sciebat unde esset, ministri autem sciebant, qui háuserant aquam: vocat sponsum architriclinus, et dicit ei: Omnis homo primum bonum vinum ponit: et cum inebriati fuerint, tunc id quod deterius est. Tu autem servasti bonum vinum usque adhuc. Hoc fecit initium signorum Iesus in Cana Galilaeae: et manifestavit gloriam suam, et crediderunt in eum discipuli eius. Credo.

302 Ant. ad Offertorium    Ps. 65, 1-2 et 16

Iubilate Deo, universa terra : psalmum dicite nomini eius: venite, et audite, et narrabo vobis, omnes qui timetis Deum, quanta fecit Dóminus animae meae, allelúia.

Secreta

303 ^"Xbláta, Domine, munera sanctifica: V^y nosque a peccatorum nostrorum maculis emúnda. Per Dóminum.

Praefatio de Ssma Trinitate.

304 Antiphona ad Communionem Ioann. 2, 7, 8, 9 et 10-11
Dicit Dóminus: Implete hydrias aqua, et ferte architriclino. Cum gustasset architriclinus aquam vinum factam, dicit sponso: Servasti bonum vinum usque adhuc. Hoc signum fecit Iesus primum coram discipulis suis.

Postcommunio
305 Augeatur in nobis, quaesumus, Dómine, tuae virtutis operatio: ut divinis vegetáti sacramentis, ad eórum promissa capienda, tuo munere praeparemus Per Dóminum nostrum Iesum Christum, Fílium tuum: Qui tecum vivit et regnat in unitate.

DOMINICA TERTIA post Epiphaniam

II classis

306 Ant. ad Introitum Ps. 96, 7-8

Adorate Deum, omnes Angeli eius: /%    audivit, et laetáta est Sion: /^^k  et exsultaverunt fíliae Iudae. jJL   JL.Ps. ibid., 1 Dóminus regnavit, exsultet terra: laeténtur ínsulae multae. V. Glória Patri.

Oratio
307 Omnípotens sempitérne Deus, infirmitátem nostram propitius respice: atque ad protegendum nos dexteram tuae maiestatis extende. Per Dóminum nostrum.

Léctio Epistolae beáti Pauli Apostoli ad Romanos. Rom. 12, 16-21
308 Fatres: Nolite esse prudentes apud vosmetipsos: nulli malum pro malo reddentes: providentes bona non tantum coram Deo, sed etiam coram omnibus hominibus. Si fieri potest, quod ex vobis est, cum omnibus hominibus pacem habentes. Non vosmetipsos dependentes, carissimi, sed date locum irae. Scriptum est enim: Mihi vindicta: ego retribuam, dicit Dóminus. Sed si esurierit inimicus tuus, ciba illum: si sitit, potum da illi: hoc enim faciens, carbones ignis congeres super caput eius. Noli vinci a malo, sed vince in bono malum.

Graduale Ps. 101, 16-17
309 Timebunt gentes nomen tuum, Domine, et omnes reges terrae gloriam tuam. V. Quoniam aedificávit Dóminus Sion, et videbitur in maiestáte sua.

310 Allelúia, allelúia. V. Ps. 96, 1 Dóminus regnavit, exsultet terra: laeténtur ínsulae multae. Allelúia.

+ Sequentia sancti Evangelii secúndum Matthaeum.        Mt. 8,1-13
311 In illo témpore: Cum descendisset Iesus de monte, secútae sunt eum turbae multae: et ecce leprosus veniens, adorabat eum, dicens: Domine, si vis, potes me mundare. Et extendens Iesus manum,tetigit eum, dicens: Volo. Mundare. Et confestim mundata est lepra eius. Et ait illi Iesus: Vide, nemini dixeris: sed vade, ostende te sacerdoti, et offer munus, quod praecepit Moyses, in testimonium illis. Cum autem introisset Capharnaum, accessit ad eum centurio, rogans eum, et dicens: Domine, puer meus iacet in domo paralyticus, et male torquetur. Et ait illi Iesus: Ego veniam, et curabo eum. Et respondens centurio, ait: Domine, non sum dignus, ut intres sub tectum meum: sed tantum dic verbo, et sanabitur puer meus. Nam et ego homo sum sub potestate constitutus, habens sub me milites, et dico huic: Vade, et vadit; et álii: Veni, et venit; et servo meo: Fac hoc, et facit. Audiens autem Iesus, miratus est, et sequentibus se dixit: Amen dico vobis, non inveni tantam fidem in Israel. Dico autem vobis, quod multi ab Oriente et Occidente venient, et recumbent cum Abraham, et Isaac, et Iacob in regno caelórum: filii autem regni eicientur in tenebras exteriores: ibi erit fletus, et stridor dentium. Et dixit Iesus centurioni: Vade, et sicut credidisti, fiat tibi. Et sanatus est puer in illa hora. Credo.

312 Ant. ad Offertorium   Ps. 117, 16 et 17 Dextera Dómini fecit virtutem, dextera Dómini exaltavit me: non moriar, sed vivam, et narrabo opera Dómini.

Secreta

515 T Taec hostia, Domine, quaesumus, X. JL emundet nostra delicta: et, ad sacrificium celebrandum, subditorum tibi corpora mentesque sanctificet. Per Dóminum nostrum Iesum Christum, Fílium tuum: Qui tecum vivit et regnat in unitate.

Praefatio de Ssma Trinitate.

Ant. ad Communionem      Luc. 4, 22 314

Mirabantur omnes de his, quae procedebant de ore Dei.

Postcommunio

Quos tantis, Domine, largíris uti 315 mysteriis: quaesumus; ut effectibus nos eórum veraciter aptare dignéris. Per Dóminum.

DOMINICA QUARTA post Epiphaniam

II classis

Ant. ad Introitum Ps. 96, 7-8 5i6

Adorate Deum, omnes Angeli eius: A%     audivit, et laetáta est Sion: A"1^^   et exsultaverunt fíliae Iudae. JL, Ps. ibid., 1 Dóminus regnavit, exsultet terra: laeténtur ínsulae multae. V. Glória Patri.

Oratio

Deus, qui nos, in tantis periculis 317 constitutos, pro humana scis fragililate non posse subsistere: da nobis salutem mentis et corporis; ut ea, quae pro peccatis nostris patimur, te adiuvante vincámus. Per Dóminum.

Léctio Epistolae beáti Pauli Apostoli 318 ad Romanos. Rom. 13, 8-10

Fratres: Nemini quidquam debeatis, nisi ut invicem diligatis: qui enim diligit proximum,legem implevit. Nam: Non adulterabis : Non occides : Non furaberis: Non falsum testimonium dices: Non concupisces: et si quod est aliud mandatum, in hoc verbo instauratur: Diliges proximum tuum sicut teipsum. Dilectio proximi malum non operatur. Plenitudo ergo legis est dilectio.

319 Graduale Ps. 101, 16-17

Timebunt gentes nomen tuum, Domine, et omnes reges terrae gloriam tuam. V. Quoniam aedificávit Dóminus Sion, et videbitur in maiestáte sua.

320 Allelúia, allelúia. V. Ps. 96, 1 Dóminus regnavit, exsultet terra: laeténtur ínsulae multae. Allelúia.

+ Sequentia sancti Evangelii secúndum Matthaeum.      Mt. 8, 23-27
321 In illo témpore: Ascendente Iesu in naviculam, secuti sunt eum discipuli eius: et ecce motus magnus factus est in mari, ita ut navicula operiretur fluctibus, ipse vero dormiebat. Et accesserunt ad eum discipuli eius, et suscitaverunt eum, dicentes: Domine, salva nos, perimus. Et dicit eis Iesus: Quid timidi estis, modicae fidei? Tunc surgens, imperavit ventis et mari, et facta est tranquillitas magna. Porro homines mirati sunt, dicentes: Qualis est hic, quia venti et mare oboediunt ei? Credo.

Ant. ad Offertorium Ps.ii7,i6 et i7

322 Dextera Dómini fecit virtutem, dextera Dómini exaltavit me: non moriar, sed vivam, et narrabo opera Dómini.

Secreta

323 /Concede,  quaesumus, omnípotens

Deus: ut huius sacrificii munus oblatum fragilitatem nostram ab omni malo purget semper et múniat. Per Dóminum nostrum.

Praefatio de Ssma Trinitate.

Ant. ad Communionem      Luc. 4, 22
324 Mirabantur omnes de his, quae procedebant de ore Dei.

Postcommunio
325 Munera tua nos, Deus, a delectatiónibus terrenis expediant: et caeléstibus semper instaurent aliméntis. Per Dóminum.

DOMINICA QUINTA post Epiphaniam

II classis

Ant. ad Introitum Ps. 96, 7-8 326

A doráte Deum, omnes Angeli eius: A%     audivit, et laetáta est Sion: ^¦^k   et exsultaverunt filiae Iudae.

Ps. ibid., 1 Dóminus regnavit, exsultet terra: laeténtur ínsulae multae. V. Glória Patri.

Oratio
327 Familiam tuam, quaesumus, Domine, continua pietate custodi: ut, quae in sola spe grátiae caelestis innititur, tua semper protectione muniatur. Per Dóminum nostrum Iesum Christum, Fílium tuum: Qui tecum vivit et regnat in unitate.

Léctio Epistolae beáti Pauli Apostoli ad Colossenses. Col. 3, 12-17

Fratres: Induite vos sicut electi Dei, 328 sancti, et dilecti, viscera misericordiae, benignitatem, humilitatem, modestiam, patientiam: supportantes invicem, et donantes vobismetipsis, si quis adversus aliquem habet querelam: sicut et Dóminus donavit vobis, ita et vos. Super ómnia autem haec, caritatem habete, quod est vinculum perfectionis: et pax Christi exsultet in cordibus vestris, in qua et vocati estis in uno corpore: et grati estote. Verbum Christi habitet in vobis abundanter, in omni sapientia, docentes, et commonentes vosmetipsos psalmis, hymnis, et canticis spiritualibus, in gratia cantantes in cordibus vestris Deo. Omne, quodcumque facitis in verbo aut in opere, ómnia in nomine Dómini Iesu Christi, gratias agentes Deo et Patri per Iesum Christum Dóminum nostrum.

329 Graduale Ps. 101, 16-17

Timebunt gentes nomen tuum, Domine, et omnes reges terrae gloriam tuam. V. Quoniam aedificávit Dóminus Sion, et videbitur in maiestáte sua.

330 Allelúia, allelúia. V. Ps. 96, 1 Dóminus regnavit, exsultet terra: laetentur ínsulae multae. Allelúia.

+ Sequentia sancti Evangelii secúndum Matthaeum.     Mt. 13,24-30
331 In illo témpore: Dixit Iesus turbis parábolam hanc: Simile factum est regnum caelórum homini, qui seminavit bonum semen in agro suo. Cum autem dormirent homines, venit inimicus eius, et superseminavit zizania in medio tritici, et abiit. Cum autem crevisset herba, et fructum fecisset, tunc apparuerunt et zizania. Accedentes autem servi patrisfamilias, dixerunt ei: Domine, nonne bonum semen seminasti in agro tuo? Unde ergo habet zizania? Et ait illis: Inimicus homo hoc fecit. Servi autem dixerunt ei: Vis, imus, et colligimus ea? Et ait: Non: ne forte colligentes zizania, eradicetis simul cum eis et triticum. Sinite utraque crescere usque ad messem, et in témpore messis dicam messoribus: Colligite primum zizania, et alligate ea in fasciculos ad comburendum, triticum autem congregate in horreum meum. Credo.

Ant. ad Offertorium    Ps. 117,16 et 17 552

Dextera Dómini fecit virtutem, dextera Dómini exaltavit me: non moriar, sed vivam, et narrabo opera Dómini.

Secreta
333 Hostias tibi, Domine, placatiónis offerimus: ut et delicta nostra miseratus absólvas, et nutántia corda tu dírigas. Per Dóminum.

Praefatio de Ssma Trinitate.

Ant. ad Communionem       Luc. 4, 22
334 Mirabantur omnes de his, quae procedebant de ore Dei.

Postcommunio
335 Quaesumus, omnípotens Deus: ut illíus salutaris capiamus effectum, cuius per haec mysteria pignus accepimus. Per Dóminum nostrum Iesum Christum, Fílium tuum: Qui tecum vivit et regnat in unitate.


Missale 1962 223