IGNATIUS POLYCARPO
100
Ignatius, qui et Theophorus, Polycarpo, episcopo ecclesiae Smyrnaeorum, magis autem visitato a Deo Patre et Iesu Christo, plurimum gaudere.
1
I. Acceptans tuam in Deo sententiam, firmatarii ut supra petram immobilem, superglorifico, dignificatus tua facie immaculata qua fruar in Deo.
2. Deprecor te in Dei gratia, qua indutus es, apponere cursui tuo et omnes de gratia, ut salventur. Iustifica locum tuum in omni cura, carnali et spirituali. Unionem cura, qua nihil melius. Omnes supporta, ut et te Dominus. Omnes sustine in caritate, quemadmodum et facis.
3. Orationibus vaca indesinentibus; pete intellectum ampliorem eo quem habes. Vigila, non dormientem spiritum possidens. Singulis secundum consuetudinem Dei loquere. Omnium aegritudines porta ut perfectus athleta. Ubi maior labor, multum lucrum.
2
II. Bonos discipulos si diligas, gratia tibi non est; magis deteriores in mansuetudine subice. Non omne vulnus eodem emplastro curatur. Exacerbationes in pluviis quieta.
2. Prudens fias ut serpens in omnibus, et simplex ut columba. Propter hoc carnalis es et spiritualis, ut manifesta in tuam faciem blandiaris, invisibilia autem petas, ut tibi manifestentur, ut nullo deficias et omni charismate abundes.
3. Tempus expetit te, ut gubernatores ventos et ut qui in procella est portum, ad Deo potiendum. Vigila ut Dei athleta. Thema incorruptio, vita aeterna, de qua et tu confisus es. Secundum omnia tui refrigerium ego et vincula mea, quae dilexisti.
3
III. Qui videntur fide digni esse et altera docent, non te stupefaciant. Sta firmus ut incus percussa. Magni est athletae discerpi et vincere. Maxime autem propter Deum omnia sustinere nos oportet, ut et ipse nos sustineat.
2. Plus studiosus fias, quam es. Tempora considera. Eum qui supra tempus expecta, intemporalem, invisibilem, propter nos visibilem; impalpabilem, impassibilem, propter nos passibilem, secundum omnem modum propter nos sustinentem.
4
IV. Viduae non negligantur. Post Dominum tu ipsa rum curator esto. Nihil sine sententia tua fiat, neque tu sine Deo quid operare; quod autem operaris, sit bene stabile.
2. Saepius congregationes fiant; ex nomine omnes quaere.
3. Servos et ancillas ne despicias, sed neque ipsi inflentur, sed in gloriam Dei plus serviant, ut meliori liberiate a Deo potiantur. Non desiderent a communi liberi fieri, ut non servi inveniantur concupiscentiae.
5
V. Malas artes fuge, magis autem de his homeliam fac. Sorores meas alloquere, diligere Dominum et viris sufficere carne et spiritu. Similiter et fratribus meis annuntia in nomine Iesu Christi, diligere uxores, ut Dominus ecclesiam.
2. Si quis potest in castitate manere in honorem carnis Domini, in ingloriatione Domini maneat. Si glorietur, perditur, et si videre uelit plus episcopo, corruptus est. Decet autem ducentes et ductas cum sententia episcopi unionem facere, ut sit secundum Dominum et non secundum concupiscentiam. Omnia in honorem Dei fiant.
6
VI. Episcopo attendile, ut et Deus vobis. Unanimis ego cum subiectis episcopo, presbyteris, diaconis, et cum ipsis mihi pars fiat capere in Deo. Collaborate adinvicem, concertate, concurrite, compatimini, condormite, consurgite ut Dei dispensatores et assessores et ministri.
2. Placete cui militatis, a quo et stipendia fertis. Nullus vestrum otiosus inveniatur. Baptisma vestrum maneat ut scutum, fides ut galea, caritas ut lancea, sustinentia ut omnis armatura. Deposita vestra opera, ut accepta vestra digna feratis. Longanimiter ferte igitur vos adinvicem in mansuetudine, ut Deus vos. Fruar vobis semper.
7
VII. Quia ecclesia quae in Antiochia Syriae pacem habet, ut ostensum est mihi, per orationem vestram, et ego laetior factus sum in insollicitudine Dei, siquidem per pati Deo potiar, in inveniri me in resurrectione vestri discipulum.
2. Decet, Policarpe deobeatissime, concilium congregare deodecentissimum et ordinare aliquem, quem dilectum ualde habetis et impigrum, qui poterit Dei cursor vocari, et hunc dignificari, ut uadens in Syriam glorificet vestram impigram caritatem in gloriam Dei.
3. Christianus sui ipsius potestatem non habet, sed Deo uacat. Hoc opus Dei est et vestri, quoniam ipsi perfecti estis. Credo enim gratiae, quoniam parati estis ad beneficentiam deodecentern. Sciens vestrum compendium veritatis, per paucas vos literas consolatus sum.
8
VIII. Quia igitur omnibus ecclesiis non potui seribere propter repente nauigare me a Troade in Neapolim, ut voluntas praecipit, scribes aliis ecclesiis, ut Dei sententiam possidens, in idem et ¨psos facere, hi quidem potentes pedites mittere, hi autem epistolas per a te missos, ut glorificeris aeterno opere, ut dignus existens.
2. Saluto omnes ex nomine et eam quae Epitropi cum domo tota ipsius et filiorum. Saluto Attalum, dilectum meum. Saluto futurum dignificari ad eumdum in Syriam. Erit gratia cum ipso semper et mittente ipsum Polycarpo.
3. Valere vos semper in Deo nostro Iesu Christo oro, in quo permaneatis in unitate Dei et visitatione. Saluto Alken, desideratum mihi nomen. Valete in Domino.
IGNATIUS POLYCARPO