Missale Romanum 2002 783

Die 30 iunii

Ss. Protomartyrum sanctæ Romanæ Ecclesiæ

De Communi martyrum: pro pluribus martyribus (p. 909 ).

Collecta Deus, qui Románae Ecclésiae copiósa primórdia mártyrum sánguine consecrásti, concéde, quaesumus, ut firma virtúte de tanti agóne certáminis solidémur, et pia semper victória gaudeámus. Per Dóminum.

784 & 4 X

Pagina 784.

&&IULIUS


Die 3 iulii

S. THOMAE, APOSTOLI

Festum

Ant. ad introitum Cf. Ps 117,28 Ps 21 Deus meus es tu, et confitébor tibi: Deus meus es tu, et exaltábo te; confitébor tibi, quóniam factus es mihi in salútem.

Dicitur Gloria in excélsis.

Collecta Da nobis, omnípotens Deus, beáti Thomae apóstoli festivitáte gloriári, ut eius semper et patrocíniis sublevémur, et vitam credéntes habeámus in nómine eius, quem ipse Dóminum agnóvit, Iesum Christum Fílium tuum. Qui tecum.

Super oblata Débitum tibi, Dómine, nostrae réddimus servitútis, supplíciter exorántes, ut in nobis tua múnera tueáris, qui in confessióne beáti Thomae apóstoli laudis tibi hóstias immolámus. Per Christum.

Praefatio de Apostolis, pp. 549 - 550 .

Ant. ad communionem Mitte manum tuam, et cognósce loca clavórum: et noli esse incrédulus, sed fidélis.

785 & 4 X

Pagina 785.


Post communionem Deus, cuius Unigéniti Corpus in hoc veráciter suscípimus sacraménto, praesta, quaesumus, ut, quem Dóminum Deúmque nostrum cum apóstolo Thoma fide cognóscimus, ipsum ópere quoque profiteámur et vita. Qui vivit et regnat in saecula saeculórum.

Adhiberi potest formula benedictionis sollemnis, pp. 613 -614 .


Die 4 iulii

S. Elisabeth Lusitaniæ

De Communi sanctorum: pro iis qui opera misericordiae exercuerunt (p. 963 ).

Collecta Deus, auctor pacis et amátor caritátis, qui beátam Elísabeth mira dissidéntes componéndi grátia decorásti, da nobis, eius intercessióne, pacis ópera exercére, ut fílii Dei nominári possímus. Per Dóminum.

Die 5 iulii

S. Antonii Mariæ Zaccaria, presbyteri

De Communi pastorum (p. 927 ), vel de Communi sanctorum: pro educatoribus (p. 965 ), vel pro religiosis (p. 961 ).

Collecta Da nobis, Dómine, ut supereminéntem Iesu Christi sciéntiam spíritu Pauli apóstoli prosequámur, qua beátus Antónius María erudítus verbum salútis in Ecclésia tua iúgiter praedicávit. Per Dóminum.

786 & 4 X

Pagina 786.


Die 6 iulii

S. Mariæ Goretti, virginis et martyris

De Communi martyrum: pro virgine martyre (p. 924 ), vel virginum: pro una virgine (p. 947 ).

Collecta Deus, innocéntiae auctor et castitátis amátor, qui fámulae tuae Maríae iuveníli aetáte martyrii grátiam contulísti, da nobis, quaesumus, eius intercessióne, in tuis mandátis constántiam, qui dedísti certánti vírgini corónam. Per Dóminum.

Die 9 iulii

Ss. Augustini Zhao Rong, presbyteri, et

sociorum, martyrum

Martyres in Sinis

De Communi martyrum: pro pluribus martyribus (p. 909 ).

Collecta Deus, qui per sanctórum mártyrum Augustini et sociorum confessiónem Ecclésiam tuam mirábili dispensatióne roborásti, concede, ut populus tuus, missióni sibi créditae fidélis, et increménta libertátis accípiat et veritátem coram mundo testificétur. Per Dóminum.

Die 11 iulii

S. Benedicti, abbatis

Memoria

Ant. ad introitum Fuit vir vitae venerábilis, grátia Benedíctus et nómine, qui relícta domo rebúsque patris, soli Deo placére cúpiens, sanctae conversatiónis hábitum quaesívit.

787 & 4 X

Pagina 787.


Collecta Deus, qui beátum Benedíctum abbátem in schola divíni servítii praeclárum constituísti magístrum, tríbue, quaesumus, ut, amóri tuo nihil praeponéntes, viam mandatórum tuórum dilatáto corde currámus. Per Dóminum.

Super oblata Haec sancta, Dómine, quae in beáti Benedícti celebritáte deférimus, réspice benígnus, et praesta, ut nos, eius exémplis te quaeréntes, unitátis in tuo servítio pacísque dona cónsequi mereámur. Per Christum.

Ant. ad communionem Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensúram.

Post communionem Accépto pígnore vitae aetérnae, te, Dómine, supplíciter deprecámur, ut, beáti Benedícti mónitis obsequéntes, óperi tuo fidéliter serviámus, et fratres fervénti diligámus caritáte. Per Christum.


Die 13 iulii

S. Henrici

De Communi sanctorum: pro uno sancto (p. 956 ).

Collecta Deus, qui beátum Henrícum, grátiae tuae ubertáte praevéntum, e terréni cura regíminis ad supérna mirabíliter erexísti, eius nobis intercessióne largíre, ut inter mundánas varietátes puris ad te méntibus festinémus. Per Dóminum.

788 & 4 X

Pagina 788.


Die 14 iulii

S. Camilli de Lellis, presbyteri

De Communi sanctorum: pro iis qui opera misericordiae exercuerunt (p. 963 ).

Collecta Deus, qui sanctum Camíllum presbyterum caritátis in infírmos singulári grátia decorásti, eius méritis, spíritum nobis tuae dilectiónis infúnde, ut, tibi in frátribus serviéntes, ad te, hora éxitus nostri, secúri transíre possímus. Per Dóminum.

Die 15 iulii

S. Bonaventuræ, episcopi et Ecclesiæ

doctoris

Memoria

De Communi pastorum: pro episcopo (p. 929 ), vel de Communi doctorum Ecclesiae (p. 943 ).

Collecta Da, quaesumus, omnípotens Deus, ut, beáti Bonaventúrae epíscopi natalícia celebrántes, et ipsíus proficiámus eruditióne praeclára, et caritátis ardórem iúgiter aemulémur. Per Dóminum. Die 16 iulii Beatae Mariae Virginis de Monte Carmelo

De Communi beatae Mariae Virginis (p. 897 ).

Collecta Adiuvet nos, quaesumus, Dómine, gloriósae Vírginis Maríae intercéssio veneránda, ut, eius muníti praesídiis, ad montem, qui Christus est, perveníre valeámus. Qui tecum.

789 & 4 X

Pagina 789.


Die 20 iulii

S. Apollinaris, episcopi et martyris

De Communi martyrum: pro uno martyre (p. 915 ), vel de Communi pastorum: pro episcopo (p. 929 ).

Collecta Dírige fidéles tuos, Dómine, in viam salútis aetérnae, quam beátus Apollináris epíscopus doctrína et martyrio monstrávit, et fac nos, eódem intercedénte, sic in mandátis tuis perseveráre, ut cum ipso coronári mereámur. Per Dóminum.

Die 21 iulii

S. Laurentii de Brindisi, presbyteri et

Ecclesiae doctoris

De Communi pastorum (p. 927 ), vel de Communi doctorum Ecclesiae (p. 943 ), vel de Communi sanctorum: pro religiosis (p. 961 ).

Collecta Deus, qui pro nóminis tui glória et animárum salúte beáto Lauréntio presbytero spíritum consílii et fortitúdinis contulísti, da nobis, in eódem spíritu, et agénda cognóscere, et cógnita, eius intercessióne, perfícere. Per Dóminum.

Die 22 iulii

S. Mariæ Magdalenæ

Memoria

Ant. ad introitum Jn 20,17 Dixit Dóminus Maríae Magdalénae: Vade ad fratres meos, et dic eis: Ascéndo ad Patrem meum et Patrem vestrum, Deum meum et Deum vestrum.

790 & 4 X

Pagina 790.


Collecta Deus, cuius Unigénitus Maríae Magdalénae ante omnes gáudium nuntiándum paschále commísit, praesta, quaesumus, ut, eius intercessióne et exémplo, Christum vivéntem praedicémus, et in glória tua regnántem videámus. Qui tecum.

Super oblata Súscipe, Dómine, múnera in beátae Maríae Magdalénae commemoratióne exhíbita, cuius caritátis obséquium Unigénitus Fílius tuus cleménter suscépit impénsum. Qui vivit et regnat in saecula saeculórum.

Ant. ad communionem 2Co 5,14-15 Cáritas Christi urget nos, ut et qui vivunt iam non sibi vivant, sed ei qui pro ipsis mórtuus est et resurréxit.

Post communionem Mysteriórum tuórum, Dómine, sancta percéptio perseverántem illum nobis amórem infúndat, quo beáta María Magdaléna Christo magístro suo indesinénter adhaesit. Qui vivit et regnat in saecula saeculórum.

Die 23 iulii

S. Birgittæ, religiosæ

De Communi sanctorum: pro sanctis mulieribus (p. 966 ) vel pro religiosis (p. 961 ).

Collecta Deus, qui beátam Birgíttam per várias vitae sémitas duxísti eámque sapiéntiam crucis in contemplatióne passiónis Fílii tui mirabíliter docuísti, concéde nobis, ut, digne in tua vocatióne ambulántes, te in ómnibus quaerere valeámus. Per Dóminum.

791 & 4 X

Pagina 791.


Die 24 iulii

S. Sarbelii Makhlûf, presbyteri

De Communi pastorum: pro uno pastore (p. 933 ), vel de Communi sanctorum: pro monacho (p. 959 ).

Collecta Deus, qui sanctum Sarbélium, presbyterum, ad singulárem pugnam erémi vocásti et omni génere pietátis imbuísti, concéde nobis, quaesumus, ut imitatóres domínicae passiónis effécti regno eius mereámur esse consórtes. Per Dóminum.


Die 25 iulii

S. IACOBI, APOSTOLI

Festum

Ant. ad introitum Cf. Mt 4,18 Mt 21 Ambulans Iesus iuxta mare Galilaeae, vidit Iacóbum Zebedaei et Ioánnem fratrem eius, reficiéntes rétia sua, et vocávit eos.

Dicitur Gloria in excélsis.

Collecta Omnípotens sempitérne Deus, qui Apostolórum tuórum primítias beáti Iacóbi sánguine dedicásti, da, quaesumus, Ecclésiae tuae ipsíus confessióne firmári, et iúgiter patrocíniis confovéri. Per Dóminum.

792 & 4 X

Pagina 792.


Super oblata Munda nos, Dómine, passiónis Fílii tui baptísmate salutári, ut in festo beáti Iacóbi, quem primum inter Apóstolos cálicis eius partícipem esse voluísti, beneplácitum tibi sacrifícium offerámus. Per Christum.

Praefatio de Apostolis, pp. 549 - 550 .

Ant. ad communionem Cálicem Dómini bibérunt, et amíci Dei facti sunt.

Post communionem Beáti apóstoli Iacóbi, quaesumus, Dómine, intercessióne nos ádiuva, pro cuius festivitáte percépimus tua sancta laetántes. Per Christum.

Adhiberi potest formula benedictionis sollemnis, pp. 613 -614 .


Die 26 iulii

Ss. Ioachim et Annæ, parentum beatæ Mariæ

Virginis

Memoria

Ant. ad introitum Cf. Qo 44,1 Qo 25 Laudémus Ióachim et Annam in generatióne sua, quia benedictiónem ómnium géntium dedit illis Dóminus.

Collecta Dómine, Deus patrum nostrórum, qui beátis Ióachim et Annae hanc grátiam contulísti ut ex eis incarnáti Fílii tui Mater nascerétur, utriúsque précibus concéde, ut salútem tuo promíssam pópulo consequámur. Per Dóminum.

793 & 4 X

Pagina 793.


Super oblata Súscipe, quaesumus, Dómine, múnera nostrae devotiónis, et praesta, ut eiúsdem benedictiónis, quam Abrahae et eius sémini promisísti, mereámur esse partícipes. Per Christum.

Ant. ad communionem Cf. Ps 23,5 Accepérunt benedictiónem a Dómino, et misericórdiam a Deo salutári suo.

Post communionem Deus, qui Unigénitum tuum ex homínibus nasci voluísti, ut hómines ex te mirábili mystério renasceréntur, quaesumus, ut, quos filiórum pane satiásti, adoptiónis spíritu benignitáte tua sanctífices. Per Christum.


Die 29 iulii

S. Marthæ

Memoria

Ant. ad introitum Cf. Lc 10,38 Intrávit Iesus in quoddam castéllum, et múlier quaedam Martha nómine excépit illum in domum suam.

Collecta Omnípotens sempitérne Deus, cuius Fílius in domo beátae Marthae dignátus est hospitári, da, quaesumus, ut, eiúsdem intercessióne, Christo in frátribus nostris fidéliter ministrántes, in aede caelésti a te récipi mereámur. Per Dóminum.

794 & 4 X

Pagina 794.


Super oblata In beáta Martha te, Dómine, mirábilem praedicántes, maiestátem tuam supplíciter exorámus, ut, sicut eius tibi gratum éxstitit caritátis obséquium, sic nostrae servitútis accépta reddántur offícia. Per Christum.

Ant. ad communionem Jn 11,27 Dixit Martha ad Iesum: Tu es Christus, Fílius Dei vivi, qui in hunc mundum venísti.

Post communionem Córporis et Sánguinis Unigéniti tui sacra percéptio, Dómine, ab ómnibus nos cadúcis rebus avértat, ut, exémplo beátae Marthae, valeámus tibi et sincéra in terris caritáte profícere, et tui perpétua in caelis visióne gaudére. Per Christum.


Die 30 iulii

S. Petri Chrysologi, episcopi et Ecclesiæ

doctoris

De Communi pastorum: pro episcopo (p. 929 ), vel de Communi doctorum Ecclesiae (p. 943 ).

Collecta Deus, qui beátum Petrum Chrysólogum epíscopum Verbi tui incarnáti praecónem egrégium effecísti, eius nobis intercessióne concéde, ut tuae salútis mystéria et iúgiter scrutémur in corde, et fidéliter significémus in ópere. Per Dóminum.

795 & 4 X

Pagina 795.


Die 31 iulii

S. Ignatii de Loyola, presbyteri

Memoria

Ant. ad introitum Cf. Ph 2,10-11 In nómine Iesu omne genu flectátur, caeléstium, terréstrium et infernórum; et omnis lingua confiteátur quia Dóminus Iesus Christus in glória est Dei Patris.

Collecta Deus, qui ad maiórem tui nóminis glóriam propagándam beátum Ignátium in Ecclésia tua suscitásti, concéde, ut, eius auxílio et imitatióne certántes in terris, coronári cum ipso mereámur in caelis. Per Dóminum.

Super oblata Pláceant, Dómine Deus, oblatiónes in celebratióne beáti Ignátii tibi delátae, et praesta, ut sacrosáncta mystéria, in quibus omnis sanctitátis fontem constituísti, nos quoque in veritáte sanctíficent. Per Christum.

Ant. ad communionem Cf. Lc 12,49 Dicit Dóminus: Ignem veni míttere in terram, et quid volo, nisi ut accendátur?

Post communionem Laudis hóstia, Dómine, quam pro beáto Ignátio grátias agéntes obtúlimus, ad perpétuam nos maiestátis tuae laudatiónem perdúcat. Per Christum.


796 & 4 X

Pagina 796.

&&AUGUSTUS


Die 1 augusti

S. Alfonsi Mariæ de' Liguori, episcopi et

Ecclesiae doctoris

Memoria

De Communi pastorum: pro episcopo (p. 929 ), vel de Communi doctorum Ecclesiae (p. 943 ).

Collecta Deus, qui in Ecclésia tua nova semper instáuras exémpla virtútum, da nobis in zelo animárum beáti Alfónsi Maríae epíscopi ita vestígiis adhaerére, ut eius in caelis assequámur et praemia. Per Dóminum.

Super oblata Caelésti, Dómine, Spíritus igne corda nostra cleménter exúre, qui beáto Alfónso Maríae tribuísti et haec mystéria celebráre, et per éadem hóstiam tibi sanctam seípsum exhibére. Per Christum.

Post communionem Deus, qui beátum Alfónsum Maríam fidélem dispensatórem et praecónem tanti mystérii providísti, concéde, ut fidéles tui illud frequénter percípiant, et, percipiéndo, te sine fine colláudent. Per Christum.


797 & 4 X

Pagina 797.


Die 2 augusti

S. Eusebii Vercellensis, episcopi

De Communi pastorum: pro episcopo (p. 929 ).

Collecta Fac nos, Dómine Deus, in asserénda Fílii tui divinitáte, beáti Eusébii epíscopi constántiam imitári, ut, fidem servántes quam ipse dócuit, eiúsdem Fílii tui vitae partícipes esse mereámur. Qui tecum.

S. Petri Iuliani Eymard, presbyteri

De Communi sanctorum: pro religiosis (p. 961 ), vel de Communi pastorum: pro uno pastore (p. 933 ).

Collecta Deus, qui beátum Petrum Iuliánum erga sacra mystéria Córporis et Sánguinis Fílii tui dilectióne decorásti mirífica, concéde propítius, ut, quam ille ex hoc divíno percépit pinguédinem, eándem et nos percípere mereámur. Per Dóminum.

Die 4 augusti

S. Ioannis Mariæ Vianney, presbyteri

Memoria

De Communi pastorum: pro uno pastore (p. 933 ).

Collecta Omnípotens et miséricors Deus, qui beátum Ioánnem Maríam presbyterum pastoráli stúdio mirábilem effecísti, da, quaesumus, ut, eius exémplo et intercessióne, fratres in caritáte Christo lucrémur, et cum eis aetérnam glóriam cónsequi valeámus. Per Dóminum.

798 & 4 X

Pagina 798.

799 & 4 X

Pagina 799.


Die 5 augusti

In Dedicatione basilicæ S. Mariæ

De Communi beatae Mariae Virginis (p. 897 ).

Collecta Famulórum tuórum, quaesumus, Dómine, delíctis ignósce, ut, qui tibi placére de nostris áctibus non valémus, Genetrícis Fílii tui intercessióne salvémur. Per Dóminum.

Die 6 augusti

IN TRANSFIGURATIONE DOMINI

Festum

Ant. ad introitum Cf. Mt 17,5 In splendénti nube Spíritus Sanctus visus est, patérna vox audíta est: Hic est Fílius meus diléctus, in quo mihi bene complácui: ipsum audíte.

Dicitur Gloria in excélsis.

Collecta Deus, qui fídei sacraménta in Unigéniti tui gloriósa Transfiguratióne patrum testimónio roborásti, et adoptiónem filiórum perféctam mirabíliter praesignásti, concéde nobis fámulis tuis, ut, ipsíus dilécti Fílii tui vocem audiéntes, eiúsdem coherédes éffici mereámur. Qui tecum.

Quando hoc festum incidit in dominicam, diciturCredo

Super oblata Obláta múnera, quaesumus, Dómine, gloriósa Unigéniti tui Transfiguratióne sanctífica, nosque a peccatórum máculis, splendóribus ipsíus illustratiónis, emúnda. Per Christum.


800 & 4 X

Pagina 800.

Praefatio: De mysterio Transfigurationis. Tonus sollemnis

801 & 4 X

Pagina 801.

Sanctus, Sanctus, Sanctus Dóminus Deus Sábaoth...

Textus sine cantu: V. Dóminus vobíscum. R. Et cum spíritu tuo. V. Sursum corda. R. Habémus ad Dóminum. V. Grátias agámus Dómino Deo nostro. R. Dignum et iustum est. Vere dignum et iustum est, aequum et salutáre, nos tibi semper et ubíque grátias ágere: Dómine, sancte Pater, omnípotens aetérne Deus: per Christum Dóminum nostrum. Qui coram eléctis téstibus suam glóriam revelávit, et commúnem illam cum céteris córporis formam máximo splendóre perfúdit, ut de córdibus discipulórum crucis scándalum tollerétur, et in totíus Ecclésiae córpore declaráret impléndum quod eius mirabíliter praefúlsit in cápite. Et ídeo cum caelórum virtútibus in terris te iúgiter celebrámus, maiestáti tuae sine fine clamántes: Sanctus, Sanctus, Sanctus Dóminus Deus Sábaoth...

802 & 4 X

Pagina 802.

Ant. ad communionem Cf. 1Jn 3,2 Cum Christus apparúerit, símiles ei érimus, quóniam vidébimus eum sícuti est.

Post communionem Caeléstia, quaesumus, Dómine, aliménta quae súmpsimus in eius nos transfórment imáginem, cuius claritátem gloriósa Transfiguratióne manifestáre voluísti. Qui vivit et regnat in saecula saeculórum.

Die 7 augusti

Ss. Xysti II, papæ, et sociorum, martyrum

De Communi martyrum: pro pluribus martyribus (p. 909 ).

Collecta Quaesumus, omnípotens Deus, ut nos, virtúte Spíritus Sancti, et ad credéndum dóciles et ad confiténdum fortes effícias, qui beáto Xysto eiúsque sóciis propter verbum tuum et testimónium Iesu ánimas suas pónere tribuísti. Per Dóminum.

S. Caietani, presbyteri

De Communi pastorum: pro uno pastore (p. 933 ), vel sanctorum: pro religiosis (p. 961 ).

Collecta Deus, qui beáto Caietáno presbytero apostólicam vivéndi formam imitári tribuísti, eius nobis exémplo et intercessióne concéde in te semper confídere, et regnum tuum indesinénter quaerere. Per Dóminum.

803 & 4 X

Pagina 803.


Die 8 augusti

S. Dominici, presbyteri

Memoria

Ant. ad introitum Cf. Qo 15,5 In médio Ecclésiae apéruit os eius, et implévit eum Dóminus spíritu sapiéntiae et intelléctus: stolam glóriae índuit eum.

Collecta Adiuvet Ecclésiam tuam, Dómine, beátus Domínicus méritis et doctrínis, atque pro nobis efficiátur piíssimus intervéntor, qui tuae veritátis éxstitit praedicátor exímius. Per Dóminum.

Super oblata Preces, quas tibi, Dómine, offérimus, intercedénte beáto Domínico, cleménter inténde, et, huius sacrifícii virtúte poténti, propugnatóres fídei grátiae tuae protectióne confírma. Per Christum.

Ant. ad communionem Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensúram.

Post communionem Caeléstis, Dómine, virtútem sacraménti, quo in beáti commemoratióne Domínici pasti sumus, percípiat Ecclésia tua plenae devotiónis afféctu, et cuius praedicatióne flóruit, eius intercessióne iuvétur. Per Christum.


804 & 4 X

Pagina 804.


Die 9 augusti

S. Teresiæ Benedictæ a Cruce, virginis et

martyris

De Communi martyrum: pro virgine martyre (p. 924 ), vel de Communi virginum: pro una virgine (p. 947 ).

Collecta Deus patrum nostrórum, qui beátam Terésiam Benedíctam mártyrem ad cognitiónem Fílii tui crucifíxi eiúsque imitatiónem usque ad mortem perduxísti, ipsa intercedénte, concéde, ut omnes hómines Christum Salvatórem agnóscant et per eum ad perpétuam tui visiónem advéniant. Qui tecum.

Die 10 augusti

S. LAURENTII, DIACONI ET MARTYRIS

Festum

Ant. ad introitum Hic est beátus Lauréntius, qui pro ope Ecclésiae semetípsum trádidit: proptérea méruit martyrii passiónem, ut laetus ascénderet ad Dóminum Iesum Christum.

Dicitur Gloria in excélsis.

Collecta Deus, cuius caritátis ardóre beátus Lauréntius servítio cláruit fidélis et martyrio gloriósus, fac nos amáre quod amávit, et ópere exercére quod dócuit. Per Dóminum.

Super oblata Súscipe propítius, Dómine, múnera in beáti Lauréntii celebritáte laetánter obláta, et ad nostrae salútis auxílium proveníre concéde. Per Christum.


805 & 4 X

Pagina 805.

Ant. ad communionem Cf. Jn 12,26 Qui mihi minístrat, me sequátur; et ubi sum ego, illic et miníster meus erit, dicit Dóminus.

Post communionem Sacro múnere satiáti, súpplices te, Dómine, deprecámur, ut, quod in festivitáte beáti Lauréntii débitae servitútis praestámus obséquium, salvatiónis tuae sentiámus augméntum. Per Christum.


Die 11 augusti

S. Claræ, virginis

Memoria

De Communi virginum (p. 946 ), vel de Communi sanctorum: pro moniali (p. 960 ).

Collecta Deus, qui beátam Claram ad paupertátis amórem misericórditer adduxísti, eius nobis intercessióne concéde, ut, in paupertáte spíritus Christum sequéntes, ad tui contemplatiónem in caelésti regno perveníre mereámur. Per Dóminum.

Die 12 augusti

S. Ioannæ Franciscæ de Chantal, religiosæ

De Communi sanctorum: pro religiosis (p. 961 ).

Collecta Deus, qui beátam Ioánnam Francíscam per várias vitae sémitas praecláris méritis illustrásti, ipsíus nobis intercessióne concéde, ut, in vocatióne nostra fidéliter ambulántes, lucis exémpla iúgiter ostendámus. Per Dóminum.

806 & 4 X

Pagina 806.


Die 13 augusti

Ss. Pontiani, papæ, et Hippolyti,

presbyteri, martyrum

De Communi martyrum: pro pluribus martyribus (p. 909 ), vel de Communi pastorum (p. 927 ).

Collecta Patiéntia pretiósa iustórum tuae nobis, Dómine, quaesumus, afféctum dilectiónis accúmulet, et in córdibus nostris sacrae fídei semper exérceat firmitátem. Per Dóminum.

Die 14 augusti

S. Maximiliani Mariæ Kolbe, presbyteri et

martyris

Memoria

Ant. ad introitum Mt 25,34 Mt 40 Veníte, benedícti Patris mei, dicit Dóminus. Amen dico vobis: quámdiu fecístis uni de his frátribus meis mínimis, mihi fecístis.

Collecta Deus, qui sanctum Maximiliánum Maríam, presbyterum et mártyrem, amóre Vírginis Immaculátae succénsum, animárum zelo et próximi dilectióne replevísti, concéde propítius, ut, eo intercedénte, pro tua glória in servítio hóminum strénue laborántes, usque ad mortem Fílio tuo conformári valeámus. Qui tecum.

Super oblata Múnera nostra tibi, Dómine, exhibémus, supplíciter exorántes, ut sancti Maximiliáni Maríae exémplo, vitam nostram tibi discámus offérre. Per Christum.


807 & 4 X

Pagina 807.

Ant. ad communionem Cf. Jn 15,13 Maiórem caritátem nemo habet, ut ánimam suam ponat quis pro amícis suis, dicit Dóminus.

Post communionem Quaesumus, Dómine, ut refécti Córpore et Sánguine Fílii tui, eo caritátis igne accendámur, quem ex hoc convívio sanctus Maximiliánus María accépit. Per Christum.


Die 15 augusti

IN ASSUMPTIONE BEATAE MARIAE VIRGINIS

Sollemnitas

Ad Missam in Vigilia

Haec Missa dicitur vespere diei 14 augusti, sive ante sive post I Vesperas sollemnitatis.

Ant. ad introitum Gloriósa dicta sunt de te, María, quae hódie exaltáta es super choros Angelórum, et in aetérnum cum Christo triúmphas.

Dicitur Gloria in excélsis.

Collecta Deus, qui beátam Vírginem Maríam, eius humilitátem respíciens, ad hanc grátiam evexísti, ut Unigénitus tuus ex ipsa secúndum carnem nascerétur, et hodiérna die superexcellénti glória coronásti, eius nobis précibus concéde, ut, redemptiónis tuae mystério salváti, a te exaltári mereámur. Per Dóminum.

DiciturCredo

808 & 4 X

Pagina 808.


Super oblata Súscipe, quaesumus, Dómine, sacrifícium placatiónis et laudis, quod in sanctae Dei Genetrícis Assumptióne celebrámus, ut ad véniam nos obtinéndam perdúcat, et in perpétua gratiárum constítuat actióne. Per Christum.

Praefatio propria, ut in Missa sequenti, pp. 810 -812 .

Ant. ad communionem Cf. Lc 11,27 Beáta víscera Maríae Vírginis, quae portavérunt aetérni Patris Fílium.

Post communionem Mensae caeléstis partícipes effécti, implorámus cleméntiam tuam, Dómine Deus noster, ut, qui Assumptiónem Dei Genetrícis cólimus, a cunctis malis imminéntibus liberémur. Per Christum.

Adhiberi potest formula benedictionis sollemnis, pp. 612 -613 .

Ad Missam in die

Ant. ad introitum Cf. Signum magnum appáruit in caelo: múlier amícta sole, et luna sub pédibus eius, et in cápite eius coróna stellárum duódecim.

Vel: Gaudeámus omnes in Dómino, diem festum celebrántes sub honóre Maríae Vírginis, de cuius Assumptióne gaudent Angeli, et colláudant Fílium Dei.

Dicitur Gloria in excélsis.

809 & 4 X

Pagina 809.

810 & 4 X

Pagina 810.


Collecta Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad caeléstem glóriam assumpsísti, concéde, quaesumus, ut, ad supérna semper inténti, ipsíus glóriae mereámur esse consórtes. Per Dóminum.

DiciturCredo

Super oblata Ascéndat ad te, Dómine, nostrae devotiónis oblátio, et, beatíssima Vírgine María in caelum assúmpta intercedénte, corda nostra, caritátis igne succénsa, ad te iúgiter aspírent. Per Christum.

Praefatio: De gloria Mariae Assumptae. Tonus sollemnis


811 & 4 X

Pagina 811.

Sanctus, Sanctus, Sanctus Dóminus Deus Sábaoth...

Texus sine cantu: V. Dóminus vobíscum. R. Et cum spíritu tuo. V. Sursum corda. R. Habémus ad Dóminum. V. Grátias agámus Dómino Deo nostro. R. Dignum et iustum est.

812 & 4 X

Pagina 812.

Vere dignum et iustum est, aequum et salutáre, nos tibi semper et ubíque grátias ágere: Dómine, sancte Pater, omnípotens aetérne Deus: per Christum Dóminum nostrum. Quóniam Virgo Deípara hódie in caelos assúmpta est, Ecclésiae tuae consummándae inítium et imágo, ac pópulo peregrinánti certae spei et solácii documéntum; corruptiónem enim sepúlcri eam vidére mérito noluísti, quae Fílium tuum, vitae omnis auctórem, ineffabíliter de se génuit incarnátum. Et ídeo, choris angélicis sociáti, te laudámus, in gáudio confiténtes: Sanctus, Sanctus, Sanctus Dóminus Deus Sábaoth...

Ant. ad communionem Lc 1,48-49 Beátam me dicent omnes generatiónes, quia fecit mihi magna qui potens est.

Post communionem Sumptis, Dómine, salutáribus sacraméntis, da, quaesumus, ut, intercessióne beátae Maríae Vírginis in caelum assúmptae, ad resurrectiónis glóriam perducámur. Per Christum.

Adhiberi potest formula benedictionis sollemnis, pp. 612 -613 .


Die 16 augusti

S. Stephani Hungariæ

De Communi sanctorum: pro uno sancto (p. 956 ).

Collecta Concéde, quaesumus, Ecclésiae tuae, omnípotens Deus, ut beátum Stéphanum, quem regnántem in terris propagatórem hábuit, propugnatórem habére mereátur gloriósum in caelis. Per Dóminum.

813 & 4 X

Pagina 813.


Die 19 augusti

S. Ioannis Eudes, presbyteri

De Communi pastorum: pro uno pastore (p. 933 ), vel de Communi sanctorum: pro religiosis (p. 961 ).

Collecta Deus, qui beátum Ioánnem presbyterum ad annuntiándum investigábiles Christi divítias mirabíliter elegísti, da nobis, eius exémplis et mónitis, ut, in tua sciéntia crescéntes, secúndum Evangélii lumen fidéliter conversémur. Per Dóminum.

Die 20 augusti

S. Bernardi, abbatis et Ecclesiæ doctoris

Memoria

Ant. ad introitum Replévit beátum Bernárdum Dóminus spíritu intellegéntiae, et ipse fluénta doctrínae ministrávit pópulo Dei.

Collecta Deus, qui beátum Bernárdum abbátem, zelo domus tuae succénsum, in Ecclésia tua lucére simul et ardére fecísti, eius nobis intercessióne concéde, ut, eódem spíritu fervéntes, tamquam fílii lucis iúgiter ambulémus. Per Dóminum.

Super oblata Maiestáti tuae, Dómine, unitátis et pacis offérimus sacraméntum, sancti Bernárdi abbátis memóriam recoléntes, qui, verbo et ópere praeclárus, Ecclésiae tuae órdinis concórdiam strénue procurávit. Per Christum.


814 & 4 X

Pagina 814.

Ant. ad communionem Jn 15,9 Sicut diléxit me Pater, et ego diléxi vos, dicit Dóminus; manéte in dilectióne mea.

Post communionem Cibus, quem súmpsimus, Dómine, in celebratióne beáti Bernárdi, suum in nobis operétur efféctum, ut, eius exémplis roboráti et mónitis erudíti, Verbi tui incarnáti rapiámur amóre. Qui vivit et regnat in saecula saeculórum.

Die 21 augusti

S. Pii X, papæ

Memoria

De Communi pastorum: pro papa (p. 927 ).

Collecta Deus, qui, ad tuéndam cathólicam fidem et univérsa in Christo instauránda, beátum Pium papam caelésti sapiéntia et apostólica fortitúdine replevísti, concéde propítius, ut, eius institúta et exémpla sectántes, praemia consequámur aetérna. Per Dóminum.

Super oblata Oblatiónibus nostris, Dómine, benígne suscéptis, da, quaesumus, ut haec divína mystéria, beáti Pii papae mónita secúti, sincéris tractémus obséquiis, et fidéli mente sumámus. Per Christum.

Post communionem Memóriam beáti Pii papae celebrántes, quaesumus, Dómine Deus noster, ut, virtúte mensae caeléstis, constántes efficiámur in fide, et in tua simus caritáte concórdes. Per Christum.


815 & 4 X

Pagina 815.


Die 22 augusti

Beatæ Mariæ Virginis Reginæ

Memoria

Ant. ad introitum Cf. Ps 44,10 Astitit Regína a dextris tuis in vestítu deauráto, circúmdata varietáte.

Collecta Deus, qui Fílii tui Genetrícem nostram constituísti Matrem atque Regínam, concéde propítius, ut, ipsíus intercessióne suffúlti, tuórum in regno caelésti consequámur glóriam filiórum. Per Dóminum.

Super oblata Memóriam recoléntes beátae Vírginis Maríae, tibi, Dómine, múnera nostra offérimus, deprecántes, ut eius nobis succúrrat humánitas, qui tibi oblatiónem seípsum in cruce óbtulit immaculátam. Qui vivit et regnat in saecula saeculórum.

Praefatio I de beata Maria Virgine (Et te in festivitáte), p. 547 , vel II, p. 548 .

Ant. ad communionem Cf. Lc 1,45 Beáta es, quae credidísti, quóniam perficiéntur ea, quae dicta sunt tibi a Dómino.

Post communionem Sumptis, Dómine, sacraméntis caeléstibus, te súpplices deprecámur, ut, qui beátae Vírginis Maríae memóriam venerándo recólimus, aetérni convívii mereámur esse partícipes. Per Christum.


816 & 4 X

Pagina 816.


Die 23 augusti

S. Rosæ de Lima, virginis

De Communi virginum: pro una virgine (p. 947 ).

Collecta Deus, qui beátam Rosam, tuo amóre succénsam, mundum relínquere et tibi soli in austeritáte paeniténtiae vacáre fecísti, da nobis, eius intercessióne, ut, vias vitae sectántes in terris, torrénte deliciárum tuárum perfruámur in caelis. Per Dóminum.

Die 24 augusti

S. BARTHOLOMAEI, APOSTOLI

Festum

Ant. ad introitum Cf. Ps 95,2-3 Annuntiáte de die in diem salutáre Dei, annuntiáte inter gentes glóriam eius.

Dicitur Gloria in excélsis.

Collecta Róbora in nobis, Dómine, fidem, qua Fílio tuo beátus Bartholomaeus apóstolus sincéro ánimo adhaesit, et praesta, ut, ipso deprecánte, Ecclésia tua cunctis géntibus salútis fiat sacraméntum. Per Dóminum.

Super oblata Beáti apóstoli Bartholomaei festivitátem, Dómine, recenséntes, quaesumus, ut eius intercessióne tua capiámus auxília, in cuius honórem tibi laudis hóstias immolámus. Per Christum.

Praefatio de Apostolis, pp. 549 - 550 .


817 & 4 X

Pagina 817.

Ant. ad communionem Lc 22,29-30 Ego dispóno vobis, sicut dispósuit mihi Pater meus, regnum, ut edátis et bibátis super mensam meam in regno meo, dicit Dóminus.

Post communionem Súmpsimus, Dómine, pignus salútis aetérnae, festivitátem beáti Bartholomaei apóstoli celebrántes, quod sit nobis, quaesumus, vitae praeséntis auxílium páriter et futúrae. Per Christum.

Adhiberi potest formula benedictionis sollemnis, pp. 613 -614 .


Die 25 augusti

S. Ludovici

De Communi sanctorum: pro uno sancto (p. 956 ).

Collecta Deus, qui beátum Ludovícum e terréni regíminis cura ad caeléstis regni glóriam transtulísti, eius, quaesumus, intercessióne concéde, ut, per múnera temporália quae gérimus, regnum tuum quaerámus aetérnum. Per Dóminum.

S. Iosephi de Calasanz, presbyteri

De Communi sanctorum: pro educatoribus (p. 965 ), vel de Communi pastorum: pro uno pastore (p. 933 ).

Collecta Deus, qui beátum Ioséphum presbyterum tanta caritáte et patiéntia decorásti, ut púeris erudiéndis omníque virtúte exornándis constánter incúmberet, concéde, quaesumus, ut, quem sapiéntiae praeceptórem cólimus, veritátis cooperatórem iúgiter imitémur. Per Dóminum.


Missale Romanum 2002 783