Ordo Initiationis Christianae 387
388 Ad nn. 253 et 345: Lectiones biblicae pro initiatione christiana extra Vigiliam paschalem:
389 Ad nn. 215, 216, 258, 349: Aliae formulae benedictionis aquae:
Celebrans: Benedictus Deus, Pater Omnipotens, qui aquam ad purificandum et vivificandum creasti. - Omnes: Benedictus Deus (vel alia apta acclamatio). // Celebrans: Benedictus Deus, Fili unigenite, Iesu Christe, qui de latere aquam cum sanguine profudisti, ut ex morte et resurrectione tua nasceretur Ecclesia. - Omnes: Benedictus Deus. // Celebrans: Benedictus Deus, Spiritus Sancte, qui Christum ad aquas Iordanis baptizatum unxisti, ut omnes nos in te baptizemur. - Omnes: Benedictus Deus.
// Celebrans: Adesto nobis, Domine, Pater unus, et sanctifica creaturam aquae, ut, in ea baptizati, homines a peccato abluantur et ad vitam tuorum renascantur adoptionis filiorum. - Omnes: Exaudi nos, Domine (vel alia apta invocano). // Celebrans: Sanctifica creaturam aquae, ut, qui per eam in mortem et resurrectionem Christi baptizantur, conformes in ipso fiant imagini Filii tui. - Omnes: Exaudi nos, Domine.
// Celebrans manu dextera tangit aquam et pergit: Sanctifica. hanc creaturam aquae, ut Spiritu Sancto regenerentur quos elegisti, et partem habeant populi sancti tui. - Omnes: Exaudi nos, Domine. // Quoties praesto est aqua baptismalis iam benedicta omissis invocationibus adesto nobis, et iis quae sequuntur, celebrans dicit: Huius aquae benedictae mysterio, ad spiritualem regenerationem introducere dignare famulos tuos (N. et N.)et famulas tuas (N. et N.), quos ad hoc lavacrum vocasti, ut habeant vitam aeternam. Per Christum Dominum nostrum. - Omnes: Amen.
// Celebrans: Clementissime Pater, qui de Baptismatis fonte novam filiorum tuorum vitam in nobis scaturire fecisti. - Omnes: Benedictus Deus (vel alia apta acclamatio). // Celebrans: Qui ex aqua et Spiritu Sancto in unum populum omnes baptizatos in Filio tuo Iesu Christo coadunare dignaris. - Omnes: Benedictus Deus. // Celebrans: Qui caritatis tuae Spiritu, quem cordibus infundis, nos liberas, ut tua pace fruamur. - Omnes: Benedictus Deus. // Celebrans: Qui baptizatos eligis, ut in omnibus gentibus Evangelium Christi tui laetanter annuntient. - Omnes: Benedictus Deus. // Celebrans: Hanc aquam benedicere nunc dignare, qua baptizandi sunt famuli tui (N. et N.)et famulae tuae (N. et N.), quos ad lavacrum regenerationis vocasti, ut habeant vitam aeternam. Per Christum Dominum nostrum. - Omnes: Amen.
// Quoties praesto est aqua baptismalis iam benedite omissa invocatione Hanc aquam benedicere, celebrans dicit:
Huius aquae benedictae mysterio, ad spiritualem regenerationem introducere dignare famulos tuos (N. et N.)et famulas tuas (N. et N.), quos ad hoc lavacrum vocasti, ut habeant vitam aeternam. Per Christum Dominum nostrum. - Omnes: Amen.
390 Acclamationes libris sacris desumptae:
1. Quis similis tui in fortibus, Domine? Quis similis tui, magnificus in sanctitate, terribilis atque laudabilis, faciens mirabilia? (Ex 15, 11). // 2. Deus lux est: et tenebrae in eo non sunt ullae (1 Io 1, 5). // 3. Deus caritas est: // etqui manet in caritate in Deo manet (1 Io 4, 16). // 4. Unus Deus Et Pater omnium, qui est super omnes et per omnia et in omnibus nobis (Eph 4, 6). // 5. Respicite ad eum et illuminamini (Ps 33, 6). // 6. Benedictus Deus, qui elegit vos in Christo (cf. Eph 1, 3-4). // 7. Dei factura estis, creati in Christo Iesu (Eph 2, 10). // 8. Carissimi, nunc filii Dei estis: et nondum manifestatum est quid eritis (1 Io 3, 2). // 9. Qualem caritatem dedit vobis Pater, ut filii Dei nominemini et sitis (i Io 3, 1). // 10. Beati qui lavant stolas suas in sanguine Agni (Ap 22, 14).
11. Omnes vos unum estis in Christo Iesu (Gal 3, 28). // 12. Estote imitatores Dei et ambulate in dilectione, sicut et Christus dilexit nos (Eph 5, 1-2). Hymni secundum stilum Novi Testamenti: // 13. Benedictus Deus et Pater Domini nostri Iesu Christi, qui secundum magnam misericordiam suam regeneravit nos in spem vivam, per resurrectionem Iesu Christi ex mortuis, in hereditatem incorruptibilem, conservatam in caelis propter vos in salutem tempore novissimo revelandam! (1Petr 1, 3-5)// 14. Magnum est pietatis sacramentum, ante mundi constitutionem praecognitum, novissimis temporibus manifestatum: Christus Iesus, carne passus et mortificatus, spiritu vivificatus, gentibus praedicatus, in mundo creditus, in caelum profectus, dona largiens hominibus, in gloria super omnes caelos assumptus, ut impleret omnia! (Cf- 1 Tim 3, 16)
// Troparia ex antiquitate et liturgiis selecta: 15. In te credimus, Christe: tuum cordibus lumen infunde, ut lucis filii efficiamur. // 16. Ad te venimus, Domine: tuam nimis vitam largire, ut adoptionis filii in te evadamus. // 17. E latere tuo, Christe, fons aquae prorupit, quo abluuntur mundi sordes et vita renovatur. // 18. Super aquas Patris vox advocat, gloria Filii refulget, et Spiritus Sancti caritas vivificat. // 19.ecclesia sancta, manus extende et natos illos suscipe, quos ex aquis regenerat Sanctus Dei Spiritus. // 20.Gaudete, baptizati, electa vasa regni, in morte consepulti, Christi fide renati. // 21.Fons hic est vitae, qui totum deluit orbem, sumens de Christi vulnere principium. Caelorum regnum sperate, hoc fonte renati.
391 Ad n. 233: Memoria neophytorum in Precibus eucharisticis:
a)IN PRECE EUCHARISTICA. II Post verba universo clero addatur: Recordare quoque, Domine, neophytorum, qui hodie per Baptismum (et Confirmationem)familiae tuae adiuncti sunt, ut Christum, Filium tuum, corde magno et animo volenti sequantur. memento Etiam ...
b)IN PRECE EUCHARISTICA. III Post verba adesto propitius addatur: Conforta, quaesumus, in sancto proposito famulos tuos, qui hodie per lavacrum regenerationis (et donationem Sancti Spiritus)plebi tuae aggregati sunt, et concede, ut in novitate vitae semper procedant. Omnes filios ...
c)IN PRECE EUCHARISTICA. IV Post verba et circumstantium addatur: et neophytorum, quos hodie ex aqua et Spiritu Sancto regenerasti, et cuncti populi tui ...
Ordo Initiationis Christianae 387