IGNATIUS SMYRNAEIS

Ignatius, qui et Theophorus, ecclesiae Dei Patris et dilecti Iesu Christi, habenti propitiationem in omni charisimate, impletae in fide et cantate, indeficienti existenti omni charismate, deodecentissimae et sanctiferae, existenti in Smyrna Asiae, in incoinquinato spiritu et verbo Dei plurimum gaudere.

1
I. Glorifico Iesum Christum Deum, qui vos sapientes fecit; intellexi enim vos perfectos in immobili fide, quemadmodum clavifixos in cruce Domini nostri Iesu Christi et carne et spiritu, et firmatos in cantate in sanguine Christi, certificatos in Dominum nostrum Iesum Christum, vere existentem de genere David secundum carnem, Filium Dei secundum voluntatem et potentiam Dei, genitum vere ex virgine, baptizatum a Iohanne, ut impleatur omnis iustitia ab ipso;
2. vere sub Pontio Pilato et Herode tetrarcha clavifixum pro nobis in carne (a cuius fructu nos, a divine beatissima ipsius passione), ut levet signum in saecula per resurrectionem in sanctos et fideles ipsius et in Iudaeis et in gentibus in uno corpore ecclesiae ipsius.

2
II. Haec enim omnia passus est pro nobis, ut salvemur; et vere passus est, ut vere resuscitavit se ipsum, non quemadmodum infideles quidam dicunt, secundum videri ipsum passum esse, ipsi secundum videri existentes, et quemadmodum sapiunt et accidet ipsis, existentibus incorporeis et daemoniacis.

3
III. Ego enim et post resurrectionem in carne ipsum vidi et credo existentem.
2. Et quando ad eos qui circum Petrum venit, ait ipsis : Apprendite, palpate me et videte, quoniam non sum daemonium incorporeum. Et confestim ipsum tetigerunt et crediderunt convicti carni ipsius et spiritui. Propter hoc et mortem contempserunt, inuenti autem sunt super mortem.
3. Post resurrectionem autem comedit cum eis et bibit ut carnalis, quamuis spiritualiter unitus Patri.

4
IV. Haec autem monefacio vobis, dilecti, sciens, quoniam et vos sic habetis. Praemunio autem vos a bestiis anthropomorphis, quos non solum oportet vos non recipere, sed si possibile neque eis obviare, solum autem orare pro ipsis, si quomodo paeniteant, quod difficile. Huius autem habet potestatem Iesus Christus, verum nostrum vivere.
2. Si autem secundum videri haec operata sunt a Domino nostro, et ego secundum videri ligor. Quid autem et me ipsum traditum dedi morti ad ignem, ad gladium, ad bestias? Sed prope gladium prope Deum, intermedium bestiarum inter medium Dei; solum in nomine Iesu Christi. Ad compati ipsi omnia sustinebo, ipso me fortificante, qui perfectus homo factus est.

5
V. Quem quidam ignorantes abnegant, magis autem abnegati sunt ab ipso, existentes concionatores mortis magis quam veritatis, quos non persuaserunt prophetiae neque lex Moysi, sed neque usque nunc evangelium neque nostrae eorum qui secundum virum passiones.
2. Etenim de nobis idem sapiunt. Quid enim iuvat me quis, si me laudat, Dominum autem meum blasphemat, non confitens ipsum carniferum? Qui autem hoc non dicit, ipsum perfecte abnegavit, existens imortifer.
3. Nomina autem ipsorum, existentia infidelia, non visum est mihi inscribere; sed neque fiat mihi ipsorum recordari, usque quo paeniteant in passionem, quae est nostra resurrectio.

6
VI. Nullus erret; et supercaelestia et gloria angelorum et principes visibiles et invisibiles, si non credant in sanguinem Christi, et illis iudicium est. Qui capit, capiat. Qualiter nullus infletur; totum enim est fides et caritas, quibus nihil praepositum est.
2. Considerate autem aliter opinantes in gratiam Iesu Christi eam quae in nos venit, qualiter contrarii sunt sententiae Dei. De caritate non est cura ipsis, non de vidua, non de orphano, non de tribulato, non de ligato vel soluto, non de esuriente vel sitiente.

7
VII. Ab eucharistia et oratione recedunt propter non confiteri eucharistiam carnem esse salvatoris nostri Iesu Christi pro peccatis nostris passam, quam benignitate Pater resuscitavit. Contradicentes ergo huic dono Dei perscrutantes moriuntur. Conferens autem esset ipsis diligere, ut resurgant.
2. Decens est recedere a talibus et neque seorsum de ipsis loqui neque communiter, attendere autem prophetis, praecipue vero evangelio, in quo passio nobis ostensa est et resurrectio perfecta est. Partitiones autem fugite ut principium malorum.

8
VIII. Omnes episcopum sequimini, ut Iesus Christus Patrem, et presbyterium ut apostolos; diaconos autem revereamini ut Dei mandatum. Nullus sine episcopo aliquid operetur eorum, quae conveniunt in ecclesiam. Illa firma gratiarum actio reputetur, quae sub episcopo est, vel quod utique ipse concesserit.
2. Ubi utique apparet episcopus, illic multitudo sit, quemadmodum utique ubi est Christus Iesus, illic catholica ecclesia. Non licitum est sine episcopo neque baptizare neque agapen facere, sed quod utique ille probaverit, hoc et Deo beneplacitum, ut stabile sit et firmum omne, quod agitur.

9
IX. Rationabile est de cetero evigilare et, cum adhuc tempus habemus, in Deum paenitere. Bene habet et Deum et episcopum cognoscere. Honorans episcopum a Deo honoratus est; qui occultans ab episcopo aliquid operatur, diabolo praestat obsequium.
2. Omnia igitur vobis in gratia superabundet; digni enim estis. Secundum enim omnia me quiescere fecistis, et vos Iesus Christus. Absentem me et praesentem dilexistis; retribuat vobis Deus, propter quem omnia sustinentes ipsum adipiscemini.

10
X. Philonem et Reum et Agathopum, qui secuti sunt me in verbum Dei, bene fecistis suscipientes ut ministros Dei Christi, qui et gratias agunt Domino pro vobis, quoniam ipsos quiescere fecistis secundum omnem modum. Nihil vobis utique deperibit.
2. Conformis animae vestrae spiritus meus et vincula mea, quae non despexistis neque erubuistis, neque vos erubescet perfecta fides, Iesus Christus.

11
XI. Oratio vestra pervenit ad ecclesiam, quae est in Antiochia Syriae, unde ligatus deodecentissimus vinculis omnes saluto, non existens dignus inde esse, extremus ipsoram existens; secundum voluntatem autem Dei dignus factus sum, non ex conscientia, sed ex gratia Dei, quam oro perfectam mihi dari, ut in oratione vestra Deo potiar.
2. Ut igitur perfectum vestri fiat opus et in terra et in caelo, decet ad honorem Dei ordinare ecclesiam vestram deovenerabilem in factum usque Syriam congaudere ipsis, quoniam pacem habent et acceperunt propriam magnitudinem et restitutum est ipsis proprium corpusculum.
3. Visum est mihi igitur Deo digna res, mittere aliquem vestrorum cum epistola, ut conglorificet eam quae secundum Deum ipsis factam tranquillitatem, et quoniam portu iam potita est oratione vestra. Perfecti existentes, perfecta et sapite. Volentibus enim vobis benefacere Deus paratus est ad tribuere.

12
XII. Salutat vos caritas fratrum qui in Troade; unde et scribo vobis per Burrum, quem misistis mecum simul Ephesiis, fratribus vestris, qui secundum omnia me quiescere fecit. Et utinam omnes ipsum imitentur, existentem exemplarium Dei ministerii. Remuneret ipsum gratia secundum omnia.
2. Saluto Deo dignum episcopum et deodecens presbyterium et conservos meos diaconos et singillatim et communiter omnes in nomine Iesu Christi et carne ipsius et sanguine passioneque et resurrectione carnali et spirituali, in unitate Dei vestri. Gratia vobis et misericordia et pax et sustinentia semper.

13
XIII. Saluto domos fratrum meorum cum uxoribus et filiis et virgines vocatas viduas. Valete mihi in virtute Patris. Salutat vos Philon, mecum existens.
2. Saluto domum Thauiae, quam oro firmari fide et caritate carnali et spirituali. Saluto Alken, desideratum mihi nomen, et Daphnum incomparabilem et Eutecnum et omnes secundum nomen. Valete in gratia Dei.

IGNATIUS SMYRNAEIS