Missale Romanum 2002 continu 1217
A
Collecta Deus, fidélis remunerátor animárum, praesta, ut defúnctus fámulus tuus Papa N., quem Petri constituísti successórem et Ecclésiae tuae pastórem, grátiae et miseratiónis tuae mystériis, quae fidénter dispensávit in terris, laetánter apud te perpétuo fruátur in caelis. Per Dóminum.
Super oblata Quaesumus, Dómine, ut, per haec piae placatiónis offícia, ánimam fámuli tui Papae N. beáta retribútio comitétur, et misericórdia tua nobis grátiae dona concíliet. Per Christum.
Post communionem Divínae tuae communiónis refécti sacraméntis, quaesumus, Dómine, ut fámulus tuus Papa N., quem Ecclésiae tuae visíbile voluísti fundaméntum unitátis in terris, beatitúdini gregis tui felíciter aggregétur. Per Christum.
B
Collecta Deus, qui Ecclésiae tuae fámulum tuum Papam N. ineffábili tua dispositióne praeésse voluísti, praesta, quaesumus, ut, qui Fílii tui vices gerébat in terris, ab ipso in glória recipiátur aetérna. Per Dóminum.
1218 & 4 X
Pagina 1218.
Super oblata Múnera, Dómine, supplicántis Ecclésiae réspice propítius, et, huius sacrifícii virtúte, concéde, ut fámulus tuus Papa N., quem sacerdótem magnum tuo gregi praefecísti, in electórum tuórum número constítuas sacerdótum. Per Christum.
Post communionem Caritátis tuae, Dómine, suméntes sacra subsídia, quaesumus, ut fámulus tuus Papa N. misericórdiam tuam in Sanctórum glória perpétuo colláudet, qui fidélis éxstitit mysteriórum tuórum dispensátor in terris. Per Christum.
C
Collecta Deus, immortális pastor animárum, réspice pópulum supplicántem, et praesta, ut fámulus tuus Papa N., qui Ecclésiae tuae in caritáte praefuit, fidélis dispensatóris remuneratiónem cum grege sibi crédito misericórditer consequátur. Per Dóminum.
Super oblata Oblatiónem pacíficam pópuli tui, quaesumus, Dómine, propítius intuére, qua ánimam fámuli tui Papae N. tuae misericórdiae fidénter commíttimus, et praesta, ut, quae tuae caritátis et pacis in humána família fuit instruméntum, eárum fructu cum Sanctis tuis perpétuo laetári mereátur. Per Christum.
1219 & 4 X
Pagina 1219.
Post communionem Ad mensam aetérni accedéntes convívii, misericórdiam tuam, Dómine, pro ánima fámuli tui Papae N. supplíciter implorámus, ut veritátis possessióne tandem congáudeat, in qua pópulum tuum fídenter confirmávit. Per Christum.
A. Pro Episcopo diocesano
Collecta Da, quaesumus, omnípotens Deus, ut ánima fámuli tui N. epíscopi, cui famíliae tuae curam tradidísti, cum multíplici labóris fructu gáudia Dómini sui ingrediátur aetérna. Qui tecum.
Super oblata Imménsam cleméntiam tuam, Dómine, supplíciter implorámus, ut hoc sacrifícium, quod fámulus tuus N. epíscopus, dum esset in córpore, maiestáti tuae pro salúte fidélium óbtulit, ipsi nunc prosit ad véniam. Per Christum.
Post communionem Prosit, quaesumus, Dómine, ánimae fámuli tui N. epíscopi misericórdiae tuae implórata cleméntia, ut Christi, in quo sperávit et quem praedicávit, aetérnum cápiat, his sacrifíciis, consórtium. Qui vivit et regnat in saecula saeculórum.
1220 & 4 X
Pagina 1220.
B. Pro alio Episcopo
Collecta Deus, qui inter apostólicos sacerdótes fámulum tuum N. epíscopum (vel cardinálem) pontificáli fecísti dignitáte vigére, praesta, quaesumus, ut eórum quoque perpétuo aggregétur consórtio. Per Dóminum.
Super oblata Súscipe, Dómine, quaesumus, pro ánima fámuli tui N. epíscopi (vel cardinális) quas tibi offérimus hóstias, ut, cui in hoc saeculo pontificále donásti méritum, in caelésti regno Sanctórum tuórum iúbeas iungi consórtio. Per Christum.
Post communionem Quaesumus, omnípotens et miséricors Deus, ut fámulum tuum N. epíscopum (vel cardinálem), quem in terris pro Christo legatióne fungi tribuísti, his emundátum sacrifíciis, consedére fácias in caeléstibus cum ipso. Qui vivit et regnat in saecula saeculórum.
A
Collecta Praesta, quaesumus, Dómine, ut ánima fámuli tui N. sacerdótis, quem in hoc saeculo commorántem sacris munéribus decorásti, in caelésti sede gloriósa semper exsúltet. Per Dóminum.
1221 & 4 X
Pagina 1221.
Super oblata Concéde, quaesumus, omnípotens Deus, ut fámulus tuus N. sacérdos, per haec sancta mystéria, conspéctu semper claro conspíciat quae hic fidéliter ministrávit. Per Christum.
Post communionem Sumptis salutáribus sacraméntis, implorámus, Deus, cleméntiam tuam, ut fámulum tuum N. sacerdótem, quem fecísti mysteriórum tuórum dispensatórem in terris, eórum fácias in caelis apérta veritáte nutríri. Per Christum.
B
Collecta Preces nostras, quaesumus, Dómine, quas pro ánimae fámuli tui N. sacerdótis salúte supplíciter deférimus, propitiátus exáudi, ut, qui nómini tuo ministérium fidéle depéndit, perpétua Sanctórum tuórum societáte laetétur. Per Dóminum.
Super oblata Quaesumus, Dómine, cleméntiam tuam, ut hoc sacrifícium servitútis nostrae, pro ánima fámuli tui N. sacerdótis oblátum, ipsi nunc prosit ad véniam, quae illud in Ecclésia devóta tibi mente exhíbuit. Per Christum.
1222 & 4 X
Pagina 1222.
Post communionem Mensae caeléstis alimónia refécti, te, Dómine, supplíciter exorámus, ut, huius virtúte sacrifícii, ánima fámuli tui N. sacerdótis ante conspéctum tuum semper exsúltet, qui in Ecclésia tua fidéliter ministrávit. Per Christum.
Collecta Concéde, quaesumus, miséricors Deus, ánimae fámuli tui N. diáconi felicitátis aetérnae consórtium, cui donásti in Ecclésia tua cónsequi ministérium. Per Dóminum.
Super oblata Propitiáre, Dómine, fámulo tuo N. diácono, pro cuius salúte hoc tibi sacrifícium offérimus, ut, sicut Christo Fílio tuo ministrávit in carne, cum fidélibus servis exsúrgat in glóriam sempitérnam. Per Christum.
Post communionem Munéribus sacris repléti, te, Dómine, humíliter deprecámur, ut per hoc sacrifícium fámulum tuum N. diáconum, quem inter servos Ecclésiae tuae vocásti, a mortis vínculis absolútum, cum iis qui bene ministravérunt partem recípere et in gáudium tuum intráre benígne concédas. Per Christum.
1223 & 4 X
Pagina 1223.
Collecta Praesta, quaesumus, omnípotens Deus, ut ánima fámuli tui N., qui pro Christi amóre perféctae caritátis viam percúrrit, in advéntu glóriae tuae laetétur, et cum frátribus suis de regni tui beatitúdine gáudeat sempitérna. Per Dóminum.
LABORAVIT
Collecta Misericórdiam tuam, Dómine, pro fámulo tuo N. súpplices deprecámur, ut, qui pro Evangélio dilatándo allaborávit assíduus, ad praemia regni mereátur intráre secúrus. Per Dóminum.
Collecta Deus, qui ómnium hóminum vitam moderáris et témpora, hunc fámulum tuum N., quem consummátum in brevi deflémus, tibi humíliter commendámus, ut in beatitúdine domus tuae perénni fácias iuventúte vigére. Per Dóminum.
1224 & 4 X
Pagina 1224.
CONSUMPTO
Collecta Deus, qui fámulo tuo N. dedísti in aerúmnis tibi et infirmitáte servíre, concéde, quaesumus, ut, qui Fílii tui secútus est patiéntiae documéntum, eiúsdem glóriae consequátur et praemium. Qui tecum.
Collecta Imménsam, Dómine, tuae bonitátis osténde virtútem, ut, qui fratrem nostrum N. repentína flemus morte sublátum, ad tuum confidámus transísse consórtium. Per Dóminum.
Collecta Fámulos tuos N. et N., quaesumus, Dómine, miserátus absólve, ut, quos coniugális amor in hac vita fidéliter sociávit, in aetérna tuae caritátis plenitúdo coniúngat. Per Dóminum. Vel, pro uno tantum coniuge defuncto: Fámulum tuum (Fámulam tuam) N., quaesumus, Dómine, miserátus absólve, et fámulam tuam (fámulum tuum) N. contínua pietáte custódi, ut, quos coniugális amor in hac vita fidéliter sociávit, in aetérna tuae caritátis plenitúdo coniúngat. Per Dóminum.
1225 & 4 X
Pagina 1225.
Collecta Deus, qui nos patrem et matrem honoráre praecepísti, miserére cleménter patri et matri meae (paréntibus nostris), eorúmque peccáta dimítte, meque (nosque) eos in aetérnae claritátis gáudio fac vidére. Per Dóminum.
Super oblata Súscipe sacrifícium, Dómine, quod tibi pro patre et matre mea (paréntibus nostris) offérimus eísque gáudium sempitérnum in regióne vivórum concéde, meque (nosque) cum illis felicitáti Sanctórum coniúnge. Per Christum.
Post communionem Caeléstis participátio sacraménti, quaesumus, Dómine, patri et matri meis (paréntibus nostris) réquiem et lucem obtíneat perpétuam, meque (nosque) cum illis glória tua sátiet sempitérna. Per Christum.
ET BENEFACTORIBUS
Collecta Deus, véniae largítor et humánae salútis amátor, quaesumus cleméntiam tuam, ut nostrae congregatiónis fratres, propínquos et benefactóres, qui ex hoc saeculo transiérunt, beáta María semper Virgíne intercedénte cum ómnibus Sanctis tuis, ad perpétuae beatitúdinis consórtium perveníre concédas. Per Dóminum.
1226 & 4 X
Pagina 1226.
Super oblata Deus, cuius misericórdiae non est númerus, súscipe propítius preces humilitátis nostrae, et animábus fratrum, propinquórum et benefactórum nostrórum, per haec sacraménta salútis nostrae, cunctórum remissiónem tríbue peccatórum. Per Christum.
Post communionem Praesta, quaesumus, omnípotens et miséricors Deus, ut ánimae fratrum, propinquórum et benefactórum nostrórum, pro quibus hoc sacrifícium laudis tuae obtúlimus maiestáti, per huius virtútem sacraménti a peccátis ómnibus expiátae, lucis perpétuae, te miseránte, recípiant beatitúdinem. Per Christum.
1227 & 4 X
Pagina 1227.
&&APPENDICES
1228 & 4 X
Pagina 1228.
1229 & 4 X
Pagina 1229.
1230 & 4 X
Pagina 1230.
1231 & 4 X
Pagina 1231.
1232 & 4 X
Pagina 1232.
1233 & 4 X
Pagina 1233.
1234 & 4 X
Pagina 1234.
1235 & 4 X
Pagina 1235.
1236 & 4 X
Pagina 1236.
1237 & 4 X
Pagina 1237.
1238 & 4 X
Pagina 1238.
1239 & 4 X
Pagina 1239.
1240 & 4 X
Pagina 1240.
1241 & 4 X
Pagina 1241.
1242 & 4 X
Pagina 1242.
1243 & 4 X
Pagina 1243.
1244 & 4 X
Pagina 1244.
1245 & 4 X
Pagina 1245.
1246 & 4 X
Pagina 1246.
1247 & 4 X
Pagina 1247.
1248 & 4 X
Pagina 1248.
1249 & 4 X
Pagina 1249.
1. Die dominica, praesertim tempore paschali, quandoque fieri potest benedictio et aspersio aquae benedictae in memoriam baptismi, etiam in Missis, quae horis vespertinis sabbati anticipantur, in omnibus ecclesiis et oratoriis. Si ritus intra Missam peragitur, locum tenet consueti actus paenitentialis initio Missae.
2. Post salutationem, sacerdos, stans ad sedem, ad populum conversus, habens ante se vas cum aqua benedicenda, populum ad orandum invitat his vel similibus verbis:
Dóminum Deum nostrum, fratres caríssimi, supplíciter deprecémur, ut hanc creatúram aquae benedícere dignétur, super nos aspergéndam in nostri memóriam baptísmi. Ipse autem nos adiuváre dignétur, ut fidéles Spirítui, quem accépimus, maneámus.
Et post brevem pausam silentii prosequitur, manibus iunctis: Omnípotens sempitérne Deus, qui voluísti ut per aquam, fontem vitae ac purificatiónis princípium, étiam ánimae mundaréntur aeternaeque vitae munus excíperent, dignáre, quaesumus, hanc aquam + benedícere, qua vólumus hac die tua, Dómine, communíri. Fontem vivum in nobis tuae grátiae renovári et ab omni malo spíritus et córporis per ipsam nos deféndi concédas, ut mundis tibi córdibus propinquáre tuámque digne salútem valeámus accípere. Per Christum Dóminum nostrum. R. Amen.
Vel: Dómine Deus omnípotens, qui es totíus vitae córporis et ánimae fons et orígo, hanc aquam, te quaesumus, c benedícas, qua fidénter útimur
1250 & 4 X
Pagina 1250.
ad nostrórum implorándam véniam peccatórum et advérsus omnes morbos inimicíque insídias tuae defensiónem grátiae consequéndam. Praesta, Dómine, ut, misericórdia tua interveniénte, aquae vivae semper nobis sáliant in salútem, ut mundo tibi corde appropinquáre possímus, et omnia córporis animaeque perícula devitémus. Per Christum Dóminum nostrum. R. Amen.
Vel, tempore paschali: Dómine Deus omnípotens, précibus pópuli tui adésto propítius; et nobis, mirábile nostrae creatiónis opus, sed et redemptiónis nostrae mirabílius, memorántibus, hanc aquam + benedícere tu dignáre. Ipsam enim tu fecísti, ut et arva fecunditáte donáret, et levámen corpóribus nostris munditiámque praebéret. Aquam étiam tuae minístram misericórdiae condidísti; nam per ipsam solvísti tui pópuli servitútem, illiúsque sitim in desérto sedásti; per ipsam novum fodus nuntiavérunt prophétae, quod eras cum homínibus initúrus; per ipsam dénique, quam Christus in Iordáne sacrávit, corrúptam natúrae nostrae substántiam in regeneratiónis lavácro renovásti. Sit ígitur haec aqua nobis suscépti baptísmatis memória, et cum frátribus nostris, qui sunt in Páschate baptizáti, gáudia nos tríbuas sociáre. Per Christum Dóminum nostrum. R. Amen.
3. Ubi locorum condicio aut populi consuetudo suadet ut salis commixtio in benedictione aquae servetur, sacerdos sal ad libitum benedicit, dicens: Súpplices te rogámus, omnípotens Deus, ut hanc creatúram salis benedícere + tua pietáte dignéris, qui per Eliséum prophétam in aquam mitti eam iussísti, ut sanarétur sterílitas aquae.
1251 & 4 X
Pagina 1251.
Praesta, Dómine, quaesumus, ut, ubicúmque haec salis et aquae commíxtio fúerit aspérsa, omni impugnatióne inimíci depúlsa, praeséntia Sancti tui Spíritus nos iúgiter custódiat. Per Christum Dóminum nostrum. R. Amen.
Deinde sal immittit in aquam, nihil dicens.
4. Postea, accepto aspersorio, sacerdos aspergit se et ministros, deinde clerum et populum, pro opportunitate transeundo per ecclesiam. Interim peragitur unus e cantibus qui sequuntur, vel alius cantus aptus.
Extra tempus paschale
Ant. 1 Ps 50,9 Aspérges me, Dómine, hyssópo et mundábor: lavábis me, et super nivem dealbábor.
Ant. 2 Ez 36,25-26 Effúndam super vos aquam mundam, et mundabímini ab ómnibus inquinaméntis vestris, et dabo vobis cor novum, dicit Dóminus.
Hymnus cf. 1P 1,3-5 Benedíctus Deus et Pater Dómini nostri Iesu Christi, qui secúndum misericórdiam suam magnam regenerávit nos in spem vivam, per resurrectiónem Iesu Christi ex mórtuis, in hereditátem incorruptíbilem, in caelis conservátam nobis in salútem témpore novíssimo revelándam!
1252 & 4 X
Pagina 1252.
Tempore paschali
Ant. 1 cf. Ez 47,1-2 Ez 9 Vidi aquam egrediéntem de templo, a látere dextro, allelúia; et omnes, ad quos pervénit aqua ista, salvi facti sunt, et dicent: allelúia, allelúia.
Ant. 2 cf. So 3,8; Ez 36,25 In die resurrectiónis meae, dicit Dóminus, allelúia, congregábo gentes et collígam regna, et effúndam super vos aquam mundam, allelúia.
Ant. 3 cf. Da 3,77 Da 79 Fontes et ómnia, quae movéntur in aquis, hymnum dícite Deo, allelúia.
Ant. 4 1P 2,9 Vos genus eléctum, regále sacerdótium, gens sancta, virtútes annuntiáte eius, qui de ténebris vos vocávit in admirábile lumen suum, allelúia.
Ant. 5 E látere tuo, Christe, fons aquae prorúmpit, quo abluúntur mundi sordes et vita renovátur, allelúia.
5. Ad sedem reversus, et cantu expleto, sacerdos, stans versus ad populum, manibus iunctis, dicit: Deus omnípotens, nos a peccátis puríficet, et per huius Eucharístiae celebratiónem dignos nos reddat, qui mensae regni sui partícipes efficiámur. R. Amen.
6. Deinde, quando praescribitur, cantatur vel dicitur hymnus Glória in excélsis Deo.
1253 & 4 X
Pagina 1253.
COMMUNIONIS AD ACTUM DISTRIBUENDAE
1. Episcopus diocesanus facultate fruitur permittendi singulis sacerdotibus sacra munera exercentibus ut deputare valeant fidelem idoneum, qui in casibus verae necessitatis, ad actum, sacram Communionem una cum ipsis distribuat.
2. Fidelem qui, iis in casibus, ad Communionem distribuendam ad actum deputatur, mandatum accipere expedit iuxta ritum qui sequitur.
3. Postquam sacerdos celebrans de more ipse Sacramentum sumpsit, minister extraordinarius ad altare accedit et coram celebrante sistit, qui eum benedicit his verbis:
Benedícat + te Dóminus ad Corpus Christi frátribus tuis nunc ministrándum.
Et ipse respondet: Amen.
4. Si minister extraordinarius ipse Ss.mam Eucharistiam suscepturus sit, sacerdos eum communicat ac deinde sacerdos pyxidem vel vas cum hostiis aut calicem ei porrigit, et una cum eodem ad Communionem fidelibus ministrandam accedit.
1254 & 4 X
Pagina 1254.
1255 & 4 X
Pagina 1255.
INTRA MISSAM ADHIBENDUS
1. Calix et patena quibus vinum et panis offeruntur, consecrantur et sumuntur, cum unice et stabiliter ad Eucharistiam celebrandam destinentur, fiunt " vasa sacra ".
2. Voluntas autem haec vasa unice ad Eucharistiam celebrandam destinandi manifestatur coram fidelium communitate, peculiari benedictione laudabiliter intra Missam impertienda.
3. Quilibet sacerdos calicem et patenam benedicere potest, dummodo secundum normas, quae supra in Institutione generali Missalis Romani, nn. 327-332, indicantur, confecta sint.
4. Si calix tantum aut patena benedicenda est, textus opportune aptentur.
5. Post lectionem verbi Dei fit homilia, in qua sacerdos cum lectiones biblicas tum sensum benedictionis calicis et patenae, quae in celebratione Cenae dominicae adhibentur, illustrat.
6. Oratione universali expleta, ministri vel legati communitatis calicem et patenam offerentis, ea super altare collocant. Deinde sacerdos ad altare se confert, dum cantatur haec antiphona:
Cálicem salutáris accípiam, et nomen Dómini invocábo
vel alius cantus aptus.
7. Cantu expleto, sacerdos dicit: Orémus.
Et omnes per aliquod temporis spatium silentio orant.
Tunc sacerdos prosequitur: In altári tuo, Dómine Deus, hunc cálicem et hanc paténam ad novi foderis sacrifícium celebrándum cum gáudio depónimus: Fílii tui Corpus et Sanguis, quae in eis offerúntur et sumúntur, vasa haec sancta effíciant.
1256 & 4 X
Pagina 1256.
Praesta, quaesumus, Dómine, ut, sacrifícia illibáta celebrántes, tuis in terra reficiámur sacraméntis tuóque imbuámur Spíritu, donec in regno caelórum tuo cum Sanctis fruámur convívio. Tibi glória et honor in aetérnum.
Omnes respondent: Benedíctus Deus in saecula.
8. Postea ministri corporale super altare collocant. Nonnulli fideles afferunt panem, vinum, aquam ad sacrificium dominicum celebrandum. Sacerdos in patena et calice modo benedictis oblata deponit et offert more consueto. Interea opportune canitur, cum Ps 115, haec antiphona:
Cálicem salutáris accípiam, et sacrificábo hóstiam laudis (T. P. allelúia).
Psalmus 115 Crédidi, étiam cum locútus sum: * " Ego humiliátus sum nimis ". Ego dixi in trepidatióne mea: * " Omnis homo mendax ". (Repetitur antiphona) Quid retríbuam Dómino * pro ómnibus quae retríbuit mihi? Cálicem salutáris accípiam, * et nomen Dómini invocábo. (Repetitur antiphona) Vota mea Dómino reddam * coram omni pópulo eius. Pretiósa in conspéctu Dómini * mors sanctórum eius.
1257 & 4 X
Pagina 1257.
(Repetitur antiphona) O Dómine, ego servus tuus, * ego servus tuus et fílius ancíllae tuae. Dirupísti víncula mea: tibi sacrificábo hóstiam laudis, * et nomen Dómini invocábo. (Repetitur antiphona) Vota mea Dómino reddam * coram omni pópulo eius, in átriis domus Dómini, * in médio tui, Ierúsalem. (Repetitur antiphona) vel alius cantus aptus. 9. Dicta oratione In spíritu humilitátis, sacerdos opportune incensat dona et altare.
10. Attentis celebrationis adiunctis, convenienter fideles Sanguinem Christi accipiunt e calice modo benedicto.
1258 & 4 X
Pagina 1258.
1259 & 4 X
Pagina 1259.
Admonitio sacerdotis Ad Deum Patrem omnipoténtem, qui vult omnes hómines salvos fíeri et ad agnitiónem veritátis veníre, tota mentis nostrae, fratres caríssimi, dirigátur orátio.
Intentiones 1. Pro Ecclésia sancta Dei; ut eam Dóminus custodíre et fovére dignétur, Dóminum deprecémur. R. Praesta, omnípotens Deus.
2. Pro totíus orbis pópulis; ut inter eos Dóminus concórdiam serváre dignétur, Dóminum deprecémur. R. Praesta, omnípotens Deus.
3. Pro ómnibus qui váriis premúntur necessitátibus; ut omnes Dóminus subleváre dignétur, Dóminum deprecémur. R. Praesta, omnípotens Deus.
4. Pro nobismetípsis ac pro nostra communitáte; ut nos omnes Dóminus hóstiam sibi acceptábilem admíttere dignétur, Dóminum deprecémur. R. Praesta, omnípotens Deus.
Oratio sacerdotis Deus, refúgium nostrum et virtus, adésto piis Ecclésiae tuae précibus, auctor ipse pietátis, et praesta, ut, quod fidéliter pétimus, efficáciter consequámur. Per Christum Dóminum nostrum. R. Amen.
1260 & 4 X
Pagina 1260.
Admonitio sacerdotis Fratres, in hac pública et commúni oratióne quam nunc incípimus, non quisquis pro se, nec tantum pro necessáriis suis, sed omnes pro toto pópulo orémus Christum Dóminum.
Intentiones 1a. Pro cuncto pópulo christiáno, divínae bonitátis abundántiam deprecémur. R. Christe, audi nos vel Exáudi, Christe.
1b. Pro ómnibus nondum credéntibus, largitórem spiritálium múnerum implorémus. R. Christe, audi nos.
2a. Pro rei públicae moderatóribus, Dómini poténtiam implorémus. R. Christe, audi nos.
2b. Pro áeris tempérie ac frúctuum ubertáte, rectórem mundi Dóminum implorémus. R. Christe, audi nos.
3a. Pro frátribus nostris, qui huic sacro co´ tui interésse non possunt, inspectórem ómnium implorémus. R. Christe, audi nos.
3b. Pro refrigério fidélium animárum, univérsae carnis iúdicem implorémus. R. Christe, audi nos.
4a. Pro nobis ómnibus plena fide supplicántibus et Dómini misericórdiam poscéntibus, Salvatóris cleméntiam implorémus. R. Christe, audi nos.
4b. Pro nobis et necessáriis nostris bonitátem Dómini exspectántibus, Christi Dómini misericórdiam implorémus. R. Christe, audi nos.
1261 & 4 X
Pagina 1261.
Oratio sacerdotis Précibus nostris, quaesumus, Dómine, aures tuae pietátis accómmoda, et oratiónes súpplicum benígnus exáudi. Per Christum.
R. Amen.
Admonitio sacerdotis Advéntum Dómini nostri Iesu Christi, fratres caríssimi, votis ómnibus praestolántes, ipsíus misericórdiam impénsius implorémus, ut, sicut ipse ad evangelizándum paupéribus et sanándos contrítos corde venit in mundum, ita, nostris quoque tempóribus, cunctis egéntibus velit praebére salútem.
Intentiones 1a. Ut Ecclésiam suam sanctam vísitet sempérque custódiat, Dóminum deprecémur. R. Kyrie, eléison.
1b. Ut Románum Pontíficem, Antístitem nostrum, universúmque órdinem episcopátus donis répleat spirituálium gratiárum, Dóminum deprecémur. R. Kyrie, eléison.
2a. Ut témpora nostra sint, ipsíus protectióne, tranquílla, Dóminum deprecémur. R. Kyrie, eléison.
2b. Ut mentes eórum, qui nos in potestáte regunt, secúndum voluntátem suam dírigat ad ómnium bonum promovéndum, Dóminum deprecémur. R. Kyrie, eléison.
3a. Ut morbos áuferat, famem depéllat, omnémque tribulatiónem avértat, Dóminum deprecémur. R. Kyrie, eléison.
1262 & 4 X
Pagina 1262.
3b. Ut omnes persecutióne vexátos misericórditer liberáre dignétur, Dóminum deprecémur. R. Kyrie, eléison.
4a. Ut caritátis suae testes coram ómnibus homínibus in veritáte maneámus, Dóminum deprecémur. R. Kyrie, eléison.
4b. Ut nos in suo advéntu vigilántes invéniat, Dóminum deprecémur. R. Kyrie, eléison.
Oratio sacerdotis Omnípotens sempitérne Deus, qui salvas omnes et néminem vis períre, exáudi preces pópuli tui et praesta, ut et mundi cursus pacífico nobis tuo órdine dirigátur, et Ecclésia tua tranquílla devotióne laetétur. Per Christum.
R. Amen.
Admonitio sacerdotis Hac die (hac nocte, hoc témpore), fratres caríssimi, qua appáruit benígnitas et humánitas Salvatóris nostri Dei, non in opéribus iustítiae nostrae, sed in eius misericórdia confidéntes, preces Deo nostro súpplices effundámus.
Intentiones 1. Pro Ecclésia Dei; ut íntegra fide sustíneat et laetánter excípiat quem immaculáta Virgínitas verbo concépit et ineffabíliter generávit, Dóminum deprecémur. R. Dómine, miserére.
2. Pro univérsi orbis proféctu et tranquillitáte; ut temporále donum in praemium tránseat sempitérnum, Dóminum deprecémur. R. Dómine, miserére.
1263 & 4 X
Pagina 1263.
3. Pro iis, qui fame, infirmitáte vel solitúdine tribulántur; ut per mystérium Nativitátis (manifestatiónis) Christi tam mente quam córpore sublevéntur, Dóminum deprecémur. R. Dómine, miserére.
4. Pro congregatiónis nostrae famíliis; ut Christum recipiéntes, illum étiam in paupéribus discant excípere, Dóminum deprecémur. R. Dómine, miserére.
Oratio sacerdotis Quaesumus, Dómine Deus noster, ut fidélium tuórum supplicatiónes apud te ipsa comméndet, quae Deum et hóminem castis viscéribus méruit baiuláre. Per Christum.
R. Amen.
Admonitio sacerdotis Omni quidem témpore, fratres caríssimi, preces debémus effúndere; sed in his praecípue diébus Quadragésimae vigilántius cum Christo et instántius ad Deum oratiónes dirígere nos opórtet.
Intentiones 1. Pro univérso pópulo christiáno, ut ex omni verbo quod procédit de ore Dei in hoc sacro témpore ubérius nutriátur, Dóminum deprecémur.
2. Pro univérso mundo, ut, tranquillitáte et pace serváta, vere fiant dies nostri acceptábile tempus grátiae et salútis, Dóminum deprecémur.
3. Pro peccatóribus et neglegéntibus, ut hoc propitiatiónis témpore revertántur ad ipsum, Dóminum deprecémur.
1264 & 4 X
Pagina 1264.
4. Pro nobismetípsis, ut in praecórdiis nostris tandem detestatiónem nostrórum súscitet peccatórum, Dóminum deprecémur.
Oratio sacerdotis Da, quaesumus, Dómine, pópulum tuum ad te toto corde convérti, ut, quod audet cóngruis oratiónibus postuláre, tua miseratióne percípiat. Per Christum.
R. Amen.
Admonitio sacerdotis Appropinquánte, dilectíssimi, sollemnitáte pascháli, Dóminum impénsius implorémus, ut et nos omnes, et baptizatórum multitúdo, et mundus univérsus, abundántius huius sacri mystérii partícipes evadámus.
Intentiones 1. Ut catechúmenis próxima sollemnitáte pascháli sacro baptísmo initiándis, fidem et intelléctum augére dignétur, Dóminum exorémus.
2. Ut, adiútis pópulis qui subsídio égeant aliéno, pax et secúritas ubíque stabilitáte firméntur, Dóminum exorémus.
3. Ut omnes afflícti et tentáti ipsíus grátia roboréntur, Dóminum exorémus.
4. Ut nos omnes discámus fructum abstinéntiae in bonum indigéntium erogáre, Dóminum exorémus.
Oratio sacerdotis Miserére, Dómine, deprecántis Ecclésiae, et quae inclinántur tibi corda propitiátus inténde, ut, quos divíni mystérii tríbuis esse partícipes, numquam tuis destituántur auxíliis. Per Christum.
R. Amen.
1265 & 4 X
Pagina 1265.
Admonitio sacerdotis Hoc Passiónis témpore, quo Christus Patri suo preces supplicationésque cum clamóre válido et lácrimis óbtulit, Deum húmiles exorémus, ut, pro reveréntia Fílii sui, preces quoque nostras cleménter exáudiat.
Intentiones 1. Ut Sponsa Christi Ecclésia, hoc Passiónis témpore, ipsíus sánguine plénius emundétur, Dóminum deprecémur.
2. Ut per sánguinem Crucis Christi ómnia in mundo pacificári váleant in salútem, Dóminum deprecémur.
3. Ut ómnibus qui infirmitáte et labóribus sunt Passiónis Christi partícipes, fortitúdinem et patiéntiam largiátur, Dóminum deprecémur.
4. Ut omnes per domínicam Passiónem et Crucem ad Resurrectiónis glóriam perducámur, Dóminum deprecémur.
Oratio sacerdotis Adésto, Dómine, tuo pópulo supplicánti, ut, quod própria fidúcia non praesúmit, Passiónis Fílii tui méritis consequátur. Qui vivit et regnat in saecula saeculórum. R. Amen.
Admonitio sacerdotis In hoc pascháli gáudio, fratres caríssimi, Deum instántius exorémus, ut, qui preces supplicationésque dilécti Fílii sui propítius exaudívit, humilitátem quoque nostram dignétur aspícere.
1266 & 4 X
Pagina 1266.
Intentiones 1. Pro pastóribus animárum nostrárum, ut gregem ipsis a Pastóre bono commíssum régere váleant providénter, Dóminum deprecémur.
2. Pro univérso mundo, ut pace a Christo donáta veráciter perfruátur, Dóminum deprecémur.
3. Pro frátribus nostris afflíctis, ut eórum tristítia vertátur in gáudium, quod nemo ab eis tóllere possit, Dóminum deprecémur.
4. Pro congregatióne nostra, ut testimónium Resurrectiónis Christi cum fidúcia magna perhíbeat, Dóminum deprecémur.
Oratio sacerdotis Deus, qui praeséntium hóminum vitam agnóscis diversárum necessitátum passiónibus subiacére, exáudi desidéria supplicántium, súscipe vota credéntium. Per Christum.
R. Amen.
Admonitio sacerdotis In unum congregáti, fratres caríssimi, ad Dei nostri benefícia recolénda, rogémus eum, ut ipse nobis vota subíciat, quae digne possit audíre.
Intentiones 1. Pro Pontífice nostro N., et Antístite nostro N., et omni clero cum pópulo ipsórum gubernáculis commendáto, Dóminum deprecémur.
2. Pro moderatóribus rerum publicárum eorúmque minístris bonum commúne curántibus, Dóminum deprecémur.
1267 & 4 X
Pagina 1267.
3. Pro navigántibus, iter agéntibus, et captívis vel in carcéribus deténtis, Dóminum deprecémur.
4. Pro nobis ómnibus fide, devotióne et Dei dilectióne ac timóre in hac aula sacratíssima congregátis, Dóminum deprecémur.
Oratio sacerdotis Fiant, Dómine, tuo grata conspéctui vota supplicántis Ecclésiae, ut tua nobis misericórdia conferátur quod nostrórum non habet fidúcia meritórum. Per Christum.
R. Amen.
Admonitio sacerdotis Omnes huc convénimus, fratres caríssimi, ad Redemptiónis nostrae recolénda mystéria; rogémus ergo Deum omnipoténtem, ut mundus univérsus his totíus benedictiónis et vitae fóntibus irrigétur.
Intentiones 1. Pro ómnibus qui seípsos Deo vovérunt, ut, illo adiuvánte, propósitum suum in fidelitáte custódiant, Dóminum exorémus.
2. Pro pace géntium, ut, omni perturbatióne remóta, líberis ipsi méntibus pópuli servíre mereántur, Dóminum exorémus.
3. Pro sénibus, qui solitúdine vel infirmitáte labórant, ut fratérna nostra caritáte firméntur, Dóminum exorémus.
4. Pro nobis hic congregátis, ut sic sciámus bonis uti praeséntibus, quibus nos Deus fovére non désinit, ut iam possímus inhaerére perpétuis, Dóminum exorémus.
1268 & 4 X
Pagina 1268.
Oratio sacerdotis Adsit, Dómine, quaesumus, propitiátio tua pópulo supplicánti, ut, quod te inspiránte fidéliter éxpetit, tua céleri largitáte percípiat. Per Christum.
R. Amen.
Tempore " per annum " adhiberi possunt etiam formularia generalia, supra proposita, nn. 1-2.
Admonitio sacerdotis Deum Patrem omnipoténtem, qui Christum Fílium suum suscitávit a mórtuis, pro salúte vivórum atque mortuórum fidéliter invocémus.
Intentiones 1. Ut pópulum christiánum in fide et unitáte stabíliat, Dóminum deprecémur.
2. Ut ab omni bellórum nequítia orbem éruat univérsum, Dóminum deprecémur.
3. Ut frátribus qui carent ópere, victu vel tecto, se patrem dignétur osténdere, Dóminum deprecémur.
4a. Ut huic defúncto N., qui olim per Baptísmum aetérnae vitae semen accépit, perpétuam velit societátem donáre sanctórum, Dóminum deprecémur.
4b. Ut eum, qui manducávit Corpus Christi, panem vitae aetérnae, resúscitet in novíssimo die, Dóminum deprecémur.
(Vel pro presbytero): Ut eum, qui in Ecclésia sacerdótii munus exércuit, fáciat caeléstis partícipem liturgíae, Dóminum deprecémur.
4c. Ut animábus fratrum, propinquórum et benefactórum nostrórum mercédem labóris attríbuat, Dóminum deprecémur.
1269 & 4 X
Pagina 1269.
4d. Ut omnes, qui dormiérunt in spe resurrectiónis, in lúmine sui vultus accípiat, Dóminum deprecémur.
4e. Ut fratres nostros, qui in afflictióne versántur, ádiuvet et propítius consolétur, Dóminum deprecémur.
4f. Ut omnes, qui huc in fide et devotióne convenérunt, in gloriósum suum regnum congregáre dignétur, Dóminum deprecémur.
Oratio sacerdotis Animábus, quaesumus, Dómine, famulórum tuórum orátio profíciat supplicántium, ut eas et a peccátis ómnibus éxuas, et tuae redemptiónis fácias esse partícipes. Per Christum.
R. Amen.
1270 & 4 X
Pagina 1270.
Missale Romanum 2002 continu 1217