Missale Romanum 1957 - Die 13 Februarii
Episcopi et Confessoris
Duplex
Missa Státuit, de Communi Confessoris Pontificis 1 loco, cum Orationibus ut infra:
Oratio C
DA, quaésumus, omnípotens Deus: ut beáti Euchérii Confessóris tui atque Pontíficis veneránda solémnitas, et devotiónem nobis áugeat, et salútem. Per Dóminum.
Et in Quadragesima fit Commemoratio Feriae.
Secreta C
SANCTI tui, quaésumus, Dómine, nos ubíque laetíficent: ut, dum eórum mérita recólimus, patrocínia sentiámus. Per Dóminum.
Postcommunio C
PRAESTA, quaésumus, omnípotens Deus: ut, de percéptis munéribus grátias exhibéntes, intercedénte beáto Euchério Confessóre tuo atque Pontífice, benefícia potióra sumámus. Per Dóminum.
Die 2 Martii
Martyris
Duplex majus
Introitus Eccli. 4, 33
PRO justítia agonizáre pro ánima tua, et usque ad mortem certa pro justítia, et Deus expugnábit pro te inimícos tuos. Ps. 40, 1 Beátus qui intélligit super egénum et páuperem: in die mala liberábit eum Dóminus. V/. Glória Patri.
Oratio
OMNÍPOTENS et miséricors Deus, qui beátum Cárolum príncipem justítiae tuéndae zelo succénsum, glorióso martýrio illustráre voluísti: da nobis ejus patrocínio et exémplo ; sic omnem implére justítiam, ut vitam consequámur aetérnam. Per Dóminum.
Et in Quadragesima fit Commemoratio Feriae.
Léctio Jeremíae Prophétae.
Jerem. 20, 9-13
FACTUS est in corde meo quasi ignis exaéstuans, clausúsque in óssibus meis: et deféci, ferre non sústinens. Audívi enim contumélias multórum et terrórem in circúitu: Persequímini, et persequámur eum: ab ómnibus viris, qui erant pacífici mei, et custodiéntes latus meum: si quómodo decipiátur, et praevaleámus advérsus eum, et consequámur ultiónem ex eo. Dóminus autem mecum est quasi bellátor fortis: idcírco qui persequúntur me, cadent et infírmi erunt: confundéntur veheménter, quia non intellexérunt oppróbrium sempitérnum, quod nunquam delébitur. Et tu Dómine exercítuum, probátor justi, qui vides renes et cor ; vídeam, quaeso, ultiónem tuam ex eis: tibi enim revelávi causam meam. Cantáte Dómino, laudáte Dóminum: quia liberávit ánimam páuperis de manu malórum.
Graduale Exodi 15, 2 Fortitúdo mea, et laus mea Dóminus, et factus est mihi in salútem: iste Deus meus, et glorificábo eum: Deus pátris mei, et exaltábo eum. V/. Ps. 17, 4 Láudans invocábo Dóminum: et ab inimícis meis salvus ero.
Tractus Isai. 58, 10 Cum effúderis esuriénti ánimam tuam, et ánimam afflíctam repléveris, oriétur in ténebris lux tua. V/. Et réquiem tibi dabit Dóminus semper, et implébit splendóribus ánimam tuam. V/. Et ossa tua liberábit, et eris quasi hortus irríguus, et sicut fons aquárum, cujus non defícient aquae.
+ Sequéntia sancti Evangélii secúndum Matthaéum.
Matth. 5, 1-12
IN illo témpore: Videns Jesus turbas, ascéndit in montem, et cum sedísset, accessérunt ad eum discípuli ejus, et apériens os suum, docébat eos, dicens: Beáti páuperes spíritu: quóniam ipsórum est regnum caelórum. Beáti mites: quóniam ipsi possidébunt terram. Beáti qui lugent: quóniam ipsi consolabúntur. Beáti qui esúriunt et sítiunt justítiam: quóniam ipsi saturabúntur. Beáti misericórdes: quóniam ipsi misericórdiam consequéntur. Beáti mundo corde: quóniam ipsi Deum vidébunt. Beáti pacífici: quóniam fílii Dei vocabúntur. Beáti qui persecutiónem patiúntur propter justítiam: quóniam ipsórum est regnum caelórum. Beáti estis cum maledíxerint vobis, et persecúti vos fúerint, et díxerint omne malum advérsum vos, mentiéntes, propter me: gaudéte et exsultáte, quóniam merces vestra copiósa est in caelis.
Offertorium Ps. 49, 14 Immola Deo sacrifícium laudis et redde Altíssimo vota tua.
Secreta
DEUS, invisíbilis fortitúdo certántium, adésto, quaésumus, munéribus nostris: ut qui beáti Mártyris tui Cároli passiónem recensémus, assíduis ejus précibus contra spirituália nequítiae muniámur. Per Dóminum nostrum.
Communio Matth. 5, 7 et 10 Beáti misericórdes: quóniam ipsi misericórdiam consequéntur. Beáti qui persecutiónem patiúntur propter justítiam: quóniam ipsórum est regnum caelórum.
Postcommunio
CONCÉDE nobis, Dómine, per haec Sacraménta caeléstia grátiam in beáti Cároli Mártyris tui celebritáte multíplicem ; ut de tanti agóne certáminis discámus et firma solidári patiéntia, et pia exsultáre victória. Per Dóminum nostrum.
Episcopi et Confessoris
Duplex
Missa Sacerdótes, de Communi Conf. Pont. 2 loco, praeter Orationem sequentem:
Oratio
TIMÉNTIUM te, Dómine, salvátor et custos, avérte, quaésumus, ab Ecclésia tua, intercedénte beáto Chrodegángo Confessóre tuo atque Pontífice, mundánae sapiéntiae delectaménta fallácia: ne vánitas mendaciórum decípiat, quos ipsa Véritas illúminat et érudit, Jesus Christus Fílius tuus: Qui tecum vivit.
Et fit Commemoratio Feriae.
Virginis
Duplex
Missa Dilexísti, ut in Communi Virginum 3 loco, praeter Orationem sequentem:
Oratio
DEUS, qui beátae Hevae, Vírgini, ad augéndum in Ecclésia tua sanctíssimae Eucharístiae cultum incúmbere tribuísti: praesta, quaésumus ; ut qua ipsa in hoc divínum mystérium caritáte flagrávit, eádem et corda nostra accéndi mereántur. Per Dóminum.
Et fit Commemoratio Feriae.
Virginis
Duplex
Missa Dilexísti, ut in Communi Virginum 3 loco, praeter Orationem sequentem:
Oratio
INDULGÉNTIAM nobis, quaésumus, Dómine, beáta Gertrúdis Virgo implóret, quae tibi grata éxstitit et mérito castitátis, et tuae professióne virtútis. Per Dóminum.
Et fit Commemoratio Feriae.
Die 5 Aprilis
Virginis
Duplex majus
Missa Dilexísti, ut in Communi Virginum 3 loco, praeter Orationes sequentes:
Oratio
DEUS, humílium celsitúdo, qui beátam Vírginem Juliánam ad promovéndum sanctíssimi Sacraménti cultum mirabíliter inflammásti: tríbue, quaésumus ; ita nos humilitátis ejus vestígia sectári in terris, ut cum ipsa sublimári mereámur in caelis. Per Dóminum.
Et fit Commemoratio Feriae in Quadragesima.
Secreta
DEUS, qui ad sacrum redemptiónis nostrae pignus recoléndum, in beáta Vírgine Juliána exémplum nobis et praesídium praestáre voluísti: concéde propítius ; ut ejus méritis et précibus, quem velátum in terris cólimus, ipsum reveláta fácie vidére mereámur in caelis. Qui tecum vivit.
Postcommunio
ADJUVENT nos, quaésumus, Dómine, haec mystéria sancta quae súmpsimus, et beátae Juliánae Vírginis tuae intercéssio veneránda. Per Dóminum.
Episcopi et Confessoris
Duplex
Missa Státuit, de Communi Confessoris Pontificis 1 loco, praeter Orationem sequentem:
Oratio
OMNÍPOTENS sempitérne Deus, exáudi propítius oratiónem nostram, et tríbue nobis, intercedénte beáto Floribérto, Confessóre tuo atque Pontífice, misericórdiam tuam ; ut quaecúmque praécipis, te adjuvánte, implére possímus. Per Dóminum.
Episcopi et Martyris
Duplex majus
Missa Protexísti, de Communi Martyrum Tempore Paschali, praeter Orationes sequentes:
Oratio
INTERCÉSSIO, quaésumus, Dómine, beáti Lambérti Mártyris tui atque Pontíficis, cujus venerándam Translatiónem celebrámus, tuam nobis non désinat placáre justítiam, et nostrum tibi devótum effícere famulátum. Per Dóminum.
Secreta
ADÉSTO, quaésumus , Dómine, famulórum tuórum hóstiis, adésto munéribus, sancti Lambérti, Mártyris tui atque Pontíficis, précibus placátus ac méritis: et ejus gaudéntes solemnitáte, ab hóstium infestatiónibus cleménter tuére. Per Dóminum.
Postcommunio
BEÁTI Pontíficis Lambérti, Mártyris tui, Dómine, mérita gloriósa recoléntibus, da nobis per haec sacraménta, quae súmpsimus, ut a culpis ómnibus expiáti vitam consequámur aetérnam. Per Dóminum.
Die 1 Maji
Commemoratio
Martyris
Missa Protexísti, de Communi unius Martyris Tempore Paschali 1 loco, cum orationibus ut infra:
Oratio
PRAESTA, quaésumus, omnípotens Deus: ut, qui beáti Evermári Mártyris tui natalítia cólimus, intercessióne ejus, in tui nóminis amóre roborémur. Per Dóminum.
Secreta
MUNÉRIBUS nostris, quaésumus, Dómine, precibúsque suscéptis: et caeléstibus nos munda mystériis, et cleménter exáudi. Per Dóminum.
Postcommunio
DA, quaésumus, Dómine Deus noster: ut, sicut tuórum commemoratióne Sanctórum temporáli gratulámur offício ; ita perpétuo laetémur aspéctu. Per Dóminum.
Duplex I classis
Missa Terríbilis, de Communi Dedicationis. Credo.
Episcopi et Confessoris
Duplex
Missa Státuit, de Communi Confessoris Pontificis 1 loco, praeter Orationes sequentes:
Oratio
MISERICÓRDIAE tuae nos, quaésumus, Dómine, sancti Pontíficis tui Domitiáni pia comméndet orátio, cujus hódie celebrátur in tuo conspéctu pretiósa conféssio. Per Dóminum.
Secreta
OBLÁTUM tibi, Dómine, sacrifícium, intercedénte beáto Domitiáno, Confessóre tuo atque Pontífice, munímen in nobis operétur perpétuum. Per Dóminum.
Postcommunio
SUMPTIS, Dómine, redemptiónis nostrae munéribus: praesta, quaésumus ; ut, intervéntu beáti Domitiáni, Confessóris tui atque Pontíficis, haec éadem nobis impéndant salútem mentis et córporis. Per Dóminum nostrum.
Episcopi et Confessoris
Duplex
Introitus Ps. 131, 9-10
SACERDÓTES tui, Dómine, índuant justítiam, et sancti tui exsúltent: propter David servum tuum, non avértas fáciem Christi tui, allelúja, allelúja. Ps. ibid., 1 Meménto, Dómine, David: et omnis mansuetúdinis ejus. V/. Glória Patri.
Oratio
DEUS, qui pópulo tuo sanctum dedísti Servátium praedicatórem: concéde ut tanti Pontíficis intercessióne, et tuae pietátis defensióne, ab ómnibus liberémur advérsis, et tranquílla prosperitáte in tua laude laetémur. Per Dóminum.
Léctio Epístolae beáti Pauli Apóstoli ad Hebraéos.
Hebr. 5, 1-4
FRATRES: Omnis póntifex ex homínibus assúmptus, pro homínibus constitúitur in iis, quae sunt ad Deum, ut ófferat dona et sacrifícia pro peccátis: qui condolére possit iis, qui ignórant et errant: quóniam et ipse circúmdatus est infirmitáte: et proptérea debet, quemádmodum pro pópulo, ita étiam et pro semetípso offérre pro peccátis. Nec quisquam sumit sibi honórem, sed qui vocátur a Deo, tamquam Aaron.
Allelúja , allelúja. V/. Ps. 109, 4 Jurávit Dóminus, et non paenitébit eum: Tu es sacérdos in aetérnum, secúndum órdinem Melchísedech. Allelúja. V/. Eccli. 45, 9 Amávit eum Dóminus, et ornávit eum: stolam glóriae índuit eum. Allelúja.
+ Sequéntia sancti Evangélii secúndum Matthaéum.
Matth. 24, 42-47
IN illo témpore: Dixit Jesus discípulis suis: Vigiláte, quia nescítis qua hora Dóminus vester ventúrus sit. Illud autem scitóte, quóniam si sciret paterfamílias, qua hora fur ventúrus esset, vigiláret útique, et non síneret pérfodi domum suam. Ideo et vos estóte paráti: quia qua nescítis hora, Fílius hóminis ventúrus est. Quis, putas, est fidélis servus et prudens, quem constítuit dóminus suus super famíliam suam, ut det illis cibum in témpore ? Beátus ille servus, quem, cum vénerit dóminus ejus, invénerit sic faciéntem. Amen dico vobis, quóniam super ómnia bona sua constítuet eum.
Offertorium Ps. 88, 25 Véritas mea, et misericórdia mea cum ipso: et in nómine meo exaltábitur cornu ejus, allelúja.
Secreta
HAEC oblátio, Dómine, quaésumus, interveniénte beáto Servátio, Confessóre tuo atque Pontífice, nos ab ómnibus emúndet offénsis, et tota virtúte tuis fáciat servíre mandátis. Per Dóminum nostrum.
Communio Matth. 24, 46-47 Beátus servus, quem, cum vénerit dóminus, invénerit vigilántem: amen dico vobis, super ómnia bona sua constítuet eum, allelúja.
Postcommunio
SALÚTIS nostrae libántes mystéria, praesta quaésumus, omnípotens Deus, ut beáti Servátii, Pontíficis tui, nos ádjuvet orátio, et tua nos semper custódiat protéctio. Per Dóminum.
Die 16 Junii
Virginis
Duplex
Missa Dilexísti, de Communi Virginum 3 loco, cum Oratione ut infra:
Oratio
EXÁUDI nos, Deus salutáris noster: ut, sicut de beátae Lutgárdis Vírginis tuae festivitáte gaudémus ; ita piae devotiónis erudiámur afféctu. Per Dóminum.
Episcopi et Confessoris
Duplex
Missa Státuit, de Communi Confessoris Pontificis 1 loco, praeter Orationem sequentem:
Oratio
OMNÍPOTENS sempitérne Deus, fidélium tuórum indefíciens conservátor, qui hunc diem gloriósi Confessóris tui atque Pontíficis Martíni glorificáre dignátus es solemnitáte: exáudi preces supplicántis Ecclésiae, et praesta ; ut quod devóte éxpetit, eo suffragánte cónsequi mereátur. Per Dóminum nostrum.
Commemoratio Abbatis
Missa Os justi, de Communi Abbatum cum Oratione ut infra:
Oratio C
INTERCÉSSIO nos, quaésumus, Dómine, beáti Papoléni Abbátis comméndet: ut, quod nostris méritis non valémus, ejus patrocínio assequámur. Per Dóminum.
Die 3 Julii
Duplex majus
Introitus Ps. 131, 16-17
SACERDÓTES Sion índuam salutári, et sancti ejus exsultatióne exsultábunt, dicit Dóminus: illuc prodúcam cornu David, parávi lucérnam Christo meo. Ps. ibid., 1 Meménto, Dómine, David: et omnis mansuetúdinis ejus. V/. Glória Patri.
Oratio
OMNÍPOTENS, sempitérne Deus, qui per evangélicos labóres, beátos Pontífices nostros, in fide nobis Patres, ad immortálem glóriam evexísti: da nobis dignam pro eórum solemnitáte laetítiam ; ut quos pia devotióne proséquimur, eórum précibus adjuvémur. Per Dóminum.
Léctio Epístolae beáti Pauli Apóstoli ad Hebraéos.
Hebr. 13, 7-17
FRATRES: Mementóte praepositórum vestrórum, qui vobis locúti sunt verbum Dei: quorum intuéntes éxitum conversatiónis, imitámini fidem. Jesus Christus heri, et hódie: ipse et in saécula. Doctrínis váriis et peregrínis nolíte abdúci. Optimum est enim grátia stabilíre cor, non escis, quae non profuérunt ambulántibus in eis. Habémus altáre, de quo édere non habent potestátem, qui tabernáculo desérviunt. Quorum enim animálium infértur sanguis pro peccáto in Sancta per pontíficem, horum córpora cremántur extra castra. Propter quod et Jesus, ut sanctificáret per suum sánguinem pópulum, extra portam passus est. Exeámus ígitur ad eum extra castra, impropérium ejus portántes. Non enim habémus hic manéntem civitátem, sed futúram inquírimus. Per ipsum ergo offerámus hóstiam laudis semper Deo, id est, fructum labiórum confiténtium nómini ejus. Beneficéntiae autem, et communiónis nolíte oblivísci: tálibus enim hóstiis promerétur Deus. Obedíte praepósitis vestris, et subjacéte eis. Ipsi enim pervígilant, quasi ratiónem pro animábus vestris redditúri.
Graduale Ps. 131, 16-17 Sacerdótes ejus índuam salutári: et sancti ejus exsultatióne exsultábunt. V/. Illuc prodúcam cornu David: parávi lucérnam Christo meo.
Allelúja , allelúja. V/. Ps. 109, 4 Jurávit Dóminus, et non paenitébit eum: Tu es sacérdos in aetérnum, secúndum órdinem Melchísedech. Allelúja.
+ Sequéntia sancti Evangélii secúndum Joánnem.
Joann. 10, 11-16
IN illo témpore: Dixit Jesus pharisaéis: Ego sum pastor bonus. Bonus pastor ánimam suam dat pro óvibus suis. Mercenárius autem, et qui non est pastor, cujus non sunt oves própriae, videt lupum veniéntem, et dimíttit oves, et fugit: et lupus rapit, et dispérgit oves: mercenárius autem fugit, quia mercenárius est, et non pértinet ad eum de óvibus. Ego sum pastor bonus: et cognósco meas, et cognóscunt me meae. Sicut novit me Pater, et ego agnósco Patrem: et ánimam meam pono pro óvibus meis. Et álias oves hábeo, quae non sunt ex hoc ovíli: et illas opórtet me addúcere, et vocem meam áudient, et fiet unum ovíle, et unus pastor.
Offertorium Levit. 21, 6 Sacerdótes Dómini incénsum et panes ófferunt Deo: et ídeo sancti erunt Deo suo, et non pólluent nomen ejus.
Secreta
PRECES, quas tibi, Dómine, offérimus, intercedéntibus beátis Pontifícibus nostris cleménter inténde: et propugnatóres fídei sub tua protectióne custódi. Per Dóminum.
Communio Num. 16, 47-48 Obtulit Aaron thymiáma: et stans inter mórtuos ac vivéntes, pro pópulo deprecátus est, et plaga cessávit.
Postcommunio
REPLÉTI, Dómine, benedictióne caelésti, súpplices te rogámus ; ut beátos Pontífices nostros, quos in caelis gloriósos fecísti, Ecclésiae tuae constítuas perpétuos defensóres. Per Dóminum.
Martyris
Duplex
Missa In virtúte tua, de Communi unius Martyris 3 loco praeter Orationem sequentem:
ADÉSTO supplicatiónibus nostris, omnípotens Deus: ut qui beáti Libérti Mártyris tui memóriam cólimus, ipsíus imitatióne próspera mundi despícere, et nulla ejus advérsa formidáre valeámus. Per Dóminum.
Virginum
Duplex
Introitus Ps. 148, 12-14
VÍRGINES laudent nomen Dómini, quia exaltátum est nomen ejus solíus: conféssio ejus super caelum et terram. Ps. ibid., 1 Laudáte Dóminum de caelis: laudáte eum in excélsis. V/. Glória Patri.
Oratio C
CONCÉDE, quaésumus, omnípotens Deus: ut qui beatárum Vírginum Landrádae et Amelbérgae puritátem húmili venerámur obséquio ; étiam piae conversatiónis imitémur exémplum. Per Dóminum.
Léctio Epístolae beáti Pauli Apóstoli ad Corínthios.
1 Cor. 7, 25-34
FRATRES: De virgínibus praecéptum Dómini non hábeo: consílium autem do, tamquam misericórdiam consecútus a Dómino, ut sim fidélis. Exístimo ergo hoc bonum esse propter instántem necessitátem, quóniam bonum est hómini sic esse. Alligátus es uxóri ? noli quaérere solutiónem. Solútus es ab uxóre ? noli quaérere uxórem. Si autem accéperis uxórem, non peccásti. Et si núpserit virgo, non peccávit: tribulatiónem tamen carnis habébunt hujúsmodi. Ego autem vobis parco. Hoc ítaque dico, fratres: Tempus breve est: réliquum est, ut et qui habent uxóres, tamquam non habéntes sint: et qui flent, tamquam non flentes: et qui gaudent, tamquam non gaudéntes: et qui emunt, tamquam non possidéntes, et qui utúntur hoc mundo, tamquam non utántur: praéterit enim figúra hujus mundi. Volo autem vos sine sollicitúdine esse. Qui sine uxóre est, sollícitus est, quae Dómini sunt, quómodo pláceat Deo. Qui autem cum uxóre est, sollícitus est, quae sunt mundi, quómodo pláceat uxóri, et divísus est. Et múlier innúpta, et virgo cógitat quae Dómini sunt, ut sit sancta córpore, et spíritu: in Christo Jesu Dómino nostro.
Graduale Ps. 44, 3 et 10 Speciósus forma prae fíliis hóminum: diffúsa est grátia in lábiis tuis. V/. Fíliae regum in honóre tuo: ástitit regína a dextris tuis in vestítu deauráto, circúmdata varietáte.
Allelúja, allelúja. V/. Sap. 4, 1 O quam pulchra est casta generátio cum claritáte: immortális est enim memória illíus. Allelúja.
* In Missis votivis post Septuagesimam, omissis Allelúja et Versu sequenti, dicitur
Tractus Ps. 44, 14-16 Omnis glória ejus fíliae Regis ab intus, in fímbriis áureis, circumamícta varietátibus. V/. Adducéntur Regi vírgines post eam, próximae ejus afferéntur tibi. V/. Afferéntur in laetítia et exsultatióne, adducéntur in templum Regis.
Tempore autem Paschali omittitur Graduale, et ejus loco dicitur:
Allelúja, allelúja. V/. Sap. 4, 1 O quam pulchra est casta generátio cum claritáte: immortális est enim memória illíus. Allelúja. V/. Isai. 56, 5 Ego Dóminus dabo eis nomen mélius a fíliis et filiábus: nomen sempitérnum dabo eis, quod non períbit. Allelúja.
+ Sequéntia sancti Evangélii secúndum Matthaéum.
Matth. 25, 1-13
IN illo témpore: Dixit Jesus discípulis suis parábolam hanc: Símile erit regnum caelórum decem virgínibus: quae accipiéntes lámpadas suas, exiérunt óbviam sponso et sponsae. Quinque autem ex eis erant fátuae, et quinque prudéntes: sed quinque fátuae, accéptis lampádibus, non sumpsérunt óleum secum: prudéntes vero accepérunt óleum in vasis suis cum lampádibus. Moram autem faciénte sponso, dormitavérunt omnes, et dormiérunt. Média autem nocte clamor factus est: Ecce sponsus venit, exíte óbviam ei. Tunc surrexérunt omnes vírgines illae, et ornavérunt lámpades suas. Fátuae autem sapiéntibus dixérunt: Date nobis de óleo vestro: quia lámpades nostrae exstinguúntur. Respondérunt prudéntes, dicéntes: Ne forte non suffíciat nobis, et vobis, ite pótius ad vendéntes, et émite vobis. Dum autem irent émere, venit sponsus: et quae parátae erant, intravérunt cum eo ad núptias, et clausa est jánua. Novíssime vero véniunt et réliquae vírgines, dicéntes: Dómine, Dómine, áperi nobis. At ille respóndens, ait: Amen dico vobis, néscio vos. Vigiláte ítaque, quia nescítis diem, neque horam.
Offertorium Ps. 33, 6 Accédite ad Dóminum, et illuminámini: et fácies vestrae non confundéntur.
Secreta C
MUNÉRIBUS tibi, Dómine, pro beatárum Vírginum Landrádae et Amelbérgae honóre dicátis, benedictiónem tuam propitiátus effúnde: ut per éadem, et a vítiis ómnibus emundémur, et caeléstibus delíciis impleámur. Per Dóminum.
Communio Matth. 25, 10 Venit sponsus: et vírgines, quae parátae erant, intravérunt cum eo ad núptias, et clausa est jánua.
Postcommunio C
SUMPTA mystéria, quaésumus, Dómine, suffragántibus beatárum Vírginum Landrádae et Amelbérgae méritis, íncitent nos júgiter et illústrent: ut digne advéntum Fílii tui praestolémur, et ad supérnas ejus núptias admittámur. Per eúmdem Dóminum.
Duplex
Missa Intret in conspéctu, de Communi plurimorum Martyrum 1 loco, praeter Orationem sequentem:
Oratio
DEUS, qui beatórum Mártyrum tuórum Nicolái et Sociórum ejus, gloriósum pro orthodóxa fide certámen aeternitátis láurea decorásti: concéde propítius ; ut eórum méritis et imitatióne certántes in terris, cum ipsis coronári mereámur in caelis. Per Dóminum.
Secreta C
ADÉSTO, Dómine, supplicatiónibus nostris, quas in Sanctórum tuórum commemoratióne deférimus: ut, qui nostrae justítiae fidúciam non habémus, eórum qui tibi placuérunt, méritis adjuvémur. Per Dóminum.
Postcommunio C
QUSUMUS, Dómine, salutáribus repléti mystériis: ut, quorum solémnia celebrámus, eórum oratiónibus adjuvémur. Per Dóminum.
Commemoratio Episcopi et Martyris
Missa Státuit, de Communi unius Mart. Pontificis 1 loco, cum Orationibus ut infra:
Oratio C
INFIRMITÁTEM nostram réspice, omnípotens Deus: et, quia pondus própriae actiónis gravat, beáti Valentíni Mártyris tui atque Pontíficis intercéssio gloriósa nos prótegat. Per Dóminum.
Secreta C
HÓSTIAS tibi, Dómine, beáti Valentíni Mártyris tui atque Pontíficis dicátas méritis, benígnus assúme: et ad perpétuum nobis tríbue proveníre subsídium. Per Dóminum.
Postcommunio C
REFÉCTI participatióne múneris sacri, quaésumus, Dómine Deus noster: ut, cujus exséquimur cultum, intercedénte beáto Valentíno Mártyre tuo atque Pontífice, sentiámus efféctum. Per Dóminum.
Episcoporum et Confessorum
Duplex
Introitus Ps. 131, 16-17
SACERDÓTES Sion índuam salutári, et sancti ejus exsultatióne exsultábunt, dicit Dóminus: illuc prodúcam cornu David, parávi lucérnam Christo meo. Ps. ibid., 1 Meménto, Dómine, David: et omnis mansuetúdinis ejus. V/. Glória Patri.
Oratio
EXÁUDI, Dómine, pópulum tuum, et sanctórum Confessórum tuórum atque Pontíficum Monúlphi et Gondúlphi solémnia celebrántem, temporális vitae tríbue pace gaudére, et aetérnae reperíre subsídium. Per Dóminum.
Léctio Epístolae beáti Pauli Apóstoli ad Hebraéos.
Hebr. 13, 7-17
FRATRES: Mementóte praepositórum vestrórum, qui vobis locúti sunt verbum Dei: quorum intuéntes éxitum conversatiónis, imitámini fidem. Jesus Christus heri, et hódie: ipse et in saécula. Doctrínis váriis et peregrínis nolíte abdúci. Optimum est enim grátia stabilíre cor, non escis, quae non profuérunt ambulántibus in eis. Habémus altáre, de quo édere non habent potestátem, qui tabernáculo desérviunt. Quorum enim animálium infértur sanguis pro peccáto in Sancta per pontíficem, horum córpora cremántur extra castra. Propter quod et Jesus, ut sanctificáret per suum sánguinem pópulum, extra portam passus est. Exeámus ígitur ad eum extra castra, impropérium ejus portántes. Non enim habémus hic manéntem civitátem, sed futúram inquírimus. Per ipsum ergo offerámus hóstiam laudis semper Deo, id est, fructum labiórum confiténtium nómini ejus. Beneficéntiae autem, et communiónis nolíte oblivísci: tálibus enim hóstiis promerétur Deus. Obedíte praepósitis vestris, et subjacéte eis. Ipsi enim pervígilant, quasi ratiónem pro animábus vestris redditúri.
Graduale Ps. 106, 22 et 32 Sacríficent Dómino sacrifícium laudis: et annúntient ópera ejus in exsultatióne. V/. Et exáltent eum in ecclésia plebis: et in cáthedra seniórum laudent eum.
Allelúja , allelúja. V/. 2 Paral. 6, 41 Sacerdótes tui, Dómine Deus, induántur salútem, et sancti tui laeténtur in bonis. Allelúja.
* In Missis votivis post Septuagesimam, omissis Allelúja et Versu sequenti, dicitur
Tractus Ps. 131, 8-10 Surge, Dómine, in réquiem tuam: tu et arca sanctificatiónis tuae. V/. Sacerdótes tui induántur justítiam, et sancti tui exsúltent. V/. Propter David servum tuum, non avértas fáciem Christi tui.
Tempore autem Paschali omittitur Graduale, et ejus loco dicitur:
Allelúja , allelúja. V/. 2 Paral. 6, 41 Sacerdótes tui, Dómine Deus, induántur salútem, et sancti tui laeténtur in bonis. Allelúja. V/. Jerem. 31, 14 Ego Dóminus inebriábo ánimam sacerdótum pinguédine: et pópulus meus bonis meis adimplébitur. Allelúja.
+ Sequéntia sancti Evangélii secúndum Marcum.
Marc. 13, 33-37
IN illo témpore: Dixit Jesus discípulis suis: Vidéte, vigiláte, et oráte: nescítis enim quando tempus sit. Sicut homo, qui péregre proféctus relíquit domum suam, et dedit servis suis potestátem cujúsque óperis, et janitóri praecépit ut vígilet. Vigiláte ergo, (nescítis enim quando dóminus domus véniat: sero, an média nocte, an galli cantu, an mane) ne cum vénerit repénte, invéniat vos dormiéntes. Quod autem vobis dico, ómnibus dico: Vigiláte.
Offertorium Ps. 105, 3 Beáti, qui custódiunt judícium, et fáciunt justítiam in omni témpore.
Secreta
SÚSCIPE, Dómine, preces nostras et múnera: quae ut tuo digna sint conspéctu, sanctórum tuórum Monúlphi et Gondúlphi précibus adjuvémur. Per Dóminum nostrum.
Communio Marc. 13, 34 Homo péregre proféctus relíquit domum suam, et dedit servis suis potestátem cujúsque óperis, et janitóri praecépit ut vígilet.
Postcommunio
REPLÉTI, Dómine Deus noster, munéribus sacris: quaésumus ; ut intercedéntibus sanctis Pontifícibus tuis Monúlpho et Gondúlpho, in gratiárum semper actióne maneámus. Per Dóminum nostrum.
Virginis
Simplex
Missa Dilexísti, ut in Communi Virginum 3 loco, praeter Orationem sequentem:
Oratio
IN beáta Vírgine Christína te, Dómine, mirábilem praedicántes, majestátem tuam supplíciter exorámus: ut sicut ejus tibi grata sunt mérita, sic nostrae servitútis accépta reddántur offícia. Per Dóminum.
Die 18 Augusti
Confessoris
Duplex
Missa Justus ut palma, de Communi Confessoris non Pontificis 2 loco, praeter Orationem sequentem:
Oratio
PÓPULUM tuum, quaésumus, Dómine, contínua pietáte custódi: et, beáti Rochi suffragántibus méritis, ab omni fac ánimae et córporis contagióne secúrum. Per Dóminum.
Duplex II classis
Introitus Hebr. 4, 16
ADEÁMUS cum fidúcia ad thronum grátiae, ut misericórdiam consequámur, et grátiam inveniámus in auxílio opportúno. (T. P. Allelúja, allelúja.) Ps. 120, 1 Levávi óculos meos in montes: unde véniet auxílium mihi. V/. Glória Patri.
Oratio
DÓMINE Jesu Christe, noster apud Patrem mediátor, qui beatíssimam Vírginem matrem tuam, matrem quoque nostram et apud te mediatrícem constitúere dignátus es: concéde propítius ; ut quisquis ad te benefícia petitúrus accésserit, cuncta se per eam impetrásse laetétur: Qui vivis et regnas cum eódem Deo Patre.
Léctio Isaíae Prophétae.
Isai. 55, 1-3 et 5
OMNES sitiéntes, veníte ad aquas: et qui non habétis argéntum, properáte, émite et comédite: veníte, émite absque argénto et absque ulla commutatióne vinum et lac. Quare appénditis argéntum non in pánibus, et labórem vestrum non in saturitáte ? audíte, audiéntes me, et comédite bonum, et delectábitur in crassitúdine ánima vestra. Inclináte aurem vestram, et veníte ad me: audíte, et vivet ánima vestra. Ecce gentem, quam nesciébas, vocábis: et gentes, quae te non cognovérunt, ad te current propter Dóminum Deum tuum, et Sanctum Israël, quia glorificávit te.
Graduale Eccli. 24, 25-26 In me grátia omnis viae et veritátis, in me omnis spes vitae et virtútis. V/. Transíte ad me, omnes qui concupíscitis me, et a generatiónibus meis implémini.
Allelúja, allelúja. V/. Salve, Mater misericórdiae, Mater spei et grátiae, o María. Allelúja.
* In Missis votivis post Septuagesimam, omissis Allelúja et Versu sequenti, dicitur
Tractus Ap. 22, 16-17 Ego sum radix et genus David, stella pléndida et matutína. V/. Et spíritus et sponsa dicunt: Veni. Et qui audit, dicat: Veni. V/. Et qui sitit, véniat ; et qui vult, accípiat aquam vitae gratis.
Tempore autem Paschali omittitur Graduale, et ejus loco dicitur:
Allelúja, allelúja. V/. Isai. 60, 4 Leva in circúitu óculos tuos, et vide: omnes isti congregáti sunt, venérunt tibi. Allelúja. V/. Fílii tui de longe vénient, et fíliae tuae de látere surgent. Allelúja.
+ Sequéntia sancti Evangélii secúndum Joánnem.
Joann. 19, 25-27
IN illo témpore: Stabant juxta crucem Jesu mater ejus, et soror matris ejus María Cléophae, et María Magdaléne. Cum vidísset er go Jesus matrem, et discípulum stantem, quem diligébat, dicit matri suae: Múlier, ecce fílius tuus. Deínde dicit discípulo: Ecce mater tua. Et ex illa hora accépit eam discípulus in sua.
Credo.
Offertorium Jerem. 18, 20 Recordáre, Virgo Mater, in conspéctu Dei, ut loquáris pro nobis bona, et ut avértat indignatiónem suam a nobis. (T. P. Allelúja.)
Secreta
MATRIS tuae ac mediatrícis nostrae précibus, Dómine, quaésumus: haec hostiárum oblátio nosmetípsos, tua grátia largiénte, tibi perfíciat munus aetérnum: Qui vivis.
Praefatio de beata Maria Virgine Et te in Festivitáte.
Communio Esther 15, 17 Valde mirábilis es, o María, et fácies tua plena est gratiárum. (T. P. Allelúja.)
Postcommunio
SUBVÉNIAT nobis, Dómine, beátae Maríae Matris tuae ac nostrae mediatrícis orátio: ut per haec sacrosáncta commércia, tua grátia largiénte, ad redemptiónis aetérnae proficiámus augméntum: Qui vivis.
Missale Romanum 1957 - Die 13 Februarii