Missale Romanum 2002 continu 926

926 & 4 X

Pagina 926.

Ant. ad communionem Ap 12,11-12 Non dilexérunt ánimas suas usque ad mortem, proptérea laetámini, caeli, et qui habitátis in eo (T.P. allelúia).

Post communionem Suméntes, Dómine, gáudia sempitérna de participatióne sacraménti, et de memória beátae N., supplíciter deprecámur, ut, quae sédula servitúte, donánte te, gérimus, dignis sénsibus tuo múnere capiámus. Per Christum.


927 & 4 X

Pagina 927.

COMMUNE PASTORUM

I. Pro papa vel pro episcopo

1

Ant. ad introitum Elégit eum Dóminus sibi in sacerdótem magnum, et apériens thesáurum suum abundáre eum fecit ómnibus bonis (T.P. allelúia).

Vel: Cf. Qo 50,1 Qo 44,16 Qo 22 Ecce sacérdos magnus, qui in diébus suis plácuit Deo: ídeo iureiurándo fecit illum Dóminus créscere in plebem suam (T.P. allelúia).

Collecta

Pro papa: Omnípotens sempitérne Deus, qui beátum N. cuncto pópulo tuo praeésse, ac verbo et exémplo prodésse voluísti, eódem intercedénte, pastóres Ecclésiae tuae cum grégibus sibi commíssis custódi et dírige in viam salútis aetérnae. Per Dóminum.

Pro episcopo: Deus, qui Ecclésiae tuae in beáto N. boni pastóris exémplum providére dignátus es, concéde propítius, ut, eius intercessióne, in loco páscuae tuae perpétuo collocári mereámur. Per Dóminum.

Super oblata Súscipe, quaesumus, Dómine, hoc sacrifícium pópuli tui, ut, quod tibi in honóre beáti N. offértur ad glóriam, nobis tríbuas ad salútem perpétuam. Per Christum.


& 4 X

Pagina 928.

Ant. ad communionem Cf. Jn 10,11 Pastor bonus ánimam suam pósuit pro óvibus suis (T.P. allelúia).

Post communionem Sacraménta quae súmpsimus, Dómine Deus noster, in nobis fóveant caritátis ardórem, quo beátus N. veheménter accénsus pro Ecclésia tua se iúgiter impendébat. Per Christum.

2

Ant. ad introitum Cf.Qo 45,30 Státuit ei Dóminus testaméntum pacis, et príncipem fecit eum, ut sit illi sacerdótii dígnitas in aetérnum (T.P. allelúia).

Collecta

Pro papa: Deus, qui beátum N., quem totíus Ecclésiae praestitísti esse pastórem, miro virtútis et doctrínae splendóre coruscáre fecísti, da nobis talis epíscopi mérita venerántibus, ut per bona ópera lucére coram homínibus et per amórem ardére coram te valeámus. Per Dóminum.

Pro papa: Deus, qui beátum N. vicárium constituísti Petri eíque univérsae curam Ecclésiae commisísti, gregem tuum diléctum ipsíus semper intercessióne custódi, ut fide íntegra perfectáque ad pátriam caritáte procédat. Per Dóminum.

929 & 4 X

Pagina 929.

Pro episcopo: Da nobis, quaesumus, omnípotens Deus, beáti N. epíscopi digne memóriam venerári, et, sicut illum quibus praeerat, verbo et exémplo prodésse voluísti, ita ipsíus apud te semper intercessiónis suffrágia sentiámus. Per Dóminum.

Super oblata Annue nobis, quaesumus, Dómine, ut, in hac festivitáte beáti N., haec nobis prosit oblátio, quam immolándo totíus mundi tribuísti relaxári delícta. Per Christum.

Ant. ad communionem Cf. Jn 21,17 Dómine, tu ómnia nosti; tu scis quia amo te (T.P. allelúia).

Post communionem Acceptórum múnerum virtus, Dómine Deus, in hac festivitáte beáti N. nobis efféctus ímpleat, ut simul et mortális vitae subsídium cónferat, et gáudium perpétuae felicitátis obtíneat. Per Christum.

II. Pro episcopo

1

Ant. ad introitum Cf. Ez 34,11 Ez 45,23-24 Visitábo oves meas, dicit Dóminus, et suscitábo pastórem qui pascat eas: ego autem Dóminus ero eis in Deum (T.P. allelúia).

Vel: Cf. Lc 12,42 Iste est fidélis et prudens dispensátor, quem constítuit Dóminus super famíliam suam, ut det illis in témpore trítici mensúram (T.P. allelúia).

930 & 4 X

Pagina 930.


Collecta Omnípotens sempitérne Deus, qui beátum N. epíscopum plebi tuae sanctae praeésse voluísti, quaesumus, ut, eius suffragántibus méritis, pietátis tuae grátiam largiáris. Per Dóminum.

Vel: Omnípotens aetérne Deus, qui beátum N. epíscopum Ecclésiae tuae sanctae dedísti, praesta, ut, quod ille divíno affátus spíritu dócuit, nostris iúgiter stabiliátur in córdibus, et, quem patrónum, te donánte, ampléctimur, eum apud tuam misericórdiam defensórem habeámus. Per Dóminum.

Super oblata Hóstias, quaesumus, Dómine, quas in festivitáte beáti N. sacris altáribus exhibémus, propítius réspice, ut, nobis indulgéntiam largiéndo, tuo nómini dent honórem. Per Christum.

Ant. ad communionem Cf. Jn 15,16 Non vos me elegístis, dicit Dóminus; sed ego elégi vos, et pósui vos ut eátis et fructum afferátis, et fructus vester máneat (T.P. allelúia).

Vel: Cf. Lc 12,36-37 Beátus ille servus, quem, cum vénerit dóminus eius, et pulsáverit iánuam, invénerit vigilántem (T.P. allelúia).

Post communionem Refécti sacris mystériis, Dómine, humíliter deprecámur, ut, beáti N. exémplo, studeámus confitéri quod crédidit, et ópere exercére quod dócuit. Per Christum.


931 & 4 X

Pagina 931.

2

Ant. ad introitum Cf. Lc 1 Suscitábo mihi sacerdótem fidélem, qui iuxta cor meum et ánimam meam fáciet, dicit Dóminus (T.P. allelúia).

Vel: Cf. Lc 12,42 Fidélis et prudens dispensátor in magni patrisfamílias domo constitútus erat, ut consérvis suis mensúram trítici erogáret (T.P. allelúia).

Collecta Deus, qui beátum N. divína caritáte flagrántem, fidéque, quae vincit mundum, insígnem, sanctis pastóribus mirabíliter aggregásti, praesta, quaesumus, ut, ipso intercedénte, nos quoque, in fide et caritáte perseverántes, eius glóriae consórtes fíeri mereámur. Per Dóminum.

Vel: Dómine Deus, qui beátum N. caelésti doctrína imbúere dignátus es, da nobis, ipsíus intervéntu, eándem doctrínam fidéliter custodíre, et móribus profitéri. Per Dóminum.

Super oblata Súscipe, Dómine, haec múnera pópuli tui, quae tibi in beáti N. festivitáte offérimus, ut per éadem, sicut confídimus, tuae pietátis sentiámus auxílium. Per Christum.

Ant. ad communionem Jn 10,10 Ego veni ut vitam hábeant, et abundántius hábeant, dicit Dóminus (T.P. allelúia).

& 4 X

Pagina 932.

Vel: Mc 16,17-18 Signa eórum qui in me credunt, dicit Dóminus, haec sequéntur: daemónia eícient, super aegros manus impónent, et bene habébunt (T.P. allelúia).

Post communionem Córporis sacri et pretiósi Sánguinis alimónia repléti, quaesumus, Dómine Deus noster, ut, quod pia devotióne gérimus, certa redemptióne capiámus. Per Christum.


III. Pro pastoribus

A. Pro pluribus pastoribus

Ant. ad introitum Jr 3,15 Dabo vobis pastóres iuxta cor meum, et pascent vos sciéntia et doctrína (T.P. allelúia).

Vel: Cf. Da 3,84 Da 87 Sacerdótes Dei, benedícite Dóminum; sancti et húmiles corde, laudáte Deum (T.P. allelúia).

Collecta Deus, qui beátos (epíscopos) N. et N. ad pascéndum pópulum tuum spíritu veritátis et dilectiónis implevísti, praesta, ut, quorum festivitátem venerándo ágimus, eórum imitatióne proficiámus, et intercessióne sublevémur. Per Dóminum.

& 4 X

Pagina 933.


Super oblata Laudis tibi, Dómine, hóstias offérimus in tuórum commemoratióne Sanctórum, quibus nos et praeséntibus éxui malis confídimus et futúris. Per Christum.

Ant. ad communionem Mt 20,28 Fílius hóminis non venit ministrári, sed ministráre, et dare ánimam suam redemptiónem pro multis (T.P. allelúia).

Post communionem Súmpsimus, Dómine, sanctórum tuórum N. et N. memóriam celebrántes, sacraménta caeléstia; praesta, quaesumus, ut, quod temporáliter gérimus, aetérnis gáudiis consequámur. Per Christum.

B. Pro uno pastore

1

Ant. ad introitum Cf. Ps 131,9 Sacerdótes tui, Dómine, índuant iustítiam, et sancti tui exsúltent (T.P. allelúia).

Collecta Súpplices te rogámus, omnípotens Deus, ut, intercedénte beáto N. (epíscopo), et tua in nobis dona multíplices, et témpora nostra in pace dispónas. Per Dóminum.

Super oblata Praeténde múnera, quaesumus, Dómine, altáribus tuis pro beáti tui N. commemoratióne propósita, ut, sicut per haec beáta mystéria illo glóriam contulísti, ita nobis indulgéntiam largiáris. Per Christum.


& 4 X

Pagina 934.

Ant. ad communionem Cf. Mt 24,46-47 Beátus servus, quem, cum vénerit Dóminus, invénerit vigilántem; amen dico vobis, super ómnia bona sua constítuet eum (T.P. allelúia).

Vel: Cf. Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensúram (T.P. allelúia).

Post communionem Mensa caeléstis, omnípotens Deus, in ómnibus festivitátem beáti N. celebrántibus supérnas vires firmet et áugeat, ut et fídei donum íntegrum custodiámus, et per osténsum salútis trámitem ambulémus. Per Christum.

2

Ant. ad introitum Cf. Lc 4,18 Spíritus Dómini super me: propter quod unxit me, evangelizáre paupéribus misit me, sanáre contrítos corde (T.P. allelúia).

Vel: Cf. Qo 45,20 Elégit eum Dóminus sacerdótem sibi, ad sacrificándum ei hóstiam laudis (T.P. allelúia).

Collecta Deus, fidélium lumen et pastor animárum, qui beátum N. (epíscopum) in Ecclésia posuísti, ut oves tuas verbo pásceret et informáret exémplo, da nobis, eius intercessióne, et fidem serváre, quam verbo dócuit, et viam sequi, quam exémplo monstrávit. Per Dóminum.

& 4 X

Pagina 935.


Super oblata Maiestátem tuam supplíciter implorámus, omnípotens Deus, ut, sicut glóriam divínae poténtiae múnera pro beáto N. obláta testántur, sic nobis efféctum tuae salvatiónis impéndant. Per Christum.

Ant. ad communionem Mt 28,20 Ecce ego vobíscum sum ómnibus diébus usque ad consummatiónem saeculi, dicit Dóminus (T.P. allelúia).

Post communionem Sumpta mystéria, quaesumus, Dómine, aetérnis nos praeparent gáudiis, quae beátus N. fidéli dispensatióne proméruit. Per Christum.


Vel: Refectióne sacra enutrítos, fac nos, omnípotens Deus, exémpla beáti N. iúgiter sequéntes, te pérpeti devotióne cólere, et indeféssa ómnibus caritáte profícere. Per Christum.


IV. Pro fundatoribus Ecclesiarum

A. Pro uno fundatore

Ant. ad introitum Cf. Is 59,21 Is 56,7 Dicit Dóminus: Sermónes mei, quos dedi in os tuum, non defícient de ore tuo, et múnera tua accépta erunt super altáre meum (T.P. allelúia).

936 & 4 X

Pagina 936.


Collecta Omnípotens et miséricors Deus, qui beáti N. praedicatióne patres nostros illumináre dignátus es, concéde nobis, quaesumus, ut, qui christiáno gloriámur nómine, fidem quam profitémur iúgiter opéribus ostendámus. Per Dóminum.

Vel: Réspice, Dómine, famíliam tuam, quam beátus N. (epíscopus) génuit verbo veritátis, et vitae áluit sacraménto, ut, quos grátia tua fecit illíus ministério fidéles, fáciat eiúsdem précibus in caritáte fervéntes. Per Dóminum.

Super oblata Annue, quaesumus, omnípotens Deus, ut haec sacrifícia pópuli tui, quae tibi in commemoratióne beáti N. offérimus, donis caeléstibus propitiátus immísceas. Per Christum.

Ant. ad communionem Cf. Mc 10,45 Fílius hóminis venit, ut daret ánimam suam redemptiónem pro multis (T.P. allelúia).

Vel: 1Co 3,11 Fundaméntum áliud nemo potest pónere, praeter id quod pósitum est, quod est Christus Iesus (T.P. allelúia).

937 & 4 X

Pagina 937.


Post communionem Súmpsimus, Dómine, pignus redemptiónis aetérnae, beáti N. festivitáte laetántes, quod sit nobis, quaesumus, vitae praeséntis auxílium páriter et futúrae. Per Christum.

B. Pro pluribus fundatoribus

Ant. ad introitum Isti sunt viri sancti, quos elégit Dóminus in caritáte non ficta; et dedit illis glóriam sempitérnam, quorum doctrína fulget Ecclésia (T.P. allelúia).

Collecta Réspice, quaesumus, Dómine, ad tuam benígnus Ecclésiam et, cui per apostólicam sanctórum N. et N. sollicitúdinem religiónis exórdium donásti, per eórum intercessiónem, tríbue contínuum christiánae pietátis afféctum. Per Dóminum.

Vel: Deus, qui beatórum N. et N. (episcopórum) praedicatióne patres nostros vocásti in admirábile Evangélii lumen, fac, ut, eórum intercessióne, crescámus in grátia et cognitióne Dómini nostri Iesu Christi, Fílii tui. Qui tecum.

938 & 4 X

Pagina 938.


Super oblata Súscipe, quaesumus, Dómine, múnera pópuli tui, pro sanctórum tuórum N. et N. festivitáte deláta, et sincéro nos corde pérfice benígnus accéptos. Per Christum.

Ant. ad communionem Cf. Jn 15,15 Iam non dicam vos servos, quia servus nescit quid fáciat dóminus eius, dicit Dóminus. Vos autem dixi amícos, quia ómnia quaecúmque audívi a Patre meo, nota feci vobis (T.P. allelúia).

Vel: 1P 2,9 Pópulus acquisitiónis, annuntiáte virtútes eius, qui vos de ténebris vocávit in admirábile lumen suum (T.P. allelúia).

Post communionem Laetíficet nos accéptum de altári salutáre tuum, Dómine, in sanctórum N. et N. festivitáte, qua, de tuis benefíciis sollíciti, pretiósa fídei nostrae inítia venerámur, et te in sanctis tuis mirábilem praedicámus. Per Christum.

V. Pro missionariis

Pro missionariis martyribus, pp. 922 -924 .

1

Ant. ad introitum Isti sunt viri sancti facti amíci Dei, divínae veritátis praecónio gloriósi (T.P. allelúia).

939 & 4 X

Pagina 939.

Vel: Ps 17,50 Ps 21,23 Confitébor tibi in pópulis, Dómine, et narrábo nomen tuum frátribus mei (T.P. allelúia).

Collecta Deus, qui per beátum N. (epíscopum) infidéles pópulos de ténebris ad lucem veritátis veníre tribuísti, da nobis, eius intercessióne, in fídei stabilitáte consístere, et in spe Evangélii, quod praedicávit, constántes permanére. Per Dóminum.

Vel: Omnípotens sempitérne Deus, qui huius diéi laetítiam in beáti N. glorificatióne consecrásti, concéde propítius, ut fidem illam, quam inexplébili stúdio semper asséruit, iúgiter retinére et ópere complére studeámus. Per Dóminum.

Super oblata Réspice quas offérimus hóstias, omnípotens Deus, in beáti N. festivitáte, et praesta, ut, qui domínicae passiónis mystéria celebrámus, imitémur quod ágimus. Per Christum.

Ant. ad communionem Ez 34,15 Ego pascam oves meas, et ego eas accubáre fáciam, dicit Dóminus (T.P. allelúia).

Vel: Mt 10,27 Quod dico vobis in ténebris, dícite in lúmine, dicit Dóminus, et quod in aure audítis, praedicáte super tecta (T.P. allelúia).

940 & 4 X

Pagina 940.


Post communionem Huius mystérii virtúte, confírma, Dómine, fámulos tuos in fide veritátis, ut eam ubíque ore et ópere confiteántur, pro qua beátus N. laboráre non déstitit et vitam suam impéndit. Per Christum.

2

Ant. ad introitum Cf. Is 52,7 Quam pulchri super montes pedes annuntiántis et praedicántis pacem, annuntiántis bonum, praedicántis salútem (T.P. allelúia)!

Collecta Deus, qui Ecclésiam tuam beáti N. religiónis zelo et apostólicis curis amplificásti, eius intercessióne concéde, ut fídei et sanctitátis nova semper increménta suscípiat. Per Dóminum.

Super oblata Propitiáre, Dómine, supplicatiónibus nostris, et nos ab omni culpa líberos esse concéde, ut, purificánte grátia tua, iísdem quibus famulámur mystériis emundémur. Per Christum.

Ant. ad communionem Mc 16,15; Mt 28,20 Eúntes in mundum univérsum, praedicáte Evangélium: ego vobíscum sum ómnibus diébus, dicit Dóminus (T.P. allelúia).

Vel: Jn 15,4-5 Manéte in me, et ego in vobis, dicit Dóminus. Qui manet in me et ego in eo, hic fert fructum multum (T.P. allelúia).

941 & 4 X

Pagina 941.


Post communionem Sacraménta quae súmpsimus, Dómine Deus noster, illam nobis fidem innútriant, quam et apostólica dócuit praedicátio, et beáti N. sollicitúdo custodívit. Per Christum.

3

Ant. ad introitum Ps 95,3-4 Annuntiáte inter gentes glóriam Dómini, in ómnibus pópulis mirabília eius, quóniam magnus Dóminus et laudábilis nimis (T.P. allelúia).

Collecta Deus, cuius ineffábili misericórdia beátus N. evangelizávit investigábiles divítias Christi, da nos, eius intercessióne, créscere in sciéntia tua, et, in omni ópere bono fructificántes, secúndum Evangélii veritátem coram te fidéliter ambuláre. Per Dóminum.

Super oblata Beáti N. memóriam recenséntes, quaesumus, Dómine, ut his munéribus tibi oblátis benedictiónem effúndas de caelis, quo, ex eis suméntes, et ómnibus careámus culpis et caeléstibus repleámur edúliis. Per Christum.

Ant. ad communionem Cf. Lc 10,1 Lc 9 Misit Dóminus discípulos, qui nuntiárent civitátibus: Appropinquávit in vos regnum Dei (T.P. allelúia).

Vel: Cf. Mt 13,8 Mt 23 Semen quod cécidit in terram bonam. hi sunt, qui in corde bono et óptimo fructum áfferunt in patiéntia (T.P. allelúia).

942 & 4 X

Pagina 942.


Post communionem Sancta tua nos, Dómine, sumpta vivíficent, ut, qui beáti N. commemoratióne gaudémus, eius quoque apostólicae virtútis proficiámus exémplo. Per Christum.


943 & 4 X

Pagina 943.

COMMUNE DOCTORUM ECCLESIAE

1

Ant. ad introitum Cf. Qo 15,5 In médio Ecclésiae apéruit os eius, et implévit eum Dóminus spíritu sapiéntiae et intelléctus; stolam glóriae índuit eum (T.P. allelúia).

Vel: Ps 36,30-31 Os iusti meditábitur sapiéntiam, et lingua eius loquétur iudícium; lex Dei eius in corde ipsíus (T.P. allelúia).

Collecta Omnípotens aetérne Deus, qui beátum N. (epíscopum) Ecclésiae tuae doctórem dedísti, praesta, ut, quod ille divíno affátus spíritu dócuit, nostris iúgiter stabiliátur in córdibus, et quem patrónum, te donánte, ampléctimur, eum apud tuam misericórdiam defensórem habeámus. Per Dóminum.

Super oblata Sacrifícium tibi pláceat, Deus, in festivitáte beáti N. libénter exhíbitum, quo monénte, nos étiam totos tibi réddimus collaudántes. Per Christum.

Ant. ad communionem Cf. Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensúram (T.P. allelúia).

Vel: Cf. Ps 1,2-3 Qui meditábitur in lege Dómini die ac nocte, dabit fructum suum in témpore suo (T.P. allelúia).

944 & 4 X

Pagina 944.


Post communionem Quos Christo réficis pane vivo, eósdem édoce, Dómine, Christo magístro, ut in festivitáte beáti N. tuam discant veritátem, et eam in caritáte operéntur. Per Christum.

2

Ant. ad introitum Cf. Da 12,3 Qui docti fúerint, fulgébunt quasi splendor firmaménti, et qui ad iustítiam erúdiunt multos, quasi stellae in perpétuas aeternitátes (T.P. allelúia).

Vel: Cf. Qo 44,15 Qo 14 Sapiéntiam Sanctórum narrent pópuli, et laudes eórum núntiet Ecclésia; nómina autem eórum vivent in saeculum saeculi (T.P. allelúia).

Collecta Dómine Deus, qui beátum N. caelésti doctrína imbúere dignátus es, da nobis, ipsíus intervéntu, eándem doctrínam fidéliter custodíre et móribus profitéri. Per Dóminum.

Super oblata Illa nos, quaesumus, Dómine, divína tractántes, Spíritus Sanctus fídei luce perfúndat, qua beátum N. ad glóriae tuae propagatiónem iúgiter collustrávit. Per Christum.

Ant. ad communionem Cf. 1Co 1,23-24 Nos praedicámus Christum crucifíxum, Christum, Dei virtútem et Dei sapiéntiam (T.P. allelúia).

945 & 4 X

Pagina 945.


Post communionem Caelésti alimónia refécti, súpplices te, Dómine, deprecámur, ut, beáti N. mónitis obsequéntes, de accéptis donis semper in gratiárum actióne maneámus. Per Christum.


946 & 4 X

Pagina 946.

COMMUNE VIRGINUM

Pro virgine martyre, pp. 924 - 925 .

I. Pro pluribus virginibus

Ant. ad introitum Cf. Ps 148,12-14 Vírgines laudent nomen Dómini, quia exaltátum est nomen eius solíus; conféssio eius super caelum et terram (T.P. allelúia).

Vel: Cf. Ps 44,16 Afferéntur Regi vírgines in laetítia et exsultátione, adducéntur in templo Regi Dómino (T.P. allelúia).

Collecta Multíplica super nos, quaesumus, Dómine, misericórdiam tuam, ut, sicut in beatárum vírginum N. et N. festivitáte pia devotióne laetámur, ita eárum perpétua societáte, te largiénte, fruámur. Per Dóminum.

Super oblata In sanctárum vírginum N. et N. commemoratióne te, Dómine, mirábilem praedicántes, múnera votíva deférimus; praesta, quaesumus, ut, sicut eárum tibi grata sunt mérita, sic nostrae servitútis accépta reddántur offícia. Per Christum.

Ant. ad communionem Cf. Mt 25,10 Venit Sponsus, et vírgines, quae parátae erant, intravérunt cum eo ad núptias (T.P. allelúia).

947 & 4 X

Pagina 947.

Vel: Jn 14,21 Jn 23 Qui díligit me, diligétur a Patre meo, et ad eum veniémus, et mansiónem apud eum faciémus (T.P. allelúia).

Post communionem Sumpta mystéria, quaesumus, Dómine, in hac festivitáte beatárum vírginum N. et N., íncitent nos iúgiter et illústrent, ut digne advéntum Fílii tui praestolémur, et ad supérnas eius núptias admittámur. Per Christum.

II. Pro una virgine

1

Ant. ad introitum Haec est virgo sápiens, et una de número prudéntum, quae óbviam Christo cum lámpade accénsa éxiit (T.P. allelúia).

Vel: O quam pulchra es, virgo Christi, quae corónam Dómini digna fuísti accípere, corónam perpétuae virginitátis (T.P. allelúia).

Collecta Exáudi nos, Deus, salutáris noster, ut, sicut de beátae N. vírginis commemoratióne gaudémus, ita piae devotiónis erudiámur afféctu. Per Dóminum.

948 & 4 X

Pagina 948.


Super oblata In beáta vírgine N. te, Dómine, mirábilem praedicántes, maiestátem tuam supplíciter exorámus, ut, sicut eius tibi grata sunt mérita, sic nostrae servitútis accépta reddántur offícia. Per Christum.

Ant. ad communionem Cf. Mt 25,6 Ecce Sponsus venit: exíte óbviam Christo Dómino (T.P. allelúia).

Vel: Cf. Ps 26,4 Unam pétii a Dómino, hanc requíram: ut inhábitem in domo Dómini ómnibus diébus vitae meae (T.P. allelúia).

Post communionem Divíni múneris participatióne refécti, quaesumus, Dómine Deus noster, ut, exémplo beátae N., mortificatiónem Iesu in córpore nostro circumferéntes, tibi soli adhaerére studeámus. Per Christum.

2

Ant. ad introitum Gaudeámus et exsultémus, quia Dóminus ómnium diléxit vírginem sanctam atque gloriósam (T.P. allelúia).

Vel: Haec est virgo sápiens, quam Dóminus vigilántem invénit, quae accéptis lampádibus sumpsit secum óleum et, veniénte Dómino, introívit cum eo ad núptias (T.P. allelúia).

949 & 4 X

Pagina 949.


Collecta Dómine Deus, qui beátam N. vírginem caeléstibus donis cumulásti, tríbue, quaesumus, ut, eius virtútes aemulántes in terris, gáudiis cum ipsa perfruámur aetérnis. Per Dóminum.

Vel, pro virgine fundatrice: Fac, Dómine Deus noster, ut beáta virgo N., sponsa tibi fidélis, divínae caritátis flammam éxcitet in córdibus nostris, quam, ad perénnem Ecclésiae tuae glóriam, áliis virgínibus inséruit. Per Dóminum.

Super oblata Dicátae, quaesumus, Dómine, capiámus oblatiónis efféctum, ut, beátae N. exémplo, terrénae vetustátis conversatióne mundáti, caeléstis vitae proféctibus innovémur. Per Christum.

Ant. ad communionem Cf. Mt 25, 4.6 Quinque prudéntes vírgines accepérunt óleum in vasis suis cum lampádibus. Média autem nocte clamor factus est: Ecce sponsus venit, exíte óbviam Christo Dómino (T.P. allelúia).

Post communionem Córporis et Sánguinis Unigéniti tui sacra percéptio, Dómine, ab ómnibus nos cadúcis rebus avértat, ut exémplo beátae N. valeámus tui et sincéra in terris caritáte profícere, et perpétua in caelis visióne gaudére. Per Christum.


950 & 4 X

Pagina 950.

3

Ant. ad introitum Veni, sponsa Christi, áccipe corónam, quam tibi Dóminus praeparávit in aetérnum (T.P. allelúia).

Vel: Regnum mundi et omne saeculum contémpsit propter amórem Dómini Iesu Christi (T.P. allelúia).

Collecta Deus, qui te in puris manére córdibus ásseris, da nobis, beátae N. vírginis intercessióne, per grátiam tuam tales exsístere, in quibus habitáre dignéris. Per Dóminum.

Vel: Exáudi, quaesumus, Dómine, preces nostras, ut, qui beátae N. vírginis virtútem devóte recólimus, in tui amóre permanére et usque in finem semper créscere mereámur. Per Dóminum.

Super oblata Súscipe, Dómine, obséquium humilitátis nostrae, quod tibi in commemoratióne beátae N. vírginis exhibémus, et nos, per immaculátam hóstiam, da iúgiter in tuo conspéctu pio sanctóque amóre flagráre. Per Christum.

Ant. ad communionem Cf. Lc 10,42 Optimam partem elégit sibi virgo prudens, quae non auferétur ab ea (T.P. allelúia).

Vel: Mt 25,6 Média nocte clamor factus est: Ecce sponsus venit, exíte óbviam ei (T.P. allelúia).

951 & 4 X

Pagina 951.


Post communionem Caelésti pane refécti, humíliter deprecámur cleméntiam tuam, Dómine, ut, qui de beátae N. commemoratióne gaudémus, véniam delictórum, sospitátem córporum, gratiámque et glóriam aetérnam consequámur animárum. Per Christum.


952 & 4 X

Pagina 952.

COMMUNE SANCTORUM ET SANCTARUM

Missae quae sequuntur, si pro determinato Sanctorum ordine inscribuntur, pro eius ordinis Sanctis adhibentur; aliae vero, pro omnibus Sanctorum ordinibus adhiberi possunt.


I. Pro omnibus Sanctorum ordinibus

A. Pro pluribus Sanctis

1

Ant. ad introitum Cf. Ps 144,10-11 Confiteántur tibi, Dómine, ómnia ópera tua, et Sancti tui benedícant tibi: glóriam regni tui dicent, et poténtiam tuam loquéntur (T.P. allelúia).

Collecta Omnípotens aetérne Deus, qui per glorificatiónem Sanctórum novíssima dilectiónis tuae nobis arguménta largíris, concéde propítius, ut, ad Unigénitum tuum fidéliter imitándum, et ipsórum intercessióne commendémur, et incitémur exémplo. Per Dóminum.

Super oblata Preces nostras, Dómine, quaesumus, propitiátus admítte, et, ut digne tuis famulémur altáribus, Sanctórum tuórum nos intercessióne custódi. Per Christum.


953 & 4 X

Pagina 953.

Ant. ad communionem Cf. Ps 67,4 Iusti epuléntur, et exsúltent in conspéctu Dei, et delecténtur in laetítia (T.P. allelúia).

Vel: Lc 12,37 Beáti servi illi, quos, cum vénerit Dóminus, invénerit vigilántes. Amen dico vobis, quod praecínget se, et fáciet illos discúmbere, et tránsiens ministrábit illis (T.P. allelúia).

Post communionem Omnípotens sempitérne Deus, Pater totíus consolatiónis et pacis, praesta famíliae tuae in celebritáte Sanctórum ad laudem tui nóminis congregátae, ut, per Unigéniti tui sumpta mystéria, pignus accípiat redemptiónis aetérnae. Per Christum.

2

Ant. ad introitum Cf. Ps 63,11 Laetábitur iustus in Dómino, et sperábit in eo; et laudabúntur omnes recti corde (T.P. allelúia).

Collecta Deus, qui nos cónspicis ex nostra infirmitáte defícere, ad amórem tuum nos misericórditer per Sanctórum tuórum exémpla restáura. Per Dóminum.

Super oblata Praesta nobis, quaesumus, omnípotens Deus, ut nostrae humilitátis oblátio et pro tuórum tibi grata sit honóre Sanctórum, et nos córpore páriter et mente puríficet. Per Christum.


954 & 4 X

Pagina 954.

Ant. ad communionem Cf. Jn 12,26 Qui mihi minístrat, me sequátur, dicit Dóminus: et ubi ego sum, illic et miníster meus erit (T.P. allelúia).

Post communionem In natalíciis Sanctórum quaesumus, Dómine, ut, sacraménti múnere vegetáti, bonis, quibus per tuam grátiam nunc fovémur, perfruámur aetérnis. Per Christum.

3

Ant. ad introitum Cf. Ps 91,13-14 Iustus ut palma florébit, sicut cedrus Líbani multiplicábitur; plantátus in domo Dómini, in átriis domus Dei nostri (T.P. allelúia).

Collecta Impetret, quaesumus, Dómine, fidélibus tuis auxílium orátio iusta Sanctórum, et, in quorum sunt celebritáte devóti, fiant in eórum perpétua sorte partícipes. Per Dóminum.

Super oblata Hóstias ad altáre tuum offeréntibus, Dómine, da nobis illum pietátis afféctum, quem Sanctis tuis infudísti, ut pura mente ac férvido corde rei sacrae attendámus, et sacrifícium tibi plácitum nobísque profícuum celebrémus. Per Christum.

Ant. ad communionem Mt 11,28 Veníte ad me, omnes qui laborátis et oneráti estis, et ego refíciam vos, dicit Dóminus (T.P. allelúia).

955 & 4 X

Pagina 955.


Post communionem Sacramentórum tuórum, Dómine, commúnio sumpta nos salvet, et in tuae veritátis luce confírmet. Per Christum.

4

Ant. ad introitum Jr 17,7-8 Benedíctus vir, qui confídit in Dómino, et erit Dóminus fidúcia eius; et erit quasi lignum, quod transplantátur super aquas, quod ad humórem mittit radíces suas; et non timébit cum vénerit aestus (T.P. allelúia).

Collecta Concéde, quaesumus, omnípotens Deus, ut ad meliórem vitam Sanctórum tuórum exémpla nos próvocent, quátenus beatórum N. et N., quorum memóriam celebrámus, étiam actus incessánter imitémur. Per Dóminum.

Super oblata Múnera nostra, Dómine, sacris altáribus offeréntes, in hac festivitáte Sanctórum tuórum, quaesumus cleméntiam tuam, ut éadem et suprémam tibi glóriam operéntur, et ubérrimam nobis grátiam assequántur. Per Christum.

Ant. ad communionem Jn 15,9 Sicut diléxit me Pater, et ego diléxi vos, dicit Dóminus; manéte in dilectióne mea (T.P. allelúia).

956 & 4 X

Pagina 956.


Post communionem Quaesumus, Dómine Deus noster, ut divína mystéria, quae in tuórum commemoratióne Sanctórum frequentámus, salútem et pacem in nobis operéntur aetérnam. Per Christum.

B. Pro uno Sancto

1

Ant. ad introitum Cf. Ps 20,2-3 In virtúte tua, Dómine, laetábitur iustus, et super salutáre tuum exsultábit veheménter; desidérium ánimae eius tribuísti ei (T.P. allelúia).

Collecta Deus, qui infirmitáti nostrae, ad teréndam salútis viam, in Sanctis tuis exémplum et praesídium collocásti, concéde propítius, ut, qui beáti N. natalícia cólimus, per eius ad te exémpla gradiámur. Per Dóminum.

Super oblata Praesénti oblatióne, Dómine, in beáti N. commemoratióne deláta, fidélibus tuis, quaesumus, pacis et unitátis dona largíre. Per Christum.

Ant. ad communionem Cf. Mt 16,24 Qui vult veníre post me, ábneget semetípsum, et tollat crucem suam, et sequátur me, dicit Dóminus (T.P. allelúia).

Vel, pro iis qui res publicas moderati sunt: Mt 6,33 Primum quaerite regnum Dei, et ómnia adiciéntur vobis, dicit Dóminus (T.P. allelúia).

957 & 4 X

Pagina 957.


Post communionem Sacraménta quae súmpsimus, Dómine, in commemoratióne beáti N. mentes et corda nostra sanctíficent, ut divínae consórtes natúrae éffici mereámur. Per Christum.

2

Ant. ad introitum Lex veritátis fuit in ore eius et iníquitas non est invénta in lábiis eius; in pace et in aequitáte ambulávit mecum, et multos avértit ab iniquitáte (T.P. allelúia).

Collecta Deus, qui solus es sanctus, et sine quo nullus est bonus, intercessióne beáti N., iube nos, quaesumus, tales fíeri, qui non debeámus tua glória privári. Per Dóminum.

Super oblata Sacrifícia, Dómine, quae in hac festivitáte beáti N. tuae offérimus maiestáti, nobis sint ad salútem efficácia, et tuae plácita pietáti. Per Christum.

Ant. ad communionem Mt 5,8-9 Beáti mundo corde, quóniam ipsi Deum vidébunt; beáti pacífici, quóniam fílii Dei vocabúntur (T.P. allelúia).

Post communionem Sacro múnere satiáti, súpplices te, Dómine, deprecámur, ut, quod in festivitáte beáti N. débitae servitútis celebrámus offício, salvatiónis tuae sentiámus augméntum. Per Christum.


958 & 4 X

Pagina 958.


II. Pro monachis et religiosis

A. Pro abbate

Ant. ad introitum Cf. Ps 91,13-14 Iustus ut palma florébit, sicut cedrus Líbani multiplicábitur; plantátus in domo Dómini, in átriis domus Dei nostri (T.P. allelúia).

Vel: Ps 36,30-31 Os iusti meditábitur sapiéntiam, et lingua eius loquétur iudícium; lex Dei eius in corde ipsíus (T.P. allelúia).

Collecta Da nobis, quaesumus, Dómine, inter mundi huius varietátes toto corde rebus caeléstibus adhaerére, qui per beátum N. abbátem evangélicae nobis perfectiónis documénta donásti. Per Dóminum.

Super oblata Ad altáre tuum accedéntibus, Dómine, da nobis illum pietátis afféctum, quo beátus N., abbas, exársit, ut, mundi corde et caritáte fervéntes, tibi sacrifícium offérre valeámus. Per Christum.

Ant. ad communionem Cf. Lc 12,42 Fidélis servus et prudens, quem constítuit Dóminus super famíliam suam, ut det illis in témpore trítici mensúram (T.P. allelúia).

Vel: Mt 23,11 Qui maior est vestrum, erit miníster vester, dicit Dóminus (T.P. allelúia).

959 & 4 X

Pagina 959.


Post communionem Huius quod súmpsimus, Dómine, virtúte sacraménti, rénova corda nostra, ut exémplo beáti N., abbátis, quae sursum sunt, non quae super terram, sapiéntes, cum Christo in glória mereámur apparére. Qui vivit et regnat in saecula saeculórum.

B. Pro monacho

Ant. ad introitum Ubi fratres in unum gloríficant Deum, ibi dabit Dóminus benedictiónem (T.P. allelúia).

Vel: Cf. Ps 70,8 Ps 23 Repleátur os meum laude tua, ut possim cantáre; gaudébunt lábia mea, dum cantávero tibi (T.P. allelúia).

Collecta Deus, qui fámulum tuum beátum N. ad Christi sequélam benígnus vocásti, eius, quaesumus, intercessióne, concéde, ut, nosmetípsos abnegántes, tibi toto corde adhaerére valeámus. Per Dóminum.

Super oblata Súscipe, Dómine, quaesumus, hóstias pro salúte tuae plebis oblátas, quibus nos, intercedénte beáto N., et peccándi illécebras fúgere valeámus et caeléstibus propinquáre consórtiis. Per Christum.

Ant. ad communionem Cf. Lc 8,15 Qui verbum Dei rétinent corde perfécto et óptimo, fructum áfferunt in patiéntia (T.P. allelúia).


Missale Romanum 2002 continu 926