Missale Romanum 2002 606
Benedictiones sequentes adhiberi possunt, ad libitum sacerdotis, in fine celebrationis Missae, aut liturgiae verbi, aut Officii, aut Sacramentorum. Diaconus, vel, eo deficiente, ipse sacerdos, dicit invitatorium: Inclináte vos ad benedictiónem. Deinde sacerdos, manibus super populum extensis, dicit benedictionem, omnibus respondentibus: Amen.
I. In celebrationibus de tempore
1. In Adventu Omnípotens et miséricors Deus, cuius Unigéniti advéntum et praetéritum créditis, et futúrum exspectátis, eiúsdem advéntus vos illustratióne sanctíficet et sua benedictióne locuplétet. R. Amen. In praeséntis vitae stádio reddat vos in fide stábiles, spe gaudéntes, et in caritáte efficáces. R. Amen. Ut, qui de advéntu Redemptóris nostri secúndum carnem devóta mente laetámini, in secúndo, cum in maiestáte sua vénerit, praemiis aetérnae vitae ditémini. R. Amen. Et benedíctio Dei omnipoténtis, Patris, et Filii, + et Spíritus Sancti, descéndat super vos et máneat semper. R. Amen.
2. In Nativitate Domini Deus infinítae bonitátis, qui incarnatióne Fílii sui mundi ténebras effugávit, et eius gloriósa nativitáte
607 & 4 X
Pagina 607.
hanc noctem (diem) sacratíssimam irradiávit, effúget a vobis ténebras vitiórum, et irrádiet corda vestra luce virtútum. R. Amen. Quique eius salutíferae nativitátis gáudium magnum pastóribus ab Angelo vóluit nuntiári, ipse mentes vestras suo gáudio ímpleat, et vos Evangélii sui núntios effíciat. R. Amen. Et, qui per eius incarnatiónem terréna caeléstibus sociávit, dono vos suae pacis et bonae répleat voluntátis, et vos fáciat Ecclésiae consórtes esse caeléstis. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
3. Initio anni Deus, fons et orígo totíus benedictiónis, grátiam vobis concédat, benedictiónis suae largitátem infúndat, atque per totum annum vos salvos et incólumes prótegat. R. Amen. Custódiat fídei vobis integritátem, tríbuat spei longanimitátem, perseverántem usque ad finem cum sancta patiéntia caritátem. R. Amen. Dies et actus vestros in sua pace dispónat, preces hic et ubíque exáudiat, et ad vitam aetérnam felíciter vos perdúcat. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
608 & 4 X
Pagina 608.
4. In Epiphania Domini Deus, qui vos de ténebris vocávit in admirábile lumen suum, suam vobis benedictiónem benígnus infúndat, et corda vestra fide, spe et caritáte stabíliat. R. Amen. Et quia Christum sequímini confidénter, qui hódie mundo appáruit lux relúcens in ténebris, fáciat et vos lucem esse frátribus vestris. R. Amen. Quátenus, peregrinatióne perácta, perveniátis ad eum, quem magi stella praevia quaesiérunt, et gáudio magno, lucem de luce, Christum Dóminum invenérunt. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
5. De Passione Domini Deus, Pater misericordiárum, qui Unigéniti sui passióne tríbuit vobis caritátis exémplum, praestet ut, per servítium Dei et hóminum, percipiátis suae benedictiónis ineffábile donum. R. Amen. Ut ab eo sempitérnae vitae munus obtineátis, per cuius temporálem mortem, aetérnam vos evádere créditis. R. Amen. Quátenus, cuius humilitátis sequímini documénta, eius resurrectiónis possideátis consórtia. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
609 & 4 X
Pagina 609.
6. Tempore paschali Deus, qui per resurrectiónem Unigéniti sui dignátus est vobis bonum redemptiónis adoptionísque conférre, sua benedictióne vos tríbuat congaudére. R. Amen. Et quo rediménte percepístis donum perpétuae libertátis, eo largiénte hereditátis aetérnae consórtes éffici valeátis. R. Amen. Et cui resurrexístis in baptísmate iam credéndo, adiúngi mereámini in pátria caelésti nunc recte vivéndo. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
7. In Ascensione Domini Benedícat vos omnípotens Deus, cuius Unigénitus hodiérna die caelórum alta penetrávit, et vobis, ubi est ipse, ascendéndi áditum reserávit. R. Amen. Concédat ut, sicut Christus post resurrectiónem suam visus est discípulis maniféstus, ita vobis in iudícium véniens appáreat pro aeternitáte placátus. R. Amen. Et qui eum consedére Patri in sua créditis maiestáte, ipsum usque in finem saeculi vobíscum permanére secúndum eius promissiónem laeti valeátis experíre. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
610 & 4 X
Pagina 610.
8. De Spiritu Sancto Deus, Pater lúminum, qui discipulórum mentes Spíritus Parácliti infusióne dignátus est illustráre, sua vos fáciat benedictióne gaudére, et perpétuo donis eiúsdem Spíritus abundáre. R. Amen. Ignis ille, qui super discípulos mirándus appáruit, corda vestra ab omni malo poténter expúrget, et sui lúminis infusióne perlústret. R. Amen. Quique dignátus est in uníus fídei confessióne diversitátem adunáre linguárum, in eádem fide perseveráre vos fáciat, et per illam a spe ad spéciem perveníre concédat. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
9. Per annum, I Benedícat vobis Dóminus, et custódiat vos. R. Amen. Illúminet fáciem suam super vos, et misereátur vestri. R. Amen. Convértat vultum suum ad vos, et donet vobis suam pacem. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
10. Per annum, II Pax Dei, quae exsúperat omnem sensum, custódiat corda vestra et intellegéntias vestras in sciéntia et caritáte Dei, et Fílii sui, Dómini nostri Iesu Christi. R. Amen.
611 & 4 X
Pagina 611.
Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
11. Per annum, III Omnipotens Deus sua vos cleméntia benedícat, et sensum in vobis sapiéntiae salutáris infúndat. R. Amen. Fídei documéntis vos semper enútriat, et in sanctis opéribus, ut perseverétis, effíciat. R. Amen. Gressus vestros ad se convértat, et viam vobis pacis et caritátis osténdat. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
12. Per annum, IV Deus totíus consolatiónis dies vestros in sua pace dispónat, et suae vobis benedictiónis dona concédat. R. Amen. Ab omni semper perturbatióne vos líberet, et corda vestra in suo amóre confírmet. R. Amen. Quátenus donis spei, fídei et caritátis dívites, et praeséntem vitam transigátis in ópere efficáces, et possítis ad aetérnam perveníre felíces. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
612 & 4 X
Pagina 612.
13. Per annum, V Omnípotens Deus univérsa a vobis advérsa semper exclúdat, et suae super vos benedictiónis dona propitiátus infúndat. R. Amen. Corda vestra effíciat divínis inténta elóquiis, ut repléri possint gáudiis sempitérnis. R. Amen. Quátenus, quae bona et recta intellegéntes, viam mandatórum Dei inveniámini semper curréntes, et cívium supernórum efficiámini coherédes. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
14. Per annum, VI Benedícat vos Deus omni benedictióne caelésti, sanctósque vos et puros in conspéctu suo semper effíciat; divítias glóriae suae in vos abundánter effúndat, verbis veritátis ínstruat, Evangélio salútis erúdiat, et caritáte fratérna semper locuplétet. Per Christum Dóminum nostrum. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
II. In celebrationibus de Sanctis
15. De beata Maria Virgine Deus, qui per beátae Maríae Vírginis partum genus humánum sua vóluit benignitáte redímere, sua vos dignétur benedictióne ditáre. R. Amen.
613 & 4 X
Pagina 613.
Eiúsque semper et ubíque patrocínia sentiátis, per quam auctórem vitae suscípere meruístis. R. Amen. Et qui hodiérna die devótis méntibus convenístis, spiritálium gaudiórum caelestiúmque praemiórum vobíscum múnera reportétis. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
16. De sanctis Petro et Paulo Benedícat vos omnípotens Deus, qui in beáti Petri confessióne vos salubérrima stabilívit, et per eam in Ecclésiae soliditáte fídei fundávit. R. Amen. Et quos beáti Pauli instrúxit indeféssa praedicatióne, suo semper exémplo dóceat Christo fratres lucrifácere. R. Amen. Ut Petrus clave, Paulus verbo, ope intercessiónis utérque in illam pátriam nos certent indúcere, ad quam meruérunt illi, alter cruce, alter gládio, felíciter perveníre. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
17. De Apostolis Deus, qui vos in apostólicis tríbuit consístere fundaméntis, benedícere vobis dignétur beatórum Apostolórum N. et N. (beáti Apóstoli N.) méritis intercedéntibus gloriósis. R. Amen.
614 & 4 X
Pagina 614.
Et apostólicis praesídiis vos pro cunctis fáciat testes veritátis, qui vos eórum munerári documéntis vóluit et exémplis. R. Amen. Ut eórum intercessióne ad aetérnae pátriae hereditátem perveníre possítis, per quorum doctrínam fídei firmitátem possidétis. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
18. De omnibus Sanctis Deus, glória et exsultátio Sanctórum, benedícat vos benedictióne perpétua, qui vobis tríbuit exímiis suffrágiis roborári. R. Amen. Eórum intercessióne a praeséntibus malis liberáti, et exémplis sanctae conversatiónis instrúcti, in servítio Dei fratrúmque inveniámini semper inténti. R. Amen. Quátenus cum iis ómnibus valeátis illíus pátriae vos gáudia possidére, in qua fílios suos supérnis coniúngi cívibus in pace perpétua sancta laetátur Ecclésia. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
III. Aliae benedictiones
19. In dedicatione ecclesiae Deus, Dóminus caeli et terrae, qui vos hódie ad huius domus dedicatiónem adunávit, ipse vos caelésti benedictióne fáciat abundáre. R. Amen.
615 & 4 X
Pagina 615.
Concedátque vobis fíeri templum suum et habitáculum Spíritus Sancti, qui omnes fílios dispérsos vóluit in Fílio suo congregári. R. Amen. Quátenus felíciter emundáti, habitatórem Deum in vobismetípsis possítis habére, et aetérnae beatitúdinis hereditátem cum ómnibus Sanctis possidére. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
20. In celebrationibus pro defunctis Benedícat vos Deus totíus consolatiónis, qui hóminem ineffábili bonitáte creávit, et in resurrectióne Unigéniti sui spem credéntibus resurgéndi concéssit. R. Amen. Nobis, qui vívimus, véniam tríbuat pro peccátis, et ómnibus defúnctis locum concédat lucis et pacis. R. Amen. Ut omnes cum Christo sine fine felíciter vivámus, quem resurrexísse a mórtuis veráciter crédimus. R. Amen. Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
616 & 4 X
Pagina 616.
Orationes sequentes adhiberi possunt, ad libitum sacerdotis, in fine celebrationis Missae, aut liturgiae verbi, aut Officii, aut Sacramentorum. Diaconus, vel, eo deficiente, ipse sacerdos, dicit invitatorium: Inclináte vos ad benedictiónem, vel aliis verbis expressum. Deinde sacerdos, manibus super populum extensis, dicit orationem, omnibus respondentibus: Amen. Post orationem, sacerdos semper subdit: Et benedíctio Dei omnipoténtis, Patris, et Fílii, + et Spíritus Sancti, descéndat super vos et máneat semper. R. Amen.
1. Esto, Dómine, propítius plebi tuae, et temporáli consolatióne non déseras, quam vis ad aetérna conténdere. Per Christum.
2. Da, quaesumus, Dómine, pópulis christiánis, et quae profiténtur agnóscere, et caeléste munus dilígere, quod frequéntant. Per Christum.
3. Plebs tua, Dómine, quaesumus, benedictiónis sanctae munus accípiat, per quod et nóxia quaeque declínet, et optáta repériat. Per Christum.
4. Pópulum tuum, Dómine, quaesumus, ad te toto corde convérte, quia, quos deféndis étiam delinquéntes, maióre pietáte tuéris sincéra mente devótos. Per Christum.
5. Famíliam tuam, quaesumus, Dómine, propitiátus illústra, ut, beneplácitis inhaeréndo, cuncta quae bona sunt mereátur exercére. Per Christum.
6. Largíre, quaesumus, Dómine, fidélibus tuis indulgéntiam placátus et pacem, ut pariter ab ómnibus mundéntur offénsis, et secúra tibi mente desérviant. Per Christum.
617 & 4 X
Pagina 617.
7. Subiéctum tibi pópulum, quaesumus, Dómine, propitiátio caeléstis amplíficet, et tuis semper fáciat servíre mandátis. Per Christum.
8. Propitiáre pópulo tuo, Deus, ut, ab omni malo liberátus, et toto tibi corde desérviat, et sub tua semper protectióne consístat. Per Christum.
9. Família tua, Deus, et de celebrátis mystériis suae redemptiónis iúgiter collaetétur, et eius dona perseveránter acquírat. Per Christum.
10. Dómine Deus, de abundántia misericordiárum tuárum fámulos praesta locuplétes, praesta secúros, ut, confirmáti benedictiónibus tuis, in omni gratiárum actióne semper abúndent, teque perpétua exsultatióne benedícant. Per Christum.
11. Famíliam tuam, quaesumus, Dómine, contínua pietáte custódi, ut a cunctis adversitátibus, te protegénte, sit líbera, et in bonis áctibus tuo nómini sit devóta. Per Christum.
12. Fidéles tuos, quaesumus, Dómine, córpore páriter et mente purífica, ut, tua inspiratióne compúncti, nóxias delectatiónes vitáre praeváleant, atque tua semper suavitáte pascántur. Per Christum.
13. Adsit, Dómine, fidélibus tuis sacrae benedictiónis efféctus, qui mentes ómnium spiritáli vegetatióne dispónat, ut ad ópera sua exercénda virtúte caritátis tuae roboréntur. Per Christum.
618 & 4 X
Pagina 618.
14. Auxílium tuum, Dómine, nómini tuo súbdita poscunt corda fidélium, ut quia sine te nihil possunt implére quod iustum est, tua misericórdia largiénte, et quae recta sunt apprehéndant et ómnia sibi profutúra percípiant. Per Christum.
15. Succúrre, Dómine, quaesumus, pópulo fidéli deprecánti et opem tríbue benígnus fragilitáti humánae, ut sincéra tibi mente devótus et praeséntis vitae remédiis gáudeat et futúrae. Per Christum.
16. Réspice, Dómine, propítius famíliam tuam et perpétuam largíre misericórdiam supplicánti; ut sine qua nihil potest a te dignum prorsus effícere, per eam salutária tua praecépta mereátur implére. Per Christum.
17. Grátiam caeléstem, Dómine, super fidéles tuos multíplica: quorum laudent te ora, laudet ánima, laudet et vita, et quia tui múneris est quod sumus, tuum sit omne quod vivémus. Per Christum.
18. Pópulum tuum, Dómine, quaesumus, caeléstibus ínstrue disciplínis, ut, ómnia vitándo quae mala sunt et bona cuncta sectándo, non indignátionem tuam, sed iúgiter misercórdiam consequátur. Per Christum.
19. Adésto, Dómine, supplícibus tuis, et spem suam in tua misericórdia collocántes tuére propítius, ut in sancta conversatióne fidéles permáneant et, consequéntes sufficiéntiam temporálem, promissiónis tuae perficiántur herédes in aetérnum. Per Christum.
619 & 4 X
Pagina 619.
20. Tuae largíre pietátis grátiam, Dómine, pópulo tuo supplicánti, ut qui te factóre cónditus, te est reparátus auctóre, te iúgiter operánte salvétur. Per Christum.
21. Profíciat, quaesumus, Dómine, fidélis pópulus tuae pietátis instínctu et, salúbri compunctióne motus, gratánter quae praecipis exsequátur, ut quae promíttis accípiat. Per Christum.
22. Móveat pietátem tuam, quaesumus, Dómine, fragílitas plebis tibi devótae et misericórdiam tuam supplicátio fidélis obtíneat, ut quod méritis non praesúmit, indulgéntiae tuae largitáte percípiat. Per Christum.
23. Ad defensiónem filiórum, Dómine, quaesumus, déxteram tuae maiestátis exténde et patérnae voluntáti obodiéntes perpétua pietátis tuae protectióne muniántur. Per Christum.
24. Réspice, Dómine, famíliae tuae preces et opem tríbue supplíciter imploránti, ut cóngruis subsídiis roborátus in confessióne tui nóminis perséveret. Per Christum.
25. Consérva, Dómine, quaesumus, famíliam tuam et misericordiárum tuárum propítius ubertátem concéde, ut caeléstibus eruditiónibus multiplicétur et donis. Per Christum.
620 & 4 X
Pagina 620.
26. Laetétur, Dómine, quaesumus, pópulus fidélis déxtera tua sublevátus et christiána conversatióne profíciens, et praeséntibus gáudeat bonis et futúris. Per Christum.
In festis Sanctorum 27. Exsúltet, Dómine, pópulus christiánus de magnórum Fílii tui glorificatióne membrórum, et in quorum est celebritáte tibi devótus, partem acquírat in eórum sorte perpétua, atque de tua glória semper congáudeat. Per Christum.
28. Plebis tuae, quaesumus, Dómine, ad te semper corda convérte, et quam tantis facis patrocíniis adiuvári, perpétuis non désinas gubernáre praesídiis. Per Christum.
621 & 4 X
Pagina 621.
&&CANTUS AD PRECEM EUCHARISTICAM
622 & 4 X
Pagina 622.
623 & 4 X
Pagina 623.
PREX EUCHARISTICA I seu CANON ROMANUS
624 & 4 X
Pagina 624.
625 & 4 X
Pagina 625.
626 & 4 X
Pagina 626.
627 & 4 X
Pagina 627.
628 & 4 X
Pagina 628.
629 & 4 X
Pagina 629.
630 & 4 X
Pagina 630.
631 & 4 X
Pagina 631.
632 & 4 X
Pagina 632.
633 & 4 X
Pagina 633.
634 & 4 X
Pagina 634.
635 & 4 X
Pagina 635.
636 & 4 X
Pagina 636.
637 & 4 X
Pagina 637.
638 & 4 X
Pagina 638.
639 & 4 X
Pagina 639.
640 & 4 X
Pagina 640.
641 & 4 X
Pagina 641.
642 & 4 X
Pagina 642.
643 & 4 X
Pagina 643.
644 & 4 X
Pagina 644.
645 & 4 X
Pagina 645.
646 & 4 X
Pagina 646.
647 & 4 X
Pagina 647.
648 & 4 X
Pagina 648.
649 & 4 X
Pagina 649.
650 & 4 X
Pagina 650.
651 & 4 X
Pagina 651.
652 & 4 X
Pagina 652.
653 & 4 X
Pagina 653.
654 & 4 X
Pagina 654.
655 & 4 X
Pagina 655.
656 & 4 X
Pagina 656.
657 & 4 X
Pagina 657.
658 & 4 X
Pagina 658.
659 & 4 X
Pagina 659.
660 & 4 X
Pagina 660.
661 & 4 X
Pagina 661.
662 & 4 X
Pagina 662.
663 & 4 X
Pagina 663.
&&ORDO MISSAE &&CUIUS UNUS TANTUM MINISTER PARTICIPAT
664 & 4 X
Pagina 664.
665 & 4 X
Pagina 665.
1. Sacerdos ad altare cum ministro accedit et, facta cum eo profunda inclinatione, osculo altare veneratur et sedem petit. Tunc minister vel ipse sacerdos recitat antiphonam ad introitum. Deinde sacerdos et minister, stantes, signant se signo crucis, dum sacerdos, versus ad ministrum, dicit: In nómine Patris, et Fílii, et Spíritus Sancti. Minister respondet: Amen.
2. Tunc sacerdos, ad ministrum conversus et manus extendens, eum salutat, dicens: Dóminus vobíscum. Minister respondet: Et cum spíritu tuo.
Adhiberi possunt etiam aliae formulae salutationis, quae in Ordine Missae (pp. 503 -504 ) inveniuntur.
3. Postea sacerdos et minister formulam confessionis generalis perficiunt: Confíteor Deo omnipoténti et tibi, frater, quia peccávi nimis cogitatióne, verbo, ópere et omissióne: et, percutientes sibi pectus, dicunt: mea culpa, mea culpa, mea máxima culpa. Deinde prosequuntur: Ideo precor beátam Maríam semper Vírginem, omnes Angelos et Sanctos, et te, frater, oráre pro me ad Dóminum Deum nostrum. Sequitur absolutio sacerdotis: Misereátur nostri omnípotens Deus et, dimíssis peccátis nostris, perdúcat nos ad vitam aetérnam.
666 & 4 X
Pagina 666.
Minister respondet: Amen.
Adhiberi possunt etiam aliae formulae actus paenitentialis, quae in Ordine Missae (pp. 506 -508 ) inveniuntur.
4. Sequuntur invocationes Kyrie, eléison, quas sacerdos dicit alternatim cum ministro.
Sacerdos: Kyrie, eléison. Minister: Kyrie, eléison. Sacerdos: Christe, eléison. Minister: Christe, eléison. Sacerdos: Kyrie, eléison. Minister: Kyrie, eléison.
5. Deinde, quando praescribitur, sacerdos et minister simul dicunt hymnum Glória in excélsis Deo.
6. Quo hymno expleto, sacerdos, manibus iunctis, dicit: Orémus. Et, facta aliqua pausa silentii, extendit manus et dicit orationem collectam; qua expleta, minister acclamat: Amen.
7. Tunc minister vel ipse sacerdos legit primam lectionem, psalmum et, si habenda est, secundam lectionem necnon alterum cantum.
8. Deinde sacerdos, profunde inclinatus, secreto dicit: Munda cor meum ac lábia mea, omnípotens Deus, ut sanctum Evangélium tuum digne váleam nuntiáre.
9. Postea, iunctis manibus, dicit: Dóminus vobíscum.
Minister respondet: Et cum spíritu tuo.
Sacerdos: Lectio sancti Evangélii secúndum N., et interim signat librum et seipsum in fronte, ore et pectore.
667 & 4 X
Pagina 667.
Minister acclamat: Glória tibi, Dómine.
Deinde sacerdos Evangelium proclamat. Quo expleto, sacerdos acclamat: Verbum Dómini.
Minister respondet: Laus tibi, Christe.
Deinde sacerdos librum osculatur, dicens secreto: Per evangélica dicta deleántur nostra delícta.
10. Quando dicendum est, sacerdos et minister simul dicunt symbolum.
11. Postea fieri potest oratio universalis seu oratio fidelium, in qua sacerdos introductionem et conclusionem et minister intentiones proferunt.
12. Minister corporale, purificatorium et calicem super altare deponit, nisi iam initio Missae ibidem sint posita. Sacerdos ad medium altaris accedit.
13. Tunc minister affert patenam cum pane, quam sacerdos accipit et ambabus manibus aliquantulum elevatam super altare tenet, dicens: Benedíctus es, Dómine, Deus univérsi, quia de tua largitáte accépimus panem, quem tibi offérimus, fructum terrae et óperis mánuum hóminum, ex quo nobis fiet panis vitae.
Deponit deinde patenam cum pane super corporale. In fine minister acclamare potest: Benedíctus Deus in saecula.
14. Postea sacerdos infundit vinum et parum aquae in calicem, dicens secreto: Per huius aquae et vini mystérium eius efficiámur divinitátis consórtes, qui humanitátis nostrae fíeri dignátus est párticeps.
668 & 4 X
Pagina 668.
15. Postea accipit calicem, eumque ambabus manibus aliquantulum elevatum super altare tenet, dicens: Benedíctus es, Dómine, Deus univérsi, quia de tua largitáte accépimus vinum, quod tibi offérimus, fructum vitis et óperis mánuum hóminum, ex quo nobis fiet potus spiritális.
Deinde calicem super corporale deponit. In fine minister acclamare potest: Benedíctus Deus in saecula.
16. Postea sacerdos, profunde inclinatus, dicit secreto: In spíritu humilitátis et in ánimo contríto suscipiámur a te, Dómine, et sic fiat sacrifícium nostrum in conspéctu tuo hódie, ut pláceat tibi, Dómine Deus.
17. Deinde, stans ad latus altaris, lavat manus, dicens secreto: Lava me, Dómine, ab iniquitáte mea, et a peccáto meo munda me.
18. Stans postea in medio altaris, versus ad ministrum, extendens et iungens manus, dicit: Oráte, fratres, ut meum ac vestrum sacrifícium acceptábile fiat apud Deum Patrem omnipoténtem.
Minister respondet: Suscípiat Dóminus sacrifícium de mánibus tuis ad laudem et glóriam nóminis sui, ad utilitátem quoque nostram totiúsque Ecclésiae suae sanctae.
Deinde sacerdos, manibus extensis, dicit orationem super oblata; qua finita, minister acclamat: Amen.
19. Tunc sacerdos dicit Precem eucharisticam, iuxta normas, quae in singulis Precibus eucharisticis (pp. 571 -596 et pp. 674 - 706 ) indicantur.
20. Post doxologiam in fine Precis eucharisticae, calice et patena depositis, sacerdos, iunctis manibus, dicit: Praecéptis salutáribus móniti, et divína institutióne formáti, audémus dícere:
669 & 4 X
Pagina 669.
Extendit manus et, una cum ministro, pergit: Pater noster, qui es in caelis: sanctificétur nomen tuum; advéniat regnum tuum; fiat volúntas tua, sicut in caelo, et in terra. Panem nostrum cotidiánum da nobis hódie; et dimítte nobis débita nostra, sicut et nos dimíttimus debitóribus nostris; et ne nos indúcas in tentatiónem; sed líbera nos a malo.
21. Manibus extensis, sacerdos solus prosequitur, dicens: Líbera nos, quaesumus, Dómine, ab ómnibus malis, da propítius pacem in diébus nostris, ut, ope misericórdiae tuae adiúti, et a peccáto simus semper líberi et ab omni perturbatióne secúri: exspectántes beátam spem et advéntum Salvatóris nostri Iesu Christi. Iungit manus.
Minister orationem concludit, acclamans: Quia tuum est regnum, et potéstas, et glória in saecula.
22. Deinde sacerdos, manibus extensis, clara voce dicit: Dómine Iesu Christe, qui dixísti Apóstolis tuis: Pacem relínquo vobis, pacem meam do vobis: ne respícias peccáta nostra, sed fidem Ecclésiae tuae; eámque secúndum voluntátem tuam pacificáre et coadunáre dignéris. Iungit manus. Qui vivis et regnas in saecula saeculórum.
Minister respondet: Amen.
670 & 4 X
Pagina 670.
23. Sacerdos, ad ministrum conversus, extendens et iungens manus, subdit: Pax Dómini sit semper vobíscum.
Minister respondet: Et cum spíritu tuo.
Et sacerdos, pro opportunitate, pacem dat ministro.
24. Deinde accipit hostiam, eamque super patenam frangit, ministro interdum dicente: Agnus Dei, qui tollis peccáta mundi: miserére nobis. Agnus Dei, qui tollis peccáta mundi: miserére nobis. Agnus Dei, qui tollis peccáta mundi: dona nobis pacem. Sacerdos particulam immittit in calicem, dicens secreto: Haec commíxtio Córporis et Sánguinis Dómini nostri Iesu Christi fiat accipiéntibus nobis in vitam aetérnam.
25. Sacerdos deinde, manibus iunctis, dicit secreto: Dómine Iesu Christe, Fili Dei vivi, qui ex voluntáte Patris, cooperánte Spíritu Sancto, per mortem tuam mundum vivificásti: líbera me per hoc sacrosánctum Corpus et Sánguinem tuum ab ómnibus iniquitátibus meis et univérsis malis: et fac me tuis semper inhaerére mandátis, et a te numquam separári permíttas.
Vel: Percéptio Córporis et Sánguinis tui, Dómine Iesu Christe, non mihi provéniat in iudícium et condemnatiónem: sed pro tua pietáte prosit mihi ad tutaméntum mentis et córporis, et ad medélam percipiéndam.
26. Sacerdos genuflectit, accipit hostiam, eamque aliquantulum elevatam super patenam vel super calicem tenens, versus ad ministrum, clara voce dicit: Ecce Agnus Dei, ecce qui tollit peccáta mundi. Beáti qui ad cenam Agni vocáti sunt.
671 & 4 X
Pagina 671.
Et una cum ministro semel subdit: Dómine, non sum dignus, ut intres sub tectum meum, sed tantum dic verbo, et sanábitur ánima mea.
Si minister non est communicandus, sacerdos, accepta hostia, statim dicit: Dómine, non sum dignus, etc.
27. Et deinde secreto dicit: Corpus Christi custódiat me in vitam aetérnam. Et reverenter sumit Corpus Christi.
Deinde accipit calicem et secreto dicit: Sanguis Christi custódiat me in vitam aetérnam. Et reverenter sumit Sanguinem Christi.
28. Interdum minister dicit antiphonam ad Communionem.
29. Postea accipit patenam, accedit ad ministrum, si communicandus est, et hostiam parum elevatam ei ostendit, dicens: Corpus Christi.
Minister respondet: Amen. Et communicatur.
30. Deinde sacerdos purificat patenam super calicem et ipsum calicem. Calix, patena, corporale et purificatorium a ministro ad abacum deferuntur, vel super altare relinquuntur.
Dum purificationem peragit, sacerdos dicit secreto: Quod ore súmpsimus, Dómine, pura mente capiámus, et de múnere temporáli fiat nobis remédium sempitérnum.
31. Sacrum silentium per aliquod temporis spatium servari potest.
32. Postea sacerdos, manibus iunctis, dicit: Orémus.
Et facta aliqua pausa silentii, nisi iam praecesserit, extendit manus et dicit orationem post Communionem.
Minister in fine acclamat: Amen.
672 & 4 X
Pagina 672.
33. Deinde sacerdos, versus ad ministrum, extendens manus, dicit: Dóminus vobíscum.
Minister respondet: Et cum spíritu tuo.
Sacerdos benedicit ministrum, dicens: Benedícat vos omnípotens Deus, Pater, et Fílius, + et Spíritus Sanctus.
Minister respondet: Amen.
34. Denique sacerdos altare osculo veneratur et, facta cum ministro profunda inclinatione, recedit.
673 & 4 X
Pagina 673.
&&APPENDIX AD ORDINEM MISSAE
674 & 4 X
Pagina 674.
Praefatio, Vere Sanctus usque ad fiat homo a solo celebrante principali, manibus extensis, dicuntur. A Réspice, quaesumus usque ad dedignátus affígi omnes concelebrantes omnia simul proferunt, manibus ad oblata extensis. A Sed ántequam usque ad a quo omnis auferátur divísio omnes concelebrantes omnia simul proferunt, hoc modo: a) Sed ántequam, manibus iunctis; b) verba Domini, manu dextera, si opportunum videtur, ad panem et ad calicem extensa, ad ostensionem autem hostiam et calicem aspicientes ac postea profunde se inclinantes; c) Mémores ígitur et Réspice, benígnus, manibus extensis. Intercessio: In communióne mentis uni e concelebrantibus committi convenit, qui solus hanc precem manibus extensis profert. Partes praesertim quae sequuntur: Sed ántequam, Convéscens autem, Simíliter, postquam, Mémores ígitur, Réspice, benígnus necnon doxologia finalis cantu proferri possunt. Doxologia finalis Precis eucharisticae a solo celebrante principali aut ab omnibus concelebrantibus una cum celebrante principali profertur.
675 & 4 X
Pagina 675.
&&PRECES EUCHARISTICAE " DE RECONCILIATIONE " Preces eucharisticae " de Reconciliatione " adhiberi possunt in Missis, quibus mysterium reconciliationis peculiari modo fidelibus insinuatur, v. gr. in Missis pro concordia fovenda, pro reconciliatione, pro pace et iustitia servanda, tempore belli vel eversionis, pro remissione peccatorum, ad postulandam caritatem, de mysterio Sanctae Crucis, de SS.ma Eucharistia, de pretiosissimo Sanguine D.N.I.C. necnon in Missis tempore Quadragesimae. Quamvis praefatione propria instructae sint, adhiberi possunt etiam cum aliis praefationibus, quae ad paenitentiam et conversionem referuntur, uti v. gr. cum praefationibus Quadragesimae.
1. V. Dóminus vobíscum. R. Et cum spíritu tuo. V. Sursum corda. R. Habémus ad Dóminum. V. Grátias agámus Dómino Deo nostro. R. Dignum et iustum est. Vere dignum et iustum est nos tibi semper grátias ágere. Dómine, sancte Pater, omnípotens aetérne Deus: Qui ad abundantiórem vitam habéndam nos incitáre non désinis, et, cum sis dives in misericórdia, véniam offérre persevéras ac peccatóres invítas ad tuae solum indulgéntiae fidéndum. A nobis autem, qui fodus tuum tóties violávimus, numquam avérsus, humánam famíliam per Iesum Fílium tuum, Redemptórem nostrum, novo caritátis vínculo tam arcte tibi iunxísti, ut nullo modo possit dissólvi. Nunc quidem tempus grátiae et reconciliatiónis pópulo tuo praebes,
676 & 4 X
Pagina 676.
eíque ad te ánimum converténti in Christo Iesu speráre concédis cunctísque homínibus tríbuis deservíre, dum plénius Spirítui Sancto se cóncredit. Et ídeo, admiratióne perfúsi, tui amóris virtútem extóllimus nostrúmque de salúte gáudium profiténtes, cum innúmeris caeléstium turbis hymnum concínimus, sine fine dicéntes: Sanctus, Sanctus, Sanctus, Dóminus Deus Sábaoth. Pleni sunt caeli et terra glória tua. Hosánna in excélsis. Benedíctus qui venit in nómine Dómini. Hosánna in excélsis.
2. Sacerdos, manibus extensis, dicit: Vere Sanctus es, Dómine, qui ab orígine mundi semper operáris ut, sicut Sanctus es ipse, sanctus fiat homo.
3. Iungit manus, easque expansas super oblata tenens, dicit: Réspice, quaesumus, múnera pópuli tui et super ea Spíritus tui virtútem effúnde iungit manus et signat semel super panem et calicem simul, dicens: ut Corpus et + Sanguis fiant iungit manus dilécti Fílii tui, Iesu Christi, in quo et nos fílii tui sumus. Quamvis vero olim pérditi tibi appropinquáre nequirémus, summo nos amóre dilexísti: Fílius enim tuus, qui solus est Iustus, morti trádidit seípsum, ligno crucis pro nobis non dedignátus affígi. Sed ántequam bráchia eius inter caelum et terram exténta
677 & 4 X
Pagina 677.
efficeréntur tui fo´deris indelébile signum, ipse cum discípulis suis Pascha vóluit celebráre.
4. In formulis, quae sequuntur, verba Domini proferantur distincte et aperte, prouti natura eorundem verborum requirit. Convéscens autem, accipit panem eumque parum elevatum super altare tenens prosequitur: accépit panem et tibi grátias agens benedíxit, fregit et dedit illis, dicens: parum se inclinat: ACCÍPITE ET MANDUCÁTE EX HOC OMNES: HOC EST ENIM CORPUS MEUM, QUOD PRO VOBIS TRADÉTUR.
Hostiam consecratam ostendit populo, reponit super patenam, et genuflexus adorat.
5. Postea prosequitur: Simíliter, postquam cenátum est, sciens se ómnia in seípso reconciliatúrum per sánguinem suum in cruce fundéndum, accipit calicem, eumque parum elevatum super altare tenens, prosequitur: accépit cálicem, genímine vitis replétum, et íterum tibi grátias agens discípulis suis trádidit, dicens: parum se inclinat
ACCÍPITE ET BÍBITE EX EO OMNES: HIC EST ENIM CALIX SÁNGUINIS MEI NOVI ET AETÉRNI TESTAMÉNTI, QUI PRO VOBIS ET PRO MULTIS EFFUNDÉTUR IN REMISSIONEM PECCATÓRUM. HOC FÁCITE IN MEAM COMMEMORATIÓNEM.
Calicem ostendit populo, deponit super corporale, et genuflexus adorat.
678 & 4 X
Pagina 678.
6. Deinde dicit: Mystérium fídei:
Et populus prosequitur, acclamans: Mortem tuam annuntiámus, Dómine, et tuam resurrectiónem confitémur, donec vénias.
Vel: Quotiescúmque manducámus panem hunc et cálicem bíbimus, mortem tuam annuntiámus, Dómine, donec vénias.
Vel: Salvátor mundi, salva nos, qui per crucem et resurrectiónem tuam liberásti nos.
7. Postea, extensis manibus, sacerdos dicit: Mémores ígitur Fílii tui Iesu Christi, qui Pascha nostrum est et pax nostra certíssima, mortem eius et resurrectiónem ab ínferis celebrámus atque, beátum eius advéntum praestolántes, offérimus tibi, qui fidélis et miséricors es Deus, hóstiam, quae hómines tecum reconcíliat. Réspice, benígnus, clementíssime Pater, quos tibi coniúngis Fílii tui sacrifício, ac praesta ut, Spíritus Sancti virtúte, ex hoc uno pane et cálice partícipes, in unum corpus congregéntur in Christo, a quo omnis auferátur divísio. In communióne mentis et cordis nos semper serváre dignéris una cum Papa nostro N. et Epíscopo nostro N. (*) Adiuva nos, ut simul advéntum regni tui praestolémus usque ad horam qua tibi adstábimus, sancti inter sanctos in sede caelésti, cum beáta Vírgine Dei Genetríce María, beátis Apóstolis et ómnibus Sanctis
679 & 4 X
Pagina 679.
atque frátribus nostris defúnctis, quos tuae misericórdiae supplíciter commendámus. Tum vero, a corruptiónis vúlnere tandem liberáti et nova plene constitúti creatúra, gaudéntes tibi canémus gratiárum actiónem Iungit manus: Christi tui, in aetérnum vivéntis.
8. Accipit patenam cum hostia et calicem, et utrumque elevans, dicit: Per ipsum, et cum ipso, et in ipso, est tibi Deo Patri omnipoténti, in unitáte Spíritus Sancti, omnis honor et glória per omnia saecula saeculórum. Populus acclamat: Amen. Deinde sequitur ritus Communionis, p. 597 .
680 & 4 X
Pagina 680.
Missale Romanum 2002 606